Plutarch, Ἀριστείδης, chapter 13 1:

οὔσησ δὲ μετεώρου τῆσ Ἑλλάδοσ καὶ μάλιστα τοῖσ Ἀθηναίοισ τῶν πραγμάτων ἐπισφαλῶσ ἐχόντων, ἄνδρεσ ἐξ οἴκων ἐπιφανῶν καὶ χρημάτων μεγάλων πένητεσ ὑπὸ τοῦ πολέμου γεγονότεσ καὶ πᾶσαν ἅμα τῷ πλούτῳ τὴν ἐν τῇ πόλει δύναμιν αὑτῶν καὶ δόξαν οἰχομένην ὁρῶντεσ, ἑτέρων τιμωμένων καὶ ἀρχόντων, συνῆλθον εἰσ οἰκίαν τινὰ τῶν ἐν Πλαταιαῖσ κρύφα καὶ συνωμόσαντο καταλύσειν τὸν δῆμον· εἰ δὲ μὴ προχωροίη, λυμανεῖσθαι τὰ πράγματα καὶ τοῖσ βαρβάροισ προδώσειν.