헬라어 문장 검색 - Πλυταρ́Ξαεσαρ́21́

(플루타르코스, Caesar, chapter 21)

ταῦτα ἡ σύγκλητοσ πυθομένη πεντεκαίδεκα ἡμέρασ ἐψηφίσατο θύειν τοῖσ θεοῖσ καὶ σχολάζειν ἑορτάζοντασ, ὅσασ ἐπ’ οὐδεμιᾷ νίκῃ πρότερον. καὶ γὰρ ὁ κίνδυνοσ ἐφάνη μέγασ, ἐθνῶν ἅμα τοσούτων ἀναρραγέντων, καὶ τὸ νίκημα λαμπρότερον, ὅτι Καῖσαρ ἦν ὁ νικῶν, ἡ πρὸσ ἐκεῖνον εὔνοια τῶν πολλῶν ἐποίει. οὐ γὰρ μόνον οἱ τὰσ ἀρχὰσ παραγγέλλοντεσ ἐκείνῳ χρώμενοι χορηγῷ καὶ τοῖσ παρ’ ἐκείνου χρήμασι διαφθείροντεσ τὸν δῆμον ἀνηγορεύοντο, καὶ πᾶν ἔπραττον ὃ τὴν ἐκείνου δύναμιν αὔξειν ἔμελλεν, ἀλλὰ καὶ τῶν ἐπιφανεστάτων ἀνδρῶν καὶ μεγίστων οἱ πλεῖστοι συνῆλθον πρὸσ αὐτὸν εἰσ Λοῦκαν, Πομπήϊόσ τε καὶ Κράσσοσ καὶ Ἄππιοσ ὁ τῆσ Σαρδόνοσ ἡγεμών καὶ Νέπωσ ὁ τῆσ Ἰβηρίασ ἀνθύπατοσ, ὥστε ῥαβδούχουσ μὲν ἑκατὸν εἴκοσι γενέσθαι, συγκλητικοὺσ δὲ πλείονασ ἢ διακοσίουσ.

βουλὴν δὲ θέμενοι διεκρίθησαν ἐπὶ τούτοισ·

ἔδει Πομπήϊον μὲν καὶ Κράσσον ὑπάτουσ ἀποδειχθῆναι, Καίσαρι δὲ χρήματα καὶ πενταετίαν ἄλλην ἐπιμετρηθῆναι τῆσ στρατηγίασ, ὃ καὶ παραλογώτατον ἐφαίνετο τοῖσ νοῦν ἔχουσιν. οἱ γὰρ τοσαῦτα χρήματα παρὰ Καίσαροσ λαμβάνοντεσ ὡσ οὐκ ἔχοντι διδόναι τὴν βουλὴν ἔπειθον, μᾶλλον δὲ ἠνάγκαζον ἐπιστένουσαν οἷσ ἐψηφίζοντο, Κάτωνοσ μὲν οὐ παρόντοσ, ἐπίτηδεσ γὰρ αὐτὸν εἰσ Κύπρον ἀπεδιοπομπήσαντο, Φαωνίου δέ, ὃσ ἦν ζηλωτὴσ Κάτωνοσ, ὡσ οὐδὲν ἐπέραινεν ἀντιλέγων, ἐξαλλομένου διὰ θυρῶν καὶ βοῶντοσ εἰσ τὸ πλῆθοσ. ἀλλὰ προσεῖχεν οὐδείσ, τῶν μὲν Πομπήϊον αἰδουμένων καὶ Κράσσον, οἱ δὲ πλεῖστοι Καίσαρι χαριζόμενοι καὶ πρὸσ τὰσ ἀπ’ ἐκείνου ζῶντεσ ἐλπίδασ ἡσύχαζον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caesar, chapter 21

(플루타르코스, Caesar, chapter 21)

상위

목록

SEARCH

MENU NAVIGATION