Plutarch, Ἀριστείδης, chapter 16 6:

γενομένησ δὲ τῆσ μετακοσμήσεωσ καταφανοῦσ ὅ τε Παυσανίασ ἀποτραπεὶσ αὖθισ ἐπὶ τοῦ δεξιοῦ κατέστη, καὶ Μαρδόνιοσ, ὥσπερ εἶχεν ἐξ ἀρχῆσ, ἀνέλαβε τὸ εὐώνυμον κατὰ τοὺσ Λακεδαιμονίουσ γενόμενοσ, ἥ τε ἡμέρα διεξῆλθεν ἀργή. καὶ τοῖσ Ἕλλησι βουλευομένοισ ἔδοξε πορρωτέρω μεταστρατοπεδεῦσαι καὶ καταλαβεῖν εὐύδρον χωρίον, ἐπεὶ τὰ πλησίον νάματα καθύβριστο καὶ διέφθαρτο τῶν βαρβάρων ἱπποκρατούντων.