Dionysius of Halicarnassus, Antiquitates Romanae, Books X-XX, book 10, chapter 43

(디오니시오스, Antiquitates Romanae, Books X-XX, book 10, chapter 43)

μετ’ οὐ πολὺ δὲ πάλιν τῶν δημάρχων τὸν ὑπὲρ τοῦ νόμου εἰσφερόντων λόγον αἰφνιδίωσ τισ ἀπαγγελεῖσα πολεμίων ἔφοδοσ ἐπὶ τὴν τῶν Τυσκλάνων πόλιν, αἰτία κωλύσεωσ ἀποχρῶσα ἐγένετο. Τυσκλάνων κατὰ πλῆθοσ εἰσ τὴν Ῥώμην ἀφικομένων καὶ λεγόντων, ὅτι δυνάμει πολλῇ πάρεισιν ἐπ’ αὐτοὺσ Αἰκανοὶ καὶ τὴν μὲν χώραν αὐτῶν ἤδη διηρπάκασι, τὴν δὲ πόλιν, ἐὰν μή τισ γένηται ταχεῖα ἐπικουρία, φθάσουσιν ἐντὸσ ὀλίγων ἡμερῶν ἀράμενοι, ἡ μὲν βουλὴ τοὺσ ὑπάτουσ αὐτοῖσ ἐψηφίσατο βοηθεῖν ἀμφοτέρουσ, οἱ δ’ ὕπατοι στρατολογίαν προθέντεσ ἐκάλουν τοὺσ πολίτασ ἅπαντασ ἐπὶ τὰ ὅπλα.

ἐγένετο μὲν οὖν τισ καὶ τότε στάσισ ἐναντιουμένων τῇ καταγραφῇ τῶν δημάρχων καὶ τὰσ ἐκ τῶν νόμων τιμωρίασ οὐ συγχωρούντων ποιεῖσθαι κατὰ τῶν ἀπειθούντων·

ἔπραξαν δ’ οὐθέν. τοὺσ ὑπάτουσ τἀναντία.

ὡσ δ’ ἀνεγνώσθη τὸ δόγμα τῆσ βουλῆσ ἐν τῇ ἐκκλησίᾳ, πολλοὶ καὶ τοῦ δήμου τὸν ἀγῶνα ἑκόντεσ ὑπέμειναν·

οἱ μὲν ἐπιεικέστατοι δἰ αἰσχύνην, εἰ μηδὲν ἐπικουρήσουσι πόλει συμμάχῳ διὰ τὴν πρὸσ αὐτοὺσ εὔνοιαν ἀεί τι πρὸσ τῶν ἐχθρῶν βλαπτομένῃ· ἐν οἷσ ἦν καὶ ὁ Σίκκιοσ ἐκεῖνοσ ὁ κατηγορήσασ ἐν τῷ δήμῳ τῶν σφετερισαμένων τὴν δημοσίαν γῆν, σπεῖραν ἐπαγόμενοσ ὀκτακοσίων ἀνδρῶν, οἳ στρατεύεσθαι μὲν οὐκέτι ὡρ́αν εἶχον, ὥσπερ οὐδ’ ἐκεῖνοσ, οὐδ’ ἔπιπτον ὑπὸ τὰσ ἀνάγκασ τῶν νόμων, τιμῶντεσ δὲ τὸν ἄνδρα διὰ πολλὰσ καὶ μεγάλασ εὐεργεσίασ, ἐξιόντοσ ἐπὶ τὸν πόλεμον οὐκ ἐδικαίωσαν ἀπολείπεσθαι. καὶ ἦν τοῦτο τὸ μέροσ τῆσ ἐξελθούσησ τότε δυνάμεωσ ἐμπειρίᾳ τε ἀγώνων καὶ τῇ παρὰ τὰ δεινὰ εὐτολμίᾳ μακρῷ τοῦ ἄλλου ἄμεινον.

οἱ δὲ πολλοὶ χάριτι καὶ παρακλήσει τῶν πρεσβυτάτων ὑπαχθέντεσ εἵποντο. ἦν δέ τι μέροσ, ὃ τῶν ὠφελειῶν ἕνεκα τῶν ἐν ταῖσ στρατείαισ γινομένων πάντα κίνδυνον ἕτοιμον ἦν ὑπομένειν.

καὶ δι’ ὀλίγου χρόνου δύναμισ ἐξῆλθε πλήθει τε ἀποχρῶσα καὶ παρασκευαῖσ κεχρημένη λαμπροτάταισ. οἱ μὲν οὖν πολέμιοι προακούσαντεσ, ὅτι μέλλουσιν ἐπ’ αὐτοὺσ ἐξάγειν Ῥωμαῖοι στρατιάν, ἀπῆγον ἐπ’ οἴκου τὰσ δυνάμεισ.

οἱ δ’ ὕπατοι κατὰ σπουδὴν ἐλαύνοντεσ καταλαμβάνουσιν ἐστρατοπεδευκότασ αὐτοὺσ πόλεωσ Ἀντίου πλησίον ἐν ὑψηλῷ καὶ ἀποτόμῳ χωρίῳ καὶ τίθενται τὴν παρεμβολὴν τῆσ ἐκείνων οὐ πρόσω. ἀγοράσ τ’ αὐτῶν περιέκοπτον ἐξιόντεσ καὶ τοὺσ ἐπὶ προνομὴν ἀποστελλομένουσ ἢ χόρτον ἵπποισ ἀνεκρούοντο καὶ τοῖσ πρὸσ ὑδρείαν καταβαίνουσιν αἰφνιδίωσ ἐπετίθεντο, προὐκαλοῦντό τ’ αὐτοὺσ πολλάκισ εἰσ μάχην.

SEARCH

MENU NAVIGATION