Plutarch, Ἀριστείδης, chapter 27 4:

καὶ οὐδέν ἐστι θαυμαστὸν οὕτω φροντίσαι τῶν ἐν ἄστει τὸν δῆμον, ὅπου θυγατριδῆν Ἀριστογείτονοσ ἐν Λήμνῳ πυθόμενοι ταπεινὰ πράττειν ἀνδρὸσ ἀποροῦσαν διὰ πενίαν κατήγαγον Ἀθήναζε, καὶ συνοικίσαντεσ ἀνδρὶ τῶν εὖ γεγονότων τὸ Ποταμοῖ χωρίον εἰσ φερνὴν ἐπέδωκαν. ἧσ φιλανθρωπίασ καὶ χρηστότητοσ ἔτι πολλὰ καὶ καθ’ ἡμᾶσ ἡ πόλισ ἐκφέρουσα δείγματα θαυμάζεται καὶ ζηλοῦται δικαίωσ.