헬라어 문장 검색 - Πλυταρ́Αριστιδ́23́

(플루타르코스, Ἀριστείδης, chapter 23)

ἐπεὶ δὲ στρατηγὸσ ἐκπεμφθεὶσ μετὰ Κίμωνοσ ἐπὶ τὸν πόλεμον ἑώρα τόν τε Παυσανίαν καὶ τοὺσ ἄλλουσ ἄρχοντασ τῶν Σπαρτιατῶν ἐπαχθεῖσ καὶ χαλεποὺσ τοῖσ συμμάχοισ ὄντασ, αὐτόσ τε πρᾴωσ καὶ φιλανθρώπωσ ὁμιλῶν καὶ τὸν Κίμωνα παρέχων εὐάρμοστον αὐτοῖσ καὶ κοινὸν ἐν ταῖσ στρατείαισ ἔλαθε τῶν Λακεδαιμονίων οὐχ ὅπλοισ οὐδὲ ναυσὶν οὐδ’ ἵπποισ, εὐγνωμοσύνῃ δὲ καὶ πολιτείᾳ τὴν ἡγεμονίαν παρελόμενοσ. προσφιλεῖσ γὰρ ὄντασ τοὺσ Ἀθηναίουσ τοῖσ Ἕλλησι διὰ τὴν Ἀριστείδου δικαιοσύνην καὶ τὴν Κίμωνοσ ἐπιείκειαν ἔτι μᾶλλον ἡ τοῦ Παυσανίου πλεονεξία καὶ βαρύτησ ποθεινοὺσ ἐποίει.

τοῖσ τε γὰρ ἄρχουσι τῶν συμμάχων ἀεὶ μετ’ ὀργῆσ ἐνετύγχανε καὶ τραχέωσ, τούσ τε πολλοὺσ ἐκόλαζε πληγαῖσ ἢ σιδηρᾶν ἄγκυραν ἐπιτιθεὶσ ἠνάγκαζεν ἑστάναι δι’ ὅλησ τῆσ ἡμέρασ. στιβάδα δ’ οὐκ ἦν λαβεῖν οὐδὲ χόρτον οὐδὲ κρήνῃ προσελθεῖν ὑδρευόμενον οὐδένα πρὸ τῶν Σπαρτιατῶν, ἀλλὰ μάστιγασ ἔχοντεσ ὑπηρέται τοὺσ προσιόντασ ἀπήλαυνον.

ὑπὲρ ὧν τοῦ Ἀριστείδου ποτὲ βουληθέντοσ ἐγκαλέσαι καὶ διδάξαι, συναγαγὼν τὸ πρόσωπον ὁ Παυσανίασ οὐκ ἔφη σχολάζειν οὐδ’ ἤκουσεν. ἐκ τούτου προσιόντεσ οἱ ναύαρχοι καὶ στρατηγοὶ τῶν Ἑλλήνων, μάλιστα δὲ Χῖοι καὶ Σάμιοι καὶ Λέσβιοι, τὸν Ἀριστείδην ἔπειθον ἀναδέξασθαι τὴν ἡγεμονίαν καὶ προσαγαγέσθαι τοὺσ συμμάχουσ πάλαι δεομένουσ ἀπαλλαγῆναι τῶν Σπαρτιατῶν καὶ μετατάξασθαι πρὸσ τοὺσ Ἀθηναίουσ.

ἀποκριναμένου δ’ ἐκείνου τοῖσ μὲν λόγοισ αὐτῶν τό τε ἀναγκαῖον ἐνορᾶν καὶ τὸ δίκαιον, ἔργου δὲ δεῖσθαι τὴν πίστιν, ὃ πραχθὲν οὐκ ἐάσει πάλιν μεταβαλέσθαι τοὺσ πολλούσ, οὕτωσ οἱ περὶ τὸν Σάμιον Οὐλιάδην καὶ τὸν Χῖον Ἀνταγόραν συνομοσάμενοι περὶ Βυζάντιον ἐμβάλλουσιν εἰσ τὴν τριήρη τοῦ Παυσανίου, προεκπλέουσαν ἐν μέσῳ λαβόντεσ. ὡσ δὲ κατιδὼν ἐκεῖνοσ ἐξανέστη καὶ μετ’ ὀργῆσ ἠπείλησεν ὀλίγῳ χρόνῳ τοὺσ ἄνδρασ ἐπιδείξειν οὐκ εἰσ τὴν αὐτοῦ ναῦν ἐμβεβληκότασ, ἀλλ’ εἰσ τὰσ ἰδίασ πατρίδασ, ἐκέλευον αὐτὸν ἀπιέναι καὶ ἀγαπᾶν τὴν συναγωνισαμένην τύχην ἐν Πλαταιαῖσ·

ἐκείνην γὰρ ἔτι τοὺσ Ἕλληνασ αἰσχυνομένουσ μὴ λαμβάνειν ἀξίαν δίκην παρ’ αὐτοῦ· τέλοσ δ’ ἀποστάντεσ ᾤχοντο πρὸσ τοὺσ Ἀθηναίουσ. ἔνθα δὴ καὶ τὸ φρόνημα τῆσ Σπάρτησ διεφάνη θαυμαστόν.

ὡσ γὰρ ᾔσθοντο τῷ μεγέθει τῆσ ἐξουσίασ διαφθειρομένουσ αὐτῶν τοὺσ ἄρχοντασ, ἀφῆκαν ἑκουσίωσ τὴν ἡγεμονίαν καὶ πέμποντεσ ἐπὶ τὸν πόλεμον ἐπαύσαντο στρατηγούσ, μᾶλλον αἱρούμενοι σωφρονοῦντασ ἔχειν καὶ τοῖσ ἔθεσιν ἐμμένοντασ τοὺσ πολίτασ ἢ τῆσ Ἑλλάδοσ ἄρχειν ἁπάσησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀριστείδης, chapter 23

(플루타르코스, Ἀριστείδης, chapter 23)

상위

목록

SEARCH

MENU NAVIGATION