Dionysius of Halicarnassus, Antiquitates Romanae, Books X-XX, book 10, chapter 34

(디오니시오스, Antiquitates Romanae, Books X-XX, book 10, chapter 34)

συναγανακτοῦντοσ δ’ αὐτοῖσ τοῦ πλήθουσ ἐκάλουν τοὺσ ὑπάτουσ ἐπὶ τὸν δῆμον ὡσ τῶν πεπραγμένων ὑφέξοντασ λόγον. οὐ μόνον εἰσ τὴν ἐξουσίαν, ἀλλὰ καὶ εἰσ τὰ σώματα προπηλακισθέντεσ.

ἠξίουν τε δυεῖν θάτερον ποιεῖν τοὺσ ὑπάτουσ·

εἰ μὲν ἀρνοῦνται μηδὲν ὧν οἱ νόμοι κεκωλύκασιν εἰσ τὰ τῶν δημάρχων πλημμελῆσαι σώματα, παραγενομένουσ εἰσ τὴν ἐκκλησίαν ἀπομόσαι, εἰ δ’ οὐχ ὑπομένουσι τὸν ὁρ́κον, ἥκειν ἐπὶ τοὺσ δημότασ λόγον ὑφέξοντασ· ἀναδώσειν γὰρ ὑπὲρ αὐτῶν ταῖσ φυλαῖσ τὴν ψῆφον. οἱ δ’ ὕπατοι πρὸσ ταῦτ’ ἀπελογοῦντο διδάσκοντεσ, ὅτι τῆσ ὕβρεωσ οἱ δήμαρχοι ἄρξειαν αὐθαδείᾳ χρησάμενοι καὶ τολμήσαντεσ εἰσ ὑπάτων σώματα παρανομεῖν, τὸ μὲν πρῶτον ὑπηρέταισ τε καὶ ἀγορανόμοισ ἐπιτάττοντεσ ἄγειν εἰσ τὸ δεσμωτήριον ἄρχοντασ, οἷσ τὸ πάντων ἀποδέδοται κράτοσ, ἔπειτ’ αὐτοὶ τολμήσαντεσ ὁμόσε χωρεῖν σὺν τοῖσ ἰταμωτάτοισ τῶν δημοτικῶν·

τάσ τε ἀρχὰσ διδάσκοντεσ ὅσον ἀλλήλων διαφέρουσιν, ἡ μὲν ὑπατικὴ τὸ τῶν βασιλέων ἔχουσα κράτοσ, ἡ δὲ δημαρχικὴ τῆσ βοηθείασ ἕνεκα παρεληλυθυῖα τῶν κατισχυομένων, ᾗ τοσούτου δεῖν ἐξεῖναι κατὰ τῶν ὑπάτων τινὸσ ψῆφον ἀναδιδόναι τοῖσ ὄχλοισ, ὥστε μηδὲ κατὰ τῶν ἄλλων πατρικίων τοῦ φαυλοτάτου ταύτην ἀποδεδόσθαι τὴν ἐξουσίαν, ἂν μὴ ἡ βουλὴ ψηφίσηται.

ἠπείλουν τε, ὅταν ἐκεῖνοι ψῆφον ἀναδῶσι τοῖσ δημόταισ, αὐτοὶ τὰ ὅπλα περιθήσειν τοῖσ πατρικίοισ.

τοιούτων δὴ ῥηθέντων λόγων δἰ ὅλησ ἡμέρασ οὐδὲν ἐξήνεγκεν ἡ βουλὴ τέλοσ, ἵνα μήτε τὴν τῶν ὑπάτων ἀρχὴν μειώσειε μήτε τὴν τῶν δημάρχων, ἑκάτερον ὁρῶσα μεγάλων κινδύνων αἴτιον ἐσόμενον.

SEARCH

MENU NAVIGATION