헬라어 문장 검색 - Πλυταρ́Ξαεσαρ́26́

(플루타르코스, Caesar, chapter 26)

οὗτοσ οὖν εἰσ πολλὰ διελὼν τὴν δύναμιν μέρη καὶ πολλοὺσ ἐπιστήσασ ἡγεμόνασ ᾠκειοῦτο τὴν πέριξ ἅπασαν ἄχρι τῶν πρὸσ τὸν Ἄραρα κεκλιμένων, διανοούμενοσ ἤδη τῶν ἐν Ῥώμῃ συνισταμένων ἐπὶ Καίσαρα σύμπασαν ἐγείρειν τῷ πολέμῳ Γαλατίαν. ὅπερ εἰ μικρὸν ὕστερον ἔπραξε, Καίσαροσ εἰσ τὸν ἐμφύλιον ἐμπεσόντοσ πόλεμον, οὐκ ἂν ἐλαφρότεροι τῶν Κιμβρικῶν ἐκείνων φόβοι τὴν Ἰταλίαν κατέσχον. νυνὶ δὲ ὁ πᾶσι μὲν ἄριστα χρῆσθαι τοῖσ πρὸσ πόλεμον, μάλιστα δὲ καιρῷ πεφυκὼσ Καῖσαρ ἅμα τῷ πυθέσθαι τὴν ἀπόστασιν ἄρασ ἐχώρει ταῖσ αὐταῖσ ὁδοῖσ ἃσ διῆλθε, καὶ βίᾳ καὶ τάχει τῆσ πορείασ διὰ τοσούτου χειμῶνοσ ἐπιδειξάμενοσ τοῖσ βαρβάροισ ὡσ ἄμαχοσ αὐτοῖσ καὶ ἀήττητοσ ἔπεισι στρατόσ.

ὅπου γὰρ ἄγγελον ἢ γραμματοφόρον διαδῦναι τῶν παρ’ αὐτοῦ χρόνῳ πολλῷ ἦν ἄπιστον, ἐνταῦθα μετὰ πάσησ ἑωρᾶτο τῆσ στρατιᾶσ ἅμα χώρασ λυμαινόμενοσ αὐτῶν καὶ ἐκκόπτων τὰ χωρία, καταστρεφόμενοσ πόλεισ, ἀναλαμβάνων τοὺσ μετατιθεμένουσ, μέχρι καὶ τὸ τῶν ’ Ἐδούων ἔθνοσ ἐξεπολεμώθη πρὸσ αὐτόν, οἳ τὸν ἄλλον χρόνον ἀδελφοὺσ ἀναγορεύοντεσ αὑτοὺσ Ῥωμαίων καὶ τιμώμενοι διαπρεπῶσ, τότε δὲ τοῖσ ἀποστάταισ προσγενόμενοι πολλὴν τῇ Καίσαροσ στρατιᾷ περιέστησαν ἀθυμίαν. διόπερ καὶ κινήσασ ἐκεῖθεν ὑπερέβαλε τὰ Λιγγονικά, βουλόμενοσ ἅψασθαι τῆσ Σηκουανῶν φίλων ὄντων καὶ προκειμένων τῆσ Ἰταλίασ πρὸσ τὴν ἄλλην Γαλατίαν.

ἐνταῦθα δὲ αὐτῷ τῶν πολεμίων ἐπιπεσόντων καὶ περισχόντων μυριάσι πολλαῖσ, ὁρμήσασ διαγωνίσασθαι τοῖσ μὲν ὅλοισ καταπολεμῶν ἐκράτησε, χρόνῳ πολλῷ καὶ φόνῳ καταβιασάμενοσ τοὺσ βαρβάρουσ, ἔδοξε δὲ κατ’ ἀρχάσ τι καὶ σφαλῆναι, καὶ δεικνύουσιν Ἀρβέρνοι ξιφίδιον πρὸσ ἱερῷ κρεμάμενον, ὡσ δὴ Καίσαροσ λάφυρον.

ὃ θεασάμενοσ αὐτὸσ ὕστερον ἐμειδίασε, καὶ τῶν φίλων καθελεῖν κελευόντων οὐκ εἰάσεν, ἱερὸν ἡγούμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caesar, chapter 26

(플루타르코스, Caesar, chapter 26)

상위

목록

SEARCH

MENU NAVIGATION