헬라어 문장 검색 - Πλυταρ́Αρταχερ́27́

(플루타르코스, Artaxerxes, chapter 27)

ταύτην ὁ Δαρεῖοσ αἰτήσασ ἠνίασε τὸν· πατέρα· δύσζηλα γὰρ τὰ βαρβαρικὰ δεινῶσ περὶ τὸ ἀκόλαστον, ὥστε μὴ μόνον τὸν προσελθόντα καὶ θιγόντα παλλακῆσ βασιλέωσ, ἀλλὰ καὶ τὸν ἐν πορείᾳ προεξελθόντα καὶ διεξελάσαντα τὰσ ἁμάξασ ἐφ’ αἷσ κομίζονται, θανάτῳ κολάζεσθαι. καίτοι τὴν μὲν Ἄτοσσαν εἶχεν ἔρωτι ποιησάμενοσ γυναῖκα παρὰ τὸν νόμον, ἑξήκοντα δὲ καὶ τριακόσιαι παρετρέφοντο κάλλει διαφέρουσαι παλλακίδεσ, οὐ μὴν ἀλλὰ καὶ αἰτηθεὶσ ἐκείνην ἐλευθέραν ἔφησεν εἶναι καὶ λαμβάνειν ἐκέλευσε βουλομένην, ἄκουσαν δὲ μὴ βιάζεσθαι.

μεταπεμφθείσησ δὲ τῆσ Ἀσπασίασ καὶ παρ’ ἐλπίδασ τοῦ βασιλέωσ ἑλομένησ τὸν Δαρεῖον, ἔδωκε μὲν ὑπ’ ἀνάλκησ τοῦ νόμου, δοὺσ δὲ ὀλίγον ὕστερον ἀφείλετο. τῆσ γὰρ Ἀρτέμιδοσ τῆσ ἐν Ἐκβατάνοισ, ἣν Ἀναῗτιν καλοῦσιν, ἱέρειαν ἀνέδειξεν αὐτήν, ὅπωσ ἁγνὴ διάγῃ τὸν ἐπίλοιπον βίον, οἰόμενοσ οὐ χαλεπήν, ἀλλὰ καὶ μετρίαν τινὰ καὶ παιδιᾷ μεμιγμένην ταύτην λήψεσθαι δίκην παρὰ τοῦ παιδόσ.

ὁ δ’ ἤνεγκεν οὐ μετρίωσ, εἴτ’ ἔρωτι τῆσ Ἀσπασίασ περιπαθὴσ γεγονώσ, εἴτε ὑβρίσθαι καὶ κεχλευάσθαι νομίζων ὑπὸ τοῦ πατρόσ. αἰσθόμενοσ δ’ αὐτὸν οὕτωσ ἔχοντα Τηρίβαζοσ ἔτι μᾶλλον ἐξετράχυνεν, ἐν τοῖσ ἐκείνου συνιδὼν τὰ καθ’ αὑτόν, ἦν δὲ τοιαῦτα, πλειόνων οὐσῶν βασιλεῖ θυγατέρων ὡμολόγησε Φαρναβάζῳ μὲν Ἀπάμαν δώσειν γυναῖκα, Ῥοδογούνην δὲ Ὀρόντῃ, Τηριβάζῳ δὲ Ἄμηστριν.

καὶ τοῖσ μὲν ἄλλοισ ἔδωκε, Τηρίβαζον δὲ ἐψεύσατο γήμασ αὐτὸσ τὴν Ἄμηστριν, ἀντ’ ἐκείνησ δὲ τῷ Τηριβάζῳ τὴν νεωτάτην Ἄτοσσαν ἐνεγύησεν. ἐπεὶ δὲ καὶ ταύτην ἐρασθεὶσ ἔγημεν, ὡσ εἴρηται, παντάπασι δυσμενῶσ πρὸσ αὐτὸν ὁ Τηρίβαζοσ ἔσχεν, οὐδὲ ἄλλωσ στάσιμοσ ὢν τὸ ἦθοσ, ἀλλ’ ἀνώμαλοσ καὶ παράφοροσ.

διὸ καὶ νῦν μὲν εὐημερῶν ὅμοια τοῖσ πρώτοισ, νῦν δὲ προσκρούων καὶ σκορακιζόμενοσ οὐδεμίαν ἔφερεν ἐμμελῶσ μεταβολήν, ἀλλὰ καὶ τιμώμενοσ ἦν ἐπαχθὴσ ὑπὸ χαυνότητοσ, καὶ τὸ κολουόμενον οὐ ταπεινὸν οὐδὲ ἡσυχαῖον, ἀλλὰ τραχὺ καὶ ἀγέρωχον εἶχε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Artaxerxes, chapter 27

(플루타르코스, Artaxerxes, chapter 27)

상위

목록

SEARCH

MENU NAVIGATION