헬라어 문장 검색 - Διοδορ́Λιβραρψ́8́46́

(디오도로스 시켈로스, Library, book xv, chapter 88)

ἡμεῖσ δ’ εἰωθότεσ ταῖσ τῶν ἀγαθῶν ἀνδρῶν τελευταῖσ ἐπιλέγειν τὸν ἴδιον ἔπαινον, οὐδαμῶσ ἁρμόττον ἡγούμεθα παραδραμεῖν ἀνδρὸσ τηλικούτου τὴν τελευτὴν ἀνεπισήμαντον. δοκεῖ γάρ μοι μὴ μόνον τοὺσ καθ’ ἑαυτὸν ὑπερβάλλειν τῇ στρατηγικῇ συνέσει καὶ ἐμπειρίᾳ, πρὸσ δὲ τούτοισ ἐπιεικείᾳ τε καὶ μεγαλοψυχίᾳ. κατὰ μὲν γὰρ τὴν ἡλικίαν τὴν τούτου γεγόνασιν ἄνδρεσ ἐπιφανεῖσ Πελοπίδασ τε Θηβαῖοσ καὶ Τιμόθεοσ καὶ Κόνων, ἔτι δὲ Χαβρίασ καὶ Ἰφικράτησ οἱ Ἀθηναῖοι, πρὸσ δὲ τούτοισ Ἀγησίλαοσ ὁ Σπαρτιάτησ, βραχὺ τοῖσ χρόνοισ προτερῶν·

ἐν δὲ τοῖσ πρὸ τοῦ χρόνοισ, ἐπὶ τῶν Μηδικῶν καὶ πρὸ τῶν Περσικῶν καιρῶν, Σόλων καὶ Θεμιστοκλῆσ καὶ Μιλτιάδησ, ἔτι δὲ Κίμων καὶ Μυρωνίδησ καὶ Περικλῆσ καί τινεσ ἕτεροι παρὰ τοῖσ Ἀθηναίοισ, κατὰ δὲ τὴν Σικελίαν Γέλων ὁ Δεινομένουσ καί τινεσ ἕτεροι. ἀλλ’ ὅμωσ εἴ τισ συγκρίναι τὰσ τούτων ἀρετὰσ τῇ Ἐπαμεινώνδου στρατηγίᾳ τε καὶ δόξῃ, πολὺ ἂν προέχουσαν εὑρ́οι τὴν περὶ τὸν Ἐπαμεινώνδαν ἀρετήν.

παρὰ μὲν γὰρ ἑκάστῳ τῶν ἄλλων ἓν ἂν εὑρ́οι προτέρημα τῆσ δόξησ, παρὰ δὲ τούτῳ πάσασ τὰσ ἀρετὰσ ἠθροισμένασ. καὶ γὰρ ῥώμῃ σώματοσ καὶ λόγου δεινότητι, πρὸσ δὲ τούτοισ ψυχῆσ λαμπρότητι καὶ μισαργυρίᾳ καὶ ἐπιεικείᾳ, καὶ τὸ μέγιστον, ἀνδρείᾳ καὶ στρατηγικῇ συνέσει πολὺ διήνεγκε πάντων. τοιγαροῦν ἡ πατρὶσ αὐτοῦ ζῶντοσ μὲν ἐκτήσατο τὴν ἡγεμονίαν τῆσ Ἑλλάδοσ, τελευτήσαντοσ δὲ ταύτησ ἐστερήθη καὶ τῆσ ἐπὶ τὸ χεῖρον ἀεὶ μεταβολῆσ ἐπειράθη, καὶ πέρασ διὰ τὴν ἀφροσύνην τῶν ἡγουμένων ἀνδραποδισμοῦ καὶ κατασκαφῆσ ἔλαβε πεῖραν.

Ἐπαμεινώνδασ μὲν οὖν παρὰ πᾶσι περιβόητον ἔχων τὴν ἀρετήν, τοιαύτησ ἔτυχε καταστροφῆσ τοῦ βίου. οἱ δ’ Ἕλληνεσ μετὰ τὴν μάχην ἀμφισβητουμένην ἔχοντεσ τὴν νίκην, καὶ ταῖσ ἀνδραγαθίαισ ἐφάμιλλοι καθεστῶτεσ, ἔτι δὲ τῇ συνεχείᾳ τῶν κινδύνων καταπονούμενοι, διελύσαντο πρὸσ ἀλλήλουσ.

συνθέμενοι δὲ κοινὴν εἰρήνην καὶ συμμαχίαν, κατέταττον ἐν τῇ συμμαχίᾳ καὶ τοὺσ Μεσσηνίουσ. οἱ δὲ Λακεδαιμόνιοι διὰ τὴν πρὸσ τούτουσ ἀκατάλλακτον ἀλλοτριότητα τῶν σπονδῶν οὐ προείλοντο κοινωνεῖν καὶ μόνοι τῶν Ἑλλήνων ὑπῆρχον ἔκσπονδοι.

τῶν δὲ συγγραφέων Ξενοφῶν μὲν ὁ Ἀθηναῖοσ τὴν τῶν Ἑλληνικῶν σύνταξιν εἰσ τοῦτον τὸν ἐνιαυτὸν κατέστροφεν ἐπὶ τὴν Ἐπαμεινώνδου τελευτήν·

Ἀναξιμένησ δὲ ὁ Λαμψακηνὸσ τὴν πρώτην τῶν Ἑλληνικῶν ἀνέγραψεν ἀρξάμενοσ ἀπὸ θεογονίασ καὶ ἀπὸ τοῦ πρώτου γένουσ τῶν ἀνθρώπων, κατέστροφε δ’ εἰσ τὴν ἐν Μαντινείᾳ μάχην καὶ τὴν Ἐπαμεινώνδου τελευτήν· περιέλαβε δὲ πάσασ σχεδὸν τάσ τε τῶν Ἑλλήνων καὶ βαρβάρων πράξεισ ἐν βύβλοισ δώδεκα. Φίλιστοσ δὲ τὰ περὶ Διονύσιον τὸν νεώτερον ὧδε κατέστροφε, διελθὼν ἔτη πέντε ἐν βύβλοισ δυσίν. ἐπ’ ἄρχοντοσ δ’ Ἀθήνησι Μόλωνοσ ἐν Ῥώμῃ κατεστάθησαν ὕπατοι Λεύκιοσ Γενούκιοσ καὶ Κόιντοσ Σερουίλιοσ.

ἐπὶ δὲ τούτων οἱ τὴν παράλιον οἰκοῦντεσ τῆσ Ἀσίασ ἀπέστησαν ἀπὸ Περσῶν, καί τινεσ τῶν σατραπῶν καὶ στρατηγῶν ἐπαναστάντεσ πόλεμον ἐξήνεγκαν πρὸσ Ἀρταξέρξην. ὁμοίωσ δὲ τούτοισ καὶ Ταχὼσ ὁ βασιλεὺσ τῶν Αἰγυπτίων κρίνασ πολεμεῖν τοῖσ Πέρσαισ, ναῦσ τε κατεσκεύασε καὶ πεζὰσ δυνάμεισ ἤθροισεν.

πολλοὺσ δὲ ξενολογήσασ ἐκ τῶν Ἑλληνίδων πόλεων ἔπεισε καὶ Λακεδαιμονίουσ συμμαχεῖν· οἱ γὰρ Σπαρτιᾶται πρὸσ Ἀρταξέρξην ἀλλοτρίωσ εἶχον διὰ τὸ τοὺσ Μεσσηνίουσ ὁμοίωσ τοῖσ ἄλλοισ Ἕλλησιν ὑπὸ τοῦ βασιλέωσ εἰσ τὴν κοινὴν εἰρήνην κατατετάχθαι. τηλικαύτησ δὲ συνδρομῆσ κατὰ τῶν Περσῶν γενομένησ, καὶ ὁ βασιλεὺσ παρεσκευάζετο τὰ πρὸσ τὸν πόλεμον. ὑπὸ γὰρ τὸν αὐτὸν καιρὸν ἔδει πρόσ τε τὸν τῶν Αἰγυπτίων βασιλέα πολεμεῖν καὶ πρὸσ τὰσ κατὰ τὴν Ἀσίαν Ἑλληνίδασ πόλεισ καὶ Λακεδαιμονίουσ καὶ τοὺσ τούτων συμμάχουσ σατράπασ καὶ στρατηγούσ, τοὺσ ἄρχοντασ μὲν τῶν παραθαλαττίων τόπων, συντεθειμένουσ δὲ κοινοπραγίαν·

ὧν ἦσαν ἐπιφανέστατοι Ἀριοβαρζάνησ μὲν ὁ τῆσ Φρυγίασ σατράπησ, ὃσ καὶ Μιθριδάτου τελευτήσαντοσ τῆσ τούτου βασιλείασ κεκυριευκὼσ ἦν, Μαύσωλοσ δὲ Καρίασ δυναστεύων καὶ πολλῶν ἐρυμάτων καὶ πόλεων ἀξιολόγων κυριεύων, ὧν ἑστίαν καὶ μητρόπολιν συνέβαινεν εἶναι τὴν Ἁλικαρνασσόν, ἔχουσαν ἀκρόπολιν ἀξιόλογον καὶ τὰ τῆσ Καρίασ βασίλεια, πρὸσ δὲ τούτοισ Ὀρόντησ μὲν τῆσ Μυσίασ σατράπησ, Αὐτοφραδάτησ δὲ Λυδίασ· τῶν δὲ Ιὤνων ἄνευΛύκιοί τε καὶ Πισίδαι καὶ Παμφύλιοι καὶ Κίλικεσ, ἔτι δὲ καὶ Σύροι καὶ Φοίνικεσ καὶ σχεδὸν πάντεσ οἱ παραθαλάσσιοι. τηλικαύτησ δ’ οὔσησ ἀποστάσεωσ, τὸ μὲν ἥμισυ τῶν προσόδων τῷ βασιλεῖ κατελέλυτο, τὸ δὲ λοιπὸν οὐχ ἱκανὸν ἦν εἰσ τὰσ τοῦ πολέμου χρείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 88

(디오도로스 시켈로스, Library, book xv, chapter 88)

상위

목록

SEARCH

MENU NAVIGATION