헬라어 문장 검색 - Πλυταρ́Αριστιδ́18́

(플루타르코스, Ἀριστείδης, chapter 18)

δυσφορῶν οὖν ὁ Παυσανίασ τοῖσ παροῦσιν, ἄλλα τοῦ μάντεωσ ἐπ’ ἄλλοισ ἱερεῖα καταβάλλοντοσ, τρέπεται πρὸσ τὸ Ἡραῖον τῇ ὄψει δεδακρυμένοσ, καὶ τὰσ χεῖρασ ἀνασχὼν εὔξατο Κιθαιρωνίᾳ Ἥρᾳ καὶ θεοῖσ ἄλλοισ, οἳ Πλαταιί̈δα γῆν ἔχουσιν, εἰ μὴ πέπρωται τοῖσ Ἕλλησι νικᾶν, ἀλλὰ δράσαντάσ γέ τι παθεῖν καὶ δείξαντασ ἔργῳ τοῖσ πολεμίοισ, ὡσ ἐπ’ ἄνδρασ ἀγαθοὺσ καὶ μάχεσθαι μεμαθηκότασ ἐστράτευσαν. ταῦτα τοῦ Παυσανίου θεοκλυτοῦντοσ ἅμα ταῖσ εὐχαῖσ ἐφάνη τὰ ἱερὰ καὶ νίκην ὁ μάντισ ἔφραζε.

καὶ δοθέντοσ εἰσ ἅπαντασ τοῦ παραγγέλματοσ καθίστασθαι πρὸσ τοὺσ πολεμίουσ, ἥ τε φάλαγξ ὄψιν ἔσχεν αἰφνιδίωσ ἑνὸσ ζῴου θυμοειδοῦσ πρὸσ ἀλκὴν τρεπομένου καὶ φρίξαντοσ, τοῖσ τε βαρβάροισ τότε παρέστη λογισμόσ, ὡσ πρὸσ ἄνδρασ ὁ ἀγὼν ἔσοιτο μαχουμένουσ ἄχρι θανάτου. διὸ καὶ προθέμενοι πολλὰ τῶν γέρρων ἐτόξευον εἰσ τοὺσ Λακεδαιμονίουσ.

οἱ δὲ τηροῦντεσ ἅμα τὸν συνασπισμὸν ἐπέβαινον, καὶ προσπεσόντεσ ἐξεώθουν τὰ γέρρα, καὶ τοῖσ δόρασι τύπτοντεσ πρόσωπα καὶ στέρνα τῶν Περσῶν πολλοὺσ κατέβαλλον, οὐκ ἀπράκτωσ οὐδὲ ἀθύμωσ πίπτοντασ. καὶ γὰρ ἀντιλαμβανόμενοι τῶν δοράτων ταῖσ χερσὶ γυμναῖσ συνέθραυον τὰ πλεῖστα, καὶ πρὸσ τὰσ ξιφουλκίασ ἐχώρουν οὐκ ἀργῶσ, ἀλλὰ ταῖσ τε κοπίσι καὶ τοῖσ ἀκινάκαισ χρώμενοι καὶ τὰσ ἀσπίδασ παρασπῶντεσ καὶ συμπλεκόμενοι χρόνον πολὺν ἀντεῖχον. οἱ δ’ Ἀθηναῖοι τέωσ μὲν ἠτρέμουν ἀναμένοντεσ τοὺσ Λακεδαιμονίουσ, ἐπεὶ δὲ κραυγή τε προσέπιπτε πολλὴ μαχομένων καὶ παρῆν, ὥσ φασιν, ἄγγελοσ παρὰ Παυσανίου τὰ γινόμενα φράζων, ὡρ́μησαν κατὰ τάχοσ βοηθεῖν.

Ἀριστείδησ δὲ πρῶτον μέν, ὡσ εἶδε, πολὺ προελθὼν ἐβόα, μαρτυρόμενοσ Ἑλληνίουσ θεούσ, ἀπέχεσθαι μάχησ καὶ μὴ σφίσιν ἐμποδὼν εἶναι μηδὲ κωλύειν ἐπαμύνοντασ τοῖσ προκινδυνεύουσιν ὑπὲρ τῆσ Ἑλλάδοσ, ἐπεὶ δ’ ἑώρα μὴ προσέχοντασ αὐτῷ καὶ συντεταγμένουσ ἐπὶ τὴν μάχην, οὕτω τῆσ ἐκεῖ βοηθείασ ἀποτραπόμενοσ συνέβαλε τούτοισ περὶ πεντακισμυρίουσ οὖσιν.

ἀλλὰ τὸ μὲν πλεῖστον εὐθὺσ ἐνέδωκε καὶ ἀπεχώρησεν, ἅτε δὴ καὶ τῶν βαρβάρων ἀπηλλαγμένων, ἡ δὲ μάχη λέγεται μάλιστα κατὰ Θηβαίουσ γενέσθαι, προθυμότατα τῶν πρώτων καὶ δυνατωτάτων τότε παρ’ αὐτοῖσ μηδιζόντων καὶ τὸ πλῆθοσ οὐ κατὰ γνώμην, ἀλλ’ ὀλιγαρχούμενον ἀγόντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀριστείδης, chapter 18

(플루타르코스, Ἀριστείδης, chapter 18)

상위

목록

SEARCH

MENU NAVIGATION