헬라어 문장 검색 - Πλυταρ́Αριστιδ́08́

(플루타르코스, Ἀριστείδης, chapter 8)

τρίτῳ δ’ ἔτει Ξέρξου διὰ Θετταλίασ καὶ Βοιωτίασ ἐλαύνοντοσ ἐπὶ τὴν Ἀττικήν, λύσαντεσ τὸν νόμον ἐψηφίσαντο τοῖσ μεθεστῶσι κάθοδον, μάλιστα φοβούμενοι τὸν Ἀριστείδην, μὴ προσθέμενοσ τοῖσ πολεμίοισ διαφθείρῃ καὶ μεταστήσῃ πολλοὺσ τῶν πολιτῶν πρὸσ τὸν βάρβαρον, οὐκ ὀρθῶσ στοχαζόμενοι τοῦ ἀνδρόσ, ὅσ γε καὶ πρὸ τοῦ δόγματοσ τούτου διετέλει προτρέπων καὶ παροξύνων τοὺσ Ἕλληνασ ἐπὶ τὴν ἐλευθερίαν, καὶ μετὰ τὸ δόγμα τοῦτο, Θεμιστοκλέουσ στρατηγοῦντοσ αὐτοκράτοροσ, πάντα συνέπραττε καὶ συνεβούλευεν, ἐνδοξότατον ἐπὶ σωτηρίᾳ κοινῇ ποιῶν τὸν ἔχθιστον. ὡσ γὰρ ἀπολιπεῖν τὴν Σαλαμῖνα βουλευομένων τῶν περὶ Εὐρυβιάδην αἱ βαρβαρικαὶ τριήρεισ νύκτωρ ἀναχθεῖσαι καὶ περιβαλοῦσαι τόν τε πόρον ἐν κύκλῳ καὶ τὰσ νήσουσ κατεῖχον, οὐδενὸσ προειδότοσ τὴν κύκλωσιν ἧκεν ὁ Ἀριστείδησ ἀπ’ Αἰγίνησ παραβόλωσ διὰ τῶν πολεμίων νεῶν διεκπλεύσασ·

"ὦ Θεμιστόκλεισ, εἰ σωφρονοῦμεν, ἤδη τὴν κενὴν καὶ μειρακιώδη στάσιν ἀφέντεσ ἀρξώμεθα σωτηρίου καὶ καλῆσ φιλονεικίασ πρὸσ ἀλλήλουσ ἁμιλλώμενοι σῶσαι τὴν Ἑλλάδα, σὺ μὲν ἄρχων καὶ στρατηγῶν, ἐγὼ δ’ ὑπουργῶν καὶ συμβουλεύων, ἐπεὶ καὶ νῦν σε πυνθάνομαι μόνον ἅπτεσθαι τῶν ἀρίστων λογισμῶν, κελεύοντα διαναυμαχεῖν ἐν τοῖσ στενοῖσ τὴν ταχίστην.

"καί σοι τῶν συμμάχων ἀντιπραττόντων οἱ πολέμιοι συνεργεῖν ἐοίκασι· "τὸ γὰρ ἐν κύκλῳ καὶ κατόπιν ἤδη πέλαγοσ ἐμπέπλησται νεῶν πολεμίων, ὥστε καὶ τοὺσ μὴ θέλοντασ ἀνάγκη κατείληφεν ἀγαθοὺσ ἄνδρασ εἶναι καὶ μάχεσθαι· "φυγῆσ γὰρ ὁδὸσ οὐ λέλειπται. πρὸσ ταῦτα ὁ Θεμιστοκλῆσ εἶπεν·

"οὐκ ἂν ἐβουλόμην, ὦ Ἀριστείδη, σὲ κατὰ τοῦτό μου κρείττονα γενέσθαι, πειράσομαι δὲ πρὸσ καλὴν ἀρχὴν ἁμιλλώμενοσ ὑπερβάλλεσθαι τοῖσ ἔργοισ. ἅμα δ’ αὐτῷ φράσασ τὴν ὑφ’ ἑαυτοῦ κατασκευασθεῖσαν ἀπάτην πρὸσ τὸν βάρβαρον, παρεκάλει πείθειν τὸν Εὐρυβιάδην καὶ διδάσκειν, ὡσ ἀμήχανόν ἐστι σωθῆναι μὴ ναυμαχήσαντασ· εἶχε γὰρ αὐτοῦ μᾶλλον πίστιν. ὅθεν ἐν τῷ συλλόγῳ τῶν στρατηγῶν εἰπόντοσ Κλεοκρίτου τοῦ Κορινθίου πρὸσ τὸν Θεμιστοκλέα, μηδ’ Ἀριστείδῃ τὴν γνώμην ἀρέσκειν αὐτοῦ, παρόντα γὰρ σιωπᾶν, ἀντεῖπεν ὁ Ἀριστείδησ, ὡσ οὐκ ἂν ἐσιώπα μὴ λέγοντοσ τὰ ἄριστα τοῦ Θεμιστοκλέουσ·

νῦν δ’ ἡσυχίαν ἄγειν οὐ δι’ εὔνοιαν τοῦ ἀνδρόσ, ἀλλὰ τὴν γνώμην ἐπαινῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀριστείδης, chapter 8

(플루타르코스, Ἀριστείδης, chapter 8)

상위

목록

SEARCH

MENU NAVIGATION