헬라어 문장 검색 - Πλυταρ́Αριστιδ́19́

(플루타르코스, Ἀριστείδης, chapter 19)

οὕτω δὲ τοῦ ἀγῶνοσ δίχα συνεστῶτοσ πρῶτοι μὲν ἐώσαντο τοὺσ Πέρσασ οἱ Λακεδαιμόνιοι· καὶ τὸν Μαρδόνιον ἀνὴρ Σπαρτιάτησ ὄνομα Ἀρίμνηστοσ ἀποκτίννυσι, λίθῳ τὴν κεφαλὴν πατάξασ, ὥσπερ αὐτῷ προεσήμανε τὸ ἐν Ἀμφιάρεω μαντεῖον. ἔπεμψε γὰρ ἄνδρα Λυδὸν ἐνταῦθα, Κᾶρα δὲ ἕτερον εἰσ Τροφωνίου ὁ Μαρδόνιοσ· καὶ τοῦτον μὲν ὁ προφήτησ Καρικῇ γλώσσῃ προσεῖπεν, ὁ δὲ Λυδὸσ ἐν τῷ σηκῷ τοῦ Ἀμφιάρεω κατευνασθεὶσ ἔδοξεν ὑπηρέτην τινὰ τοῦ θεοῦ παραστῆναι καὶ κελεύειν αὐτὸν ἀπιέναι, μὴ βουλομένου δὲ λίθον εἰσ τὴν κεφαλὴν ἐμβαλεῖν μέγαν, ὥστε δόξαι πληγέντα τεθνάναι τὸν ἄνθρωπον· καὶ ταῦτα μὲν οὕτω γενέσθαι λέγεται.

τοὺσ δὲ φεύγοντασ εἰσ τὰ ξύλινα τείχη καθεῖρξαν. ὀλίγῳ δ’ ὕστερον Ἀθηναῖοι τοὺσ Θηβαίουσ τρέπονται, τριακοσίουσ τοὺσ ἐπιφανεστάτουσ καὶ πρώτουσ διαφθείραντεσ ἐν αὐτῇ τῇ μάχη̣ . γεγενημένησ δὲ τῆσ τροπῆσ ἧκεν αὐτοῖσ ἄγγελοσ πολιορκεῖσθαι τὸ βαρβαρικὸν εἰσ τὰ τείχη κατακεκλεισμένον.

οὕτω δὴ σώζεσθαι τοὺσ Ἕλληνασ ἐάσαντεσ ἐβοήθουν πρὸσ τὰ τείχη· καὶ τοῖσ Λακεδαιμονίοισ παντάπασιν ἀργῶσ πρὸσ τειχομαχίαν καὶ ἀπείρωσ ἔχουσιν ἐπιφανέντεσ αἱροῦσι τὸ στρατόπεδον φόνῳ πολλῷ τῶν πολεμίων. λέγονται γὰρ ἀπὸ τῶν τριάκοντα μυριάδων τετρακισμύριοι φυγεῖν σὺν Ἀρταβάζῳ, τῶν δ’ ὑπὲρ τῆσ Ἑλλάδοσ ἀγωνισαμένων ἔπεσον οἱ πάντεσ ἐπὶ χιλίοισ ἑξήκοντα καὶ τριακόσιοι.

τούτων Ἀθηναῖοι μὲν ἦσαν δύο καὶ πεντήκοντα, πάντεσ ἐκ τῆσ Αἰαντίδοσ φυλῆσ, ὥσ φησι Κλείδημοσ, ἀγωνισαμένησ ἄριστα· διὸ καὶ ταῖσ Σφραγίτισι νύμφαισ ἔθυον Αἰαντίδαι τὴν πυθόχρηστον θυσίαν ὑπὲρ τῆσ νίκησ, ἐκ δημοσίου τὸ ἀνάλωμα λαμβάνοντεσ·

Λακεδαιμόνιοι δ’ ἑνὶ πλείουσ τῶν ἐνενήκοντα, Τεγεᾶται δ’ ἑκκαίδεκα. θαυμαστὸν οὖν τὸ Ἡροδότου, πῶσ μόνουσ τούτουσ φησὶν εἰσ χεῖρασ ἐλθεῖν τοῖσ πολεμίοισ, τῶν δ’ ἄλλων Ἑλλήνων μηδένα. καὶ γὰρ τὸ πλῆθοσ τῶν πεσόντων μαρτυρεῖ καὶ τὰ μνήματα κοινὸν γενέσθαι τὸ κατόρθωμα· καὶ τὸν βωμὸν οὐκ ἂν ἐπέγραψαν οὕτωσ, εἰ μόναι τρεῖσ πόλεισ ἠγωνίσαντο, τῶν ἄλλων ἀτρέμα καθεζομένων·

τόνδε ποθ’ Ἕλληνεσ νίκασ κράτει, ἔργῳ Ἄρηοσ, Πέρσασ ἐξελάσαντεσ ἐλευθέρᾳ Ἑλλάδι κοινὸν ἱδρύσαντο Διὸσ βωμὸν ἐλευθερίου. ταύτην τὴν μάχην ἐμαχέσαντο τῇ τετράδι τοῦ Βοηδρομιῶνοσ ἱσταμένου κατ’ Ἀθηναίουσ, κατὰ δὲ Βοιωτοὺσ τετράδι τοῦ Πανέμου φθίνοντοσ, ᾗ καὶ νῦν ἔτι τὸ Ἑλληνικὸν ἐν Πλαταιαῖσ ἀθροίζεται συνέδριον καὶ θύουσι τῷ ἐλευθερίῳ Διὶ̈ Πλαταιεῖσ ὑπὲρ τῆσ νίκησ.

τὴν δὲ τῶν ἡμερῶν ἀνωμαλίαν οὐ θαυμαστέον, ὅπου καὶ νῦν διηκριβωμένων τῶν ἐν ἀστρολογίᾳ μᾶλλον ἄλλην ἄλλοι μηνὸσ ἀρχὴν καὶ τελευτὴν ἄγουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀριστείδης, chapter 19

(플루타르코스, Ἀριστείδης, chapter 19)

상위

목록

SEARCH

MENU NAVIGATION