헬라어 문장 검색 - Πλυταρ́Αρταχερ́19́

(플루타르코스, Artaxerxes, chapter 19)

ἡ δ’ οὖν Παρύσατισ, μίσουσ τε πρὸσ τὴν Στάτειραν ἐξ ἀρχῆσ ὑποκειμένου καὶ ζηλοτυπίασ, ὁρῶσα τὴν μὲν αὑτῆσ δύναμιν αἰδουμένου βασιλέωσ καὶ τιμῶντοσ οὖσαν, τὴν δ’ ἐκείνησ ἔρωτι καὶ πίστει βέβαιον καὶ ἰσχυράν, ἐπεβούλευσεν ὑπὲρ τῶν μεγίστων, ὡσ ᾤετο, παραβαλλομένη. θεράπαιναν εἶχε πιστὴν καὶ δυναμένην παρ’ αὐτή μέγιστον ὄνομα Γίγιν, ἣν ὁ μὲν Δείνων ὑπουργῆσαι τῇ φαρμακείᾳ φησί, συγγνῶναι δὲ μόνον ἄκουσαν ὁ Κτησίασ.

τὸν δὲ δόντα τὸ φάρμακον οὗτοσ μὲν ὀνομάζει Βελιτάραν, ὁ δὲ Δείνων Μελάνταν. ἐκ δὲ τῆσ πρόσθεν ὑποψίασ καὶ διαφορᾶσ ἀρξάμεναι πάλιν εἰσ τὸ αὐτὸ φοιτᾶν καὶ συνδειπνεῖν ἀλλήλαισ, ὅμωσ τῷ δεδιέναι καὶ φυλάττεσθαι τοῖσ αὐτοῖσ σιτίοισ καὶ ἀπὸ τῶν αὐτῶν ἐχρῶντο. γίνεται δὲ μικρὸν ἐν Πέρσαισ ὀρνίθιον, ᾧ περιττώματοσ οὐδέν ἐστιν, ἀλλ’ ὅλον διάπλεων πιμελῆσ τὰ ἐντόσ·

καὶ νομίζουσιν ἀνέμῳ καὶ δρόσῳ τρέφεσθαι τὸ ζῷον ὀνομάζεται δὲ ῥυντάκησ. τοῦτό φησιν ὁ Κτησίασ μικρᾷ μαχαιρίδι κεχρισμένῃ τῷ φαρμάκῳ κατὰ θάτερα τὴν Παρύσατιν διαιροῦσαν ἐκμάξαι τῷ ἑτέρῳ μέρει τὸ φάρμακον· καὶ τὸ μὲν ἄχραντον καὶ καθαρὸν εἰσ τὸ στόμα βαλοῦσαν αὐτὴν ἐσθίειν, δοῦναι δὲ τῇ Στατείρᾳ πεφαρμαγμένον ὁ δὲ Δείνων οὐ τὴν Παρύσατιν, ἀλλὰ τὸν Μελάνταν τέμνοντα τῷ μαχαιρίῳ τὰ φαρμασσόμενα τῶν κρεῶν τιθέναι κατὰ τὴν Στάτειραν. ἀποθνῄσκουσα δ’ οὖν ἡ γυνὴ μετὰ πόνων μεγάλων καὶ σπαραγμῶν αὐτή τε συνῃσθάνετο τοῦ κακοῦ καὶ βασιλεῖ παρέσχεν ὑποψίαν κατὰ τῆσ μητρόσ, εἰδότι τὸ θηριῶδεσ αὑτῆσ καὶ δυσμείλικτον.

ὅθεν εὐθὺσ ἐπὶ τὴν ζήτησιν ὁρμήσασ τοὺσ μὲν ὑπηρέτασ καὶ τραπεζοκόμουσ τῆσ μητρὸσ συνέλαβε καὶ κατεστρέβλωσε, τὴν δὲ Γίγιν ἡ Παρύσατισ πολὺν χρόνον εἶχεν οἴκοι μεθ’ αὑτῆσ καὶ βασιλέωσ ἐξαιτοῦντοσ οὐκ ἔδωκεν, ἀλλ’ ὕστερον αὑτῆσ δεηθείσησ εἰσ τὸν οἶκον ἀφεθῆναι νυκτόσ, αἰσθόμενοσ καὶ λόχον ὑφεὶσ συνήρπασε καὶ κατέγνω θάνατον.

ἀποθνῄσκουσι δὲ οἱ φαρμακεῖσ ἐν Πέρσαισ κατὰ νόμον οὕτωσ·

λίθοσ ἐστὶ πλατύσ, ἐφ’ οὗ τὴν κεφαλὴν καταθέντεσ αὐτῶν ἑτέρῳ λίθῳ παίουσι καὶ πιέζουσιν, ἄχρι οὗ συνθλάσωσι τὸ πρόσωπον καὶ τὴν κεφαλήν, ἡ μὲν οὖν Γίγισ οὕτωσ ἀπέθανε, τὴν δὲ Παρύσατιν ὁ Ἀρτοξέρξησ ἄλλο μὲν οὐδὲν οὔτε εἶπε κακὸν οὔτε ἐποίησεν, εἰσ δὲ Βαβυλῶνα βουλομένην ἐξέπεμψεν εἰπὼν, ἑώσ ἐκείνη περίεστιν αὐτὸσ οὐκ ὄψεσθαι Βαβυλῶνα, τὰ μὲν κατὰ τὴν οἰκίαν οὕτωσ εἶχεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Artaxerxes, chapter 19

(플루타르코스, Artaxerxes, chapter 19)

상위

목록

SEARCH

MENU NAVIGATION