헬라어 문장 검색 - Πλυταρ́Αριστιδ́21́

(플루타르코스, Ἀριστείδης, chapter 21)

ἐκ τούτου γενομένησ ἐκκλησίασ κοινῆσ τῶν Ἑλλήνων ἔγραψεν Ἀριστείδησ ψήφισμα συνιέναι μὲν εἰσ Πλαταιὰσ καθ’ ἕκαστον ἐνιαυτὸν ἀπὸ τῆσ Ἑλλάδοσ προβούλουσ καὶ θεωρούσ, ἄγεσθαι δὲ πενταετηρικὸν ἀγῶνα τῶν Ἐλευθερίων. εἶναι δὲ σύνταξιν Ἑλληνικὴν μυρίασ μὲν ἀσπίδασ, χιλίουσ δὲ ἵππουσ, ναῦσ δ’ ἑκατὸν ἐπὶ τὸν πρὸσ βαρβάρουσ πόλεμον, Πλαταιεῖσ δ’ ἀσύλουσ καὶ ἱεροὺσ ἀφεῖσθαι τῷ θεῷ θύοντασ ὑπὲρ τῆσ Ἑλλάδοσ. κυρωθέντων δὲ τούτων οἱ Πλαταιεῖσ ὑπεδέξαντο τοῖσ πεσοῦσι καὶ κειμένοισ αὐτόθι τῶν Ἑλλήνων ἐναγίζειν καθ’ ἕκαστον ἐνιαυτόν.

καὶ τοῦτο μέχρι νῦν δρῶσι τόνδε τὸν τρόπον· τοῦ Μαιμακτηριῶνοσ μηνόσ, ὅσ ἐστι παρὰ Βοιωτοῖσ Ἀλαλκομένιοσ, τῇ ἕκτῃ ἐπὶ δέκα πέμπουσι πομπήν, ἧσ προηγεῖται μὲν ἅμ’ ἡμέρᾳ σαλπιγκτὴσ ἐγκελευόμενοσ τὸ πολεμικόν, ἕπονται δ’ ἅμαξαι μυρρίνησ μεσταὶ καὶ στεφανωμάτων καὶ μέλασ ταῦροσ καὶ χοὰσ οἴνου καὶ γάλακτοσ ἐν ἀμφορεῦσιν ἐλαίου τε καὶ μύρου κρωσσοὺσ νεανίσκοι κομίζοντεσ ἐλεύθεροι· δούλῳ γὰρ οὐδενὸσ ἔξεστι τῶν περὶ τὴν διακονίαν ἐκείνην προσάψασθαι διὰ τὸ τοὺσ ἄνδρασ ἀποθανεῖν ὑπὲρ ἐλευθερίασ·

ἐπὶ πᾶσι δὲ τῶν Πλαταιέων ὁ ἄρχων, ᾧ τὸν ἄλλον χρόνον οὔτε σιδήρου θιγεῖν ἔξεστιν οὔθ’ ἑτέραν ἐσθῆτα πλὴν λευκῆσ ἀναλαβεῖν, τότε χιτῶνα φοινικοῦν ἐνδεδυκὼσ ἀράμενόσ τε ὑδρίαν ἀπὸ τοῦ γραμματοφυλακίου ξιφήρησ ἐπὶ τοὺσ τάφουσ προάγει διὰ μέσησ τῆσ πόλεωσ.

εἶτα λαβὼν ὕδωρ ἀπὸ τῆσ κρήνησ αὐτὸσ ἀπολούει τε τὰσ στήλασ καὶ μύρῳ χρίει, καὶ τὸν ταῦρον εἰσ τὴν πυρὰν σφάξασ καὶ κατευξάμενοσ Διὶ̈ καὶ Ἑρμῇ χθονίῳ παρακαλεῖ τοὺσ ἀγαθοὺσ ἄνδρασ τοὺσ ὑπὲρ τῆσ Ἑλλάδοσ ἀποθανόντασ ἐπὶ τὸ δεῖπνον καὶ τὴν αἱμοκουρίαν.

ἔπειτα κρατῆρα κεράσασ οἴνου καὶ χεάμενοσ ἐπιλέγει· "προπίνω τοῖσ ἀνδράσι τοῖσ ὑπὲρ τῆσ ἐλευθερίασ τῶν Ἑλλήνων ἀποθανοῦσι. ταῦτα μὲν οὖν ἔτι καὶ νῦν διαφυλάττουσιν οἱ Πλαταεῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀριστείδης, chapter 21

(플루타르코스, Ἀριστείδης, chapter 21)

상위

목록

SEARCH

MENU NAVIGATION