헬라어 문장 검색 - Πλυταρ́Ξαεσαρ́27́

(플루타르코스, Caesar, chapter 27)

οὐ μὴν ἀλλὰ τότε τῶν διαφυγόντων οἱ πλεῖστοι μετὰ τοῦ βασιλέωσ εἰσ πόλιν Ἀλησίαν συνέφυγον. καὶ πολιορκοῦντι ταύτην Καίσαρι δοκοῦσαν ἀνάλωτον εἶναι μεγέθει τε τειχῶν καὶ πλήθει τῶν ἀπομαχομένων ἐπιπίπτει παντὸσ λόγου μείζων κίνδυνοσ ἔξωθεν. ὃ γὰρ ἦν ἐν Γαλατίᾳ κράτιστον ἀπὸ τῶν ἐθνῶν ἀθροισθὲν, ἐν ὅπλοισ ἧκον ἐπὶ τὴν Ἀλησίαν τριάκοντα μυριάδεσ·

αἱ δ’ ἐν αὐτῇ τῶν μαχομένων οὐκ ἐλάττονεσ ἦσαν ἑπτακαίδεκα μυριάδων, ὥστε ἐν μέσῳ πολέμου τοσούτου τὸν Καίσαρα κατειλημμένον καὶ πολιορκούμενον ἀναγκασθῆναι διττὰ τείχη προβαλέσθαι, τὸ μὲν πρὸσ τὴν πόλιν, τὸ δὲ ἀπὸ τῶν ἐπεληλυθότων, ὡσ, εἰ συνέλθοιεν αἱ δυνάμεισ, κομιδῇ διαπεπραγμένων τῶν καθ’ αὑτόν. διὰ πολλὰ μὲν οὖν εἰκότωσ ὁ πρὸσ Ἀλησίᾳ κίνδυνοσ ἔσχε δόξαν, ὡσ ἔργα τόλμησ καὶ δεινότητοσ οἱᾶ τῶν ἄλλων ἀγώνων οὐδεὶσ παρασχόμενοσ, μάλιστα δὲ ἄν τισ θαυμάσειε τὸ λαθεῖν τοὺσ ἐν τῇ πόλει Καίσαρα τοσαύταισ μυριάσι ταῖσ ἔξω συμβαλόντα καὶ περιγενόμενον, μᾶλλον δὲ καὶ τῶν Ῥωμαίων τοὺσ τὸ πρὸσ τῇ πόλει τεῖχοσ φυλάττοντασ.

οὐ γὰρ πρότερον ᾔσθοντο τὴν νίκην ἢ κλαυθμὸν ἐκ τῆσ Ἀλησίασ ἀνδρῶν καὶ κοπετὸν γυναικῶν ἀκουσθῆναι, θεασαμένων ἄρα κατὰ θάτερα μέρη πολλοὺσ μὲν ἀργύρῳ καὶ χρυσῷ κεκοσμημένουσ θυρεούσ, πολλοὺσ δὲ αἵματι πεφυρμένουσ θώρακασ, ἔτι δ’ ἐκπώματα καὶ σκηνὰσ Γαλατικὰσ ὑπὸ τῶν Ῥωμαίων εἰσ τὸ στρατόπεδον κομιζομένασ.

οἱ δὲ τὴν Ἀλησίαν ἔχοντεσ οὐκ ὀλίγα πράγματα παρασχόντεσ ἑαυτοῖσ καὶ Καίσαρι τέλοσ παρέδοσαν ἑαυτούσ, ὁ δὲ τοῦ σύμπαντοσ ἡγεμὼν πολέμου Οὐεργεντόριξ ἀναλαβὼν τῶν ὅπλων τὰ κάλλιστα καὶ κοσμήσασ τὸν ἵππον ἐξιππάσατο διὰ τῶν πυλῶν καὶ κύκλῳ περὶ τὸν Καίσαρα καθεζόμενον ἐλάσασ, εἶτα ἀφαλόμενοσ τοῦ ἵππου τὴν μὲν πανοπλίαν ἀπέρριψεν, αὐτὸσ δὲ καθίσασ ὑπὸ πόδασ τοῦ Καίσαροσ ἡσυχίαν ἦγεν, ἄχρι οὗ παρεδόθη φρουρησόμενοσ ἐπὶ τὸν θρίαμβον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caesar, chapter 27

(플루타르코스, Caesar, chapter 27)

상위

목록

SEARCH

MENU NAVIGATION