헬라어 문장 검색 - Πλυταρ́Ξαεσαρ́05́

(플루타르코스, Caesar, chapter 5)

τοῦ δὲ δήμου πρώτην μὲν ἀπόδειξιν τῆσ πρὸσ αὐτόν εὐνοίασ ἔλαβεν ὅτε πρὸσ Γάϊον Ποπίλιον ἐρίσασ ὑπὲρ χιλιαρχίασ πρότεροσ ἀνηγορεύθη δευτέραν δὲ καὶ καταφανεστέραν ὅτε, τῆσ Μαρίου γυναικὸσ Ιοὐλίασ ἀποθανούσησ, ἀδελφιδοῦσ ὢν αὐτῆσ ἐγκώμιόν τε λαμπρὸν ἐν ἀγορᾷ διῆλθε, καὶ περὶ τὴν ἐκφορὰν ἐτόλμησεν εἰκόνασ Μαρίου προθέσθαι, τότε πρῶτον ὀφθείσασ μετὰ τὴν ἐπὶ Σύλλα πολιτείαν, πολεμίων τῶν ἀνδρῶν κριθέντων. ἐπὶ τούτῳ γὰρ ἐνίων καταβοησάντων τοῦ Καίσαροσ ὁ δῆμοσ ἀντήχησε λαμπρῶσ, δεξάμενοσ κρότῳ καὶ θαυμάσασ ὥσπερ ἐξ Αἵδου διὰ χρόνων πολλῶν ἀνάγοντα τὰσ Μαρίου τιμὰσ εἰσ τὴν πόλιν.

τὸ μὲν οὖν ἐπὶ γυναιξὶ πρεσβυτέραισ λόγουσ ἐπιταφίουσ διεξιέναι πάτριον ἦν Ῥωμαίοισ, νέαισ δὲ οὐκ ὂν ἐν ἔθει πρῶτοσ εἶπε Καῖσαρ ἐπὶ τῆσ ἑαυτοῦ γυναικὸσ ἀποθανούσησ· καὶ τοῦτο ἤνεγκεν αὐτῷ χάριν τινα καὶ συνεδημαγώγησε τῷ πάθει τοὺσ πολλοὺσ ὡσ ἥμερον ἄνδρα καὶ περίμεστον ἤθουσ ἀγαπᾶν. θάψασ δὲ τὴν γυναῖκα ταμίασ εἰσ Ἰβηρίαν ἑνὶ τῶν στρατηγῶν Βέτερι συνεξῆλθεν, ὃν αὐτόν τε τιμῶν ἀεὶ διετέλεσε καὶ τὸν υἱὸν πάλιν αὐτὸσ ἄρχων ταμίαν ἐποίησε.

γενόμενοσ δὲ ἀπὸ τῆσ ἀρχῆσ ἐκείνησ τρίτην ἠγάγετο γυναῖκα Πομπηϊάν, ἔχων ἐκ Κορνηλίασ θυγατέρα τὴν ὕστερον Πομπηϊῴ Μάγνῳ γαμηθεῖσαν. ἐπεὶ δὲ τοῦτο μὲν ὁδοῦ τῆσ Ἀππίασ ἀποδειχθεὶσ ἐπιμελητὴσ πάμπολλα χρήματα προσανάλωσε τῶν ἑαυτοῦ, τοῦτο δὲ ἀγορανομῶν ζεύγη μονομάχων τριακόσια καὶ εἴκοσι παρέσχε καὶ ταῖσ ἄλλαισ περί θέατρα καὶ πομπὰσ καὶ δεῖπνα χορηγίαισ καὶ πολυτελείαισ τὰσ πρὸ αὐτοῦ κατέκλυσε φιλοτιμίασ, οὕτω διέθηκε τὸν δῆμον ὡσ καινὰσ μὲν ἀρχάσ καινὰσ δὲ τιμὰσ ζητεῖν ἕκαστον, αἷσ αὐτόν ἀμείψαιντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caesar, chapter 5

(플루타르코스, Caesar, chapter 5)

상위

목록

SEARCH

MENU NAVIGATION