헬라어 문장 검색 - Πλυταρ́Αριστιδ́16́

(플루타르코스, Ἀριστείδης, chapter 16)

ἐν τούτῳ δ’, ὡσ Ἡρόδοτοσ ἱστορεῖ, Παυσανίασ Ἀριστείδῃ προσέφερε λόγον, ἀξιῶν τοὺσ Ἀθηναίουσ ἐπὶ τὸ δεξιὸν μετατάξαι καὶ κατὰ τοὺσ Πέρσασ ἀντιταχθῆναι, βέλτιον γὰρ ἀγωνιεῖσθαι τῆσ τε μάχησ ἐμπείρουσ γεγονότασ καὶ τῷ προνενικηκέναι θαρροῦντασ, αὑτῷ δὲ παραδοῦναι τὸ εὐώνυμον, ὅπου τῶν Ἑλλήνων οἱ μηδίζοντεσ ἐπιβάλλειν ἔμελλον. οἱ μὲν οὖν ἄλλοι στρατηγοὶ τῶν Ἀθηναίων ἀγνώμονα καὶ φορτικὸν ἡγοῦντο τὸν Παυσανίαν, εἰ τὴν ἄλλην ἐῶν τάξιν ἐν χώρᾳ μόνουσ ἄνω καὶ κάτω μεταφέρει σφᾶσ ὥσπερ εἵλωτασ, κατὰ τὸ μαχιμώτατον προβαλλόμενοσ·

ὁ δ’ Ἀριστείδησ διαμαρτάνειν αὐτοὺσ ἔφασκε τοῦ παντόσ, εἰ πρώην μὲν ὑπὲρ τοῦ τὸ εὐώνυμον κέρασ ἔχειν διεφιλοτιμοῦντο Τεγεάταισ καὶ προκριθέντεσ ἐσεμνύνοντο, νῦν δέ, Λακεδαιμονίων ἑκουσίωσ αὐτοῖσ ἐξισταμένων τοῦ δεξιοῦ καὶ τρόπον τινὰ τὴν ἡγεμονίαν παραδιδόντων, οὔτε τὴν δόξαν ἀγαπῶσιν οὔτε κέρδοσ ἡγοῦνται τὸ μὴ πρὸσ ὁμοφύλουσ καὶ συγγενεῖσ, ἀλλὰ βαρβάρουσ καὶ φύσει πολεμίουσ ἀγωνίσασθαι. ἐκ τούτου πάνυ προθύμωσ οἱ Ἀθηναῖοι διημείβοντο τοῖσ Σπαρτιάταισ τὴν τάξιν·

καὶ λόγοσ ἐχώρει δι’ αὐτῶν πολὺσ ἀλλήλοισ παρεγγυώντων, ὡσ οὔτε ὅπλα βελτίω λαβόντεσ οὔτε ψυχὰσ ἀμείνουσ οἱ πολέμιοι τῶν ἐν Μαραθῶνι προσίασιν, ἀλλὰ ταὐτὰ μὲν ἐκείνοισ τόξα, ταὐτὰ δ’ ἐσθῆτοσ ποικίλματα καὶ χρυσὸσ ἐπὶ σώμασι μαλακοῖσ καὶ ψυχαῖσ ἀνάνδροισ·

ἡμῖν δ’ ὅμοια μὲν ὅπλα καὶ σώματα, μεῖζον δὲ ταῖσ νίκαισ τὸ θάρσοσ, ὁ δ’ ἀγὼν οὐχ ὑπὲρ χώρασ καὶ πόλεωσ μόνον, ὡσ ἐκείνοισ, ἀλλ’ ὑπὲρ τῶν ἐν Μαραθῶνι καὶ Σαλαμῖνι τροπαίων, ὡσ μηδ’ ἐκεῖνα Μιλτιάδου δοκῇ καὶ τύχησ, ἀλλὰ Ἀθηναίων. οὗτοι μὲν οὖν σπεύδοντεσ ἐν ἀμείψει τῶν τάξεων ἦσαν·

αἰσθόμενοι δὲ Θηβαῖοι παρ’ αὐτομόλων Μαρδονίῳ φράζουσι. κἀκεῖνοσ εὐθύσ, εἴτε δεδιὼσ τοὺσ Ἀθηναίουσ, εἴτε τοῖσ Λακεδαιμονίοισ συμπεσεῖν φιλοτιμούμενοσ, ἀντιπαρεξῆγε τοὺσ Πέρσασ ἐπὶ τὸ δεξιόν, τοὺσ δὲ Ἕλληνασ ἐκέλευε τοὺσ σὺν αὐτῷ κατὰ τοὺσ Ἀθηναίουσ ἵστασθαι. γενομένησ δὲ τῆσ μετακοσμήσεωσ καταφανοῦσ ὅ τε Παυσανίασ ἀποτραπεὶσ αὖθισ ἐπὶ τοῦ δεξιοῦ κατέστη, καὶ Μαρδόνιοσ, ὥσπερ εἶχεν ἐξ ἀρχῆσ, ἀνέλαβε τὸ εὐώνυμον κατὰ τοὺσ Λακεδαιμονίουσ γενόμενοσ, ἥ τε ἡμέρα διεξῆλθεν ἀργή.

καὶ τοῖσ Ἕλλησι βουλευομένοισ ἔδοξε πορρωτέρω μεταστρατοπεδεῦσαι καὶ καταλαβεῖν εὐύδρον χωρίον, ἐπεὶ τὰ πλησίον νάματα καθύβριστο καὶ διέφθαρτο τῶν βαρβάρων ἱπποκρατούντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀριστείδης, chapter 16

(플루타르코스, Ἀριστείδης, chapter 16)

상위

목록

SEARCH

MENU NAVIGATION