헬라어 문장 검색 - Πλυταρ́Ξαεσαρ́06́

(플루타르코스, Caesar, chapter 6)

δυεῖν δὲ οὐσῶν ἐν τῇ πόλει στάσεων, τῆσ μὲν ἀπὸ Σύλλα μέγα δυναμένησ, τῆσ δὲ Μαριανῆσ, ἣ τότε κατεπτήχει καὶ διέσπαστο κομιδῇ ταπεινὰ πράττουσα, ταύτην ἀναρρῶσαι καὶ προσαγαγέσθαι βουλόμενοσ ἐν ταῖσ ἀγορανομικαῖσ φιλοτιμίαισ ἀκμὴν ἐχούσαισ εἰκόνασ ἐποιήσατο Μαρίου κρύφα καὶ Νίκασ τροπαιοφόρουσ, ἃσ φέρων νυκτὸσ εἰσ τὸ Καπιτώλιον ἀνέστησεν. ἅμα δὲ ἡμέρᾳ τοὺσ θεασαμένουσ μαρμαίροντα πάντα χρυσῷ καὶ τέχνῃ κατεσκευασμένα περιττῶσ διεδήλου δὲ γράμμασι τὰ Κιμβρικὰ κατορθώματα θάμβοσ ἔσχε τῆσ τόλμησ τοῦ ἀναθέντοσ οὑ̓ γὰρ ἦν .

ἄδηλοσ̓, ταχὺ δὲ περιϊὼν ὁ λόγοσ ἤθροιζε πάντασ ἀνθρώπουσ πρὸσ τὴν ὄψιν· ἀλλ’ οἱ μὲν ἐβόων τυραννίδα πολιτεύεσθαι Καίσαρα, νόμοισ καὶ δόγμασι κατορωρυγμένασ ἐπανιστάντα τιμάσ, καὶ τοῦτο πεῖραν ἐπὶ τὸν δῆμον εἶναι προμαλαττόμενον, εἰ τετιθάσευται ταῖσ φιλοτιμίαισ ὑπ’ αὐτοῦ καὶ δίδωσι παίζειν τοιαῦτα καὶ καινοτομεῖν, οἱ δὲ Μαριανοὶ παραθαρρύναντεσ ἀλλήλουσ πλήθει τε θαυμαστοὶ ὅσοι διεφάνησαν ἐξαίφνησ, καὶ κρότῳ κατεῖχον τὸ Καπιτώλιον πολλοῖσ δὲ καὶ δάκρυα τὴν Μαρίου θεωμένοισ ὄψιν ὑφ’ ἡδονῆσ ἐχώρει, καὶ μέγασ ἦν ὁ Καῖσαρ ἐγκωμίοισ αἰρόμενοσ, ὡσ ἀντὶ πάντων ἄξιοσ εἰή ὁ ἀνὴρ τῆσ Μαρίου συγγενείασ, συναχθείσησ δὲ περὶ τούτων τῆσ βουλῆσ, Κάτλοσ Λουτάτιοσ, ἀνὴρ εὐδοκιμῶν τότε μάλιστα Ῥωμαίων, ἀναστὰσ καὶ κατηγορήσασ Καίσαροσ ἐπεφθέγξατο τὸ μνημονευόμενον·

"Καῖσαρ, ἀλλ’ ἤδη μηχαναῖσ αἱρεῖ τὴν πολιτείαν.

ἐπεὶ δὲ ἀπολογησάμενοσ πρὸσ ταῦτα Καῖσαρ ἔπεισε τὴν σύγκλητον, ἔτι μᾶλλον οἱ θαυμάζοντεσ αὐτὸν ἐπήρθησαν, καὶ παρεκελεύοντο μηδενὶ τοῦ φρονήματοσ ὑφίεσθαι πάντων γὰρ ἑκόντι τῷ δήμῳ περιέσεσθαι καὶ πρωτεύσειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caesar, chapter 6

(플루타르코스, Caesar, chapter 6)

상위

목록

SEARCH

MENU NAVIGATION