Dionysius of Halicarnassus, Antiquitates Romanae, Books X-XX, book 10, chapter 3

(디오니시오스, Antiquitates Romanae, Books X-XX, book 10, chapter 3)

τὸ μὲν οὖν καταλύσασθαι τὰ πρὸσ ἀλλήλουσ ἐγκλήματα καὶ μιᾷ χρήσασθαι γνώμῃ περὶ τῶν κοινῶν, ὡσ ὑπετίθεντο οἱ χρησμοί, πάντεσ ὡμολόγουν· ὅπωσ δ’ ἂν τοῦτο γένοιτο καὶ ἀπὸ τίνων ἀρξαμένων εἴκειν τοῖσ ἑτέροισ τὸ διάφορον παύσαιτο στασιάζον, οὐ μικρὰν αὐτοῖσ παρεῖχεν ἀπορίαν. οἱ μὲν γὰρ ὕπατοι καὶ οἱ τῆσ βουλῆσ προεστῶτεσ τοὺσ εἰσφέροντασ καινὰ πολιτεύματα δημάρχουσ καὶ καταλύειν ἀξιοῦντασ τὸν πάτριον τῆσ πολιτείασ κόσμον αἰτίουσ ἀπέφαινον τῆσ ταραχῆσ.

οἱ δὲ δήμαρχοι σφᾶσ μὲν αὐτοὺσ οὐδὲν ἔλεγον ἀνάξιον δρᾶν οὔτε ἄδικον οὔτε ἀσύμφορον εὐνομίαν εἰσάγειν βουλομένουσ καὶ ἰσηγορίαν· τοὺσ δὲ ὑπάτουσ καὶ τοὺσ πατρικίουσ αἰτίουσ ἔσεσθαι τῆσ στάσεωσ ἔλεγον ἀνομίαν αὔξοντασ καὶ πλεονεξίαν καὶ ζηλοῦντασ τὰ τῶν τυράννων ἔθη. ταῦτα καὶ πολλὰ τούτοισ ὅμοια παρ’ ἑκατέρων ἐπὶ πολλὰσ ἡμέρασ ἐλέγετο, καὶ προὔβαινε διὰ κενῆσ ὁ χρόνοσ·

ἐν ᾧ τῶν κατὰ τὴν πόλιν οὔτε δημοσίων οὔτε ἰδίων οὐδὲν ἐτελεῖτο. ὡσ δ’ οὐδὲν ἐγίνετο τῶν προὔργου, λόγων μὲν ἐκείνων καὶ κατηγοριῶν, ἃσ ἐποιοῦντο κατὰ τῆσ βουλῆσ, οἱ δήμαρχοι ἀπέστησαν·

συναγαγόντεσ δὲ τὸ πλῆθοσ εἰσ τὴν ἐκκλησίαν ὑπέσχοντο τῷ δήμῳ νόμον εἰσοίσειν ὑπὲρ ὧν ἠξίουν. ἐπαινέσαντοσ δὲ τοῦ πλήθουσ τὸν λόγον οὐδὲν ἔτι ἀναβαλόμενοι τὸν παρασκευασθέντα νόμον ἀνέγνωσαν·

κεφάλαια δὲ αὐτοῦ τάδε ἦν· ἄνδρασ αἱρεθῆναι δέκα ὑπὸ τοῦ δήμου συναχθείσησ ἀγορᾶσ ἐννόμου τοὺσ πρεσβυτάτουσ τε καὶ φρονιμωτάτουσ, οἷσ ἐστι πλείστη πρόνοια τιμῆσ τε καὶ δόξησ ἀγαθῆσ· τούτουσ δὲ συγγράψαντασ τοὺσ ὑπὲρ ἁπάντων νόμουσ τῶν τε κοινῶν καὶ τῶν ἰδίων εἰσ τὸν δῆμον ἐξενεγκεῖν· τοὺσ δὲ συγγραφησομένουσ ὑπ’ αὐτῶν νόμουσ κεῖσθαι ἐν ἀγορᾷ ταῖσ καθ’ ἕκαστον ἐνιαυτὸν ἀποδειχθησομέναισ ἀρχαῖσ καὶ τοῖσ ἰδιώταισ ὁρ́ουσ τῶν πρὸσ ἀλλήλουσ δικαίων. τοῦτον προθέντεσ τὸν νόμον ἐξουσίαν ἔδοσαν τοῖσ βουλομένοισ αὐτοῦ κατηγορεῖν, ἀποδείξαντεσ τὴν τρίτην ἀγοράν.

ἦσαν δὲ πολλοὶ καὶ οὐχ οἱ φαυλότατοι τῶν ἐκ τοῦ συνεδρίου, πρεσβύτεροι καὶ νέοι, κατήγοροι τοῦ νόμου, λόγουσ διεξιόντεσ ἐκ πολλῆσ ἐπιμελείασ καὶ παρασκευῆσ· τοῦτ’ ἐφ’ ἡμέρασ ἐγίνετο συχνάσ.

ἔπειτα οἱ δήμαρχοι δυσχεραίνοντεσ ἐπὶ τῇ διατριβῇ τοῦ χρόνου λόγον μὲν οὐδένα ἔτι τοῖσ κατηγόροισ τοῦ νόμου προέθεσαν, ἡμέραν δὲ ἀποδείξαντεσ, ἐν ᾗ κυρώσειν αὐτὸν ἔμελλον, παρεῖναι τοὺσ δημότασ εἰσ αὐτὴν παρεκάλουν ἀθρόουσ, ὡσ οὐκέτι ταῖσ μακραῖσ δημηγορίαισ ἐνοχληθησομένουσ, ἀλλ’ ἐποίσοντασ ὑπὲρ αὐτοῦ τὴν ψῆφον κατὰ φυλάσ. οἱ μὲν δὴ ταῦτα ὑποσχόμενοι διέλυσαν τὴν ἐκκλησίαν.

SEARCH

MENU NAVIGATION