헬라어 문장 검색 - Πλυταρ́Ξαεσαρ́22́

(플루타르코스, Caesar, chapter 22)

τραπόμενοσ δὲ αὖθισ ὁ Καῖσαρ ἐπὶ τὰσ ἐν τῇ Κελτικῇ δυνάμεισ πολὺν καταλαμβάνει πόλεμον ἐν τῇ χώρᾳ, δύο Γερμανικῶν ἐθνῶν μεγάλων ἐπὶ κατακτήσει γῆσ ἄρτι τὸν Ῥῆνον διαβεβηκότων· Οὐσίπασ καλοῦσι τοὺσ ἑτέρουσ, τοὺσ δὲ Τεντερίτασ. περὶ δὲ τῆσ πρὸσ τούτουσ γενομένησ μάχησ ὁ μὲν Καῖσαρ ἐν ταῖσ ἐφημερίσι γέγραφεν ὡσ οἱ βάρβαροι διαπρεσβευόμενοι πρὸσ αὐτὸν ἐν σπονδαῖσ ἐπιθοῖντο καθ’ ὁδόν, Καὶ διὰ τοῦτο τρέψαιντο τοὺσ αὐτοῦ πεντακισχιλίουσ ὄντασ ἱππεῖσ ὀκτακοσίοισ τοῖσ ἐκείνων μὴ προσδοκῶντασ·

εἶτα πέμψειαν ἑτέρουσ πρὸσ αὐτὸν αὖθισ ἐξαπατῶντασ, οὓσ κατασχὼν ἐπαγάγοι τοῖσ βαρβάροισ τὸ στράτευμα, τὴν πρὸσ οὕτωσ ἀπίστουσ καὶ παρασπόνδουσ πίστιν εὐήθειαν ἡγούμενοσ. Τανύσιοσ δὲ λέγει Κάτωνα, τῆσ βουλῆσ ἐπὶ τῇ νίκῃ ψηφιζομένησ ἑορτὰσ Καὶ θυσίασ, ἀποφήνασθαι γνώμην ὡσ ἐκδοτέον ἐστὶ τὸν Καίσαρα τοῖσ βαρβάροισ, ἀφοσιουμένουσ τὸ παρασπόνδημα ὑπὲρ τῆσ πόλεωσ Καὶ τὴν ἀρὰν εἰσ τὸν αἴτιον τρέποντασ.

τῶν δὲ διαβάντων αἱ μὲν κατακοπεῖσαι τεσσαράκοντα μυριάδεσ ἦσαν, ὀλίγουσ δὲ τοὺσ ἀποπεράσαντασ αὖθισ ὑπεδέξαντο Σούγαμβροι, Γερμανικὸν ἔθνοσ. καὶ ταύτην λαβὼν αἰτίαν ἐπ’ αὐτοὺσ ὁ Καῖσαρ, ἄλλωσ δὲ δόξησ ἐφιέμενοσ Καὶ τοῦ πρῶτοσ ἀνθρώπων στρατῷ διαβῆναι τὸν Ῥῆνον, ἐγεφύρου πλάτοσ τε πολὺν ὄντα Καὶ κατ’ ἐκεῖνο τοῦ πόρου μάλιστα πλημμυροῦντα Καὶ τραχὺν Καὶ ῥοώδη Καὶ τοῖσ καταφερομένοισ στελέχεσι Καὶ ξύλοισ πληγὰσ Καὶ σπαραγμοὺσ ἐνδιδόντα κατὰ τῶν ἐρειδόντων τὴν γέφυραν.

ἀλλὰ ταῦτα προβόλοισ ξύλων μεγάλων διὰ τοῦ πόρου καταπεπηγότων ἀναδεχόμενοσ, Καὶ χαλινώσασ τὸ προσπῖπτον ῥεῦμα τῷ ζεύγματι, πίστεωσ πάσησ θέαμα κρεῖττον ἐπεδείξατο τὴν γέφυραν ἡμέραισ δέκα συντελεσθεῖσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caesar, chapter 22

(플루타르코스, Caesar, chapter 22)

상위

목록

SEARCH

MENU NAVIGATION