헬라어 문장 검색 - Διοδορ́Λιβραρψ́8́42́

(디오도로스 시켈로스, Library, book xv, chapter 82)

τοῦ δ’ ἔτουσ τούτου διεληλυθότοσ Ἀθήνησι μὲν ἦρχε Χαρικλείδησ, ἐν Ῥώμῃ δ’ ὕπατοι κατεστάθησαν Λεύκιοσ Αἰμίλιοσ Μάμερκοσ καὶ Λεύκιοσ Σέξτιοσ Λατερίασ. ἐπὶ δὲ τούτων Ἀρκάδεσ μετὰ Πισαίων κοινῇ τεθεικότεσ ὑπῆρχον τὸν ἀγῶνα τῶν Ὀλυμπίων, καὶ ἐκυρίευον τοῦ ἱεροῦ καὶ τῶν ἐν αὐτῷ χρημάτων. τῶν δὲ Μαντινέων ἀναλαβόντων εἰσ τοὺσ ἰδίουσ βίουσ οὐκ ὀλίγα τῶν ἀναθημάτων ἔσπευδον οἱ παρανομήσαντεσ διακατέχειν τὸν πρὸσ Ἠλείουσ πόλεμον, ἵνα μὴ δῶσιν ἐν εἰρήνῃ λόγον τῶν ἀναλωθέντων. τῶν δὲ ἄλλων Ἀρκάδων βουλομένων συνθέσθαι τὴν εἰρήνην, στάσεισ ἐκίνησαν πρὸσ τοὺσ ὁμοεθνεῖσ.

γενομένων οὖν δυεῖν ἑταιριῶν, συνέβαινε τῆσ μὲν τοὺσ Τεγεάτασ, τῆσ δὲ τοὺσ Μαντινεῖσ ἡγεῖσθαι. ἐπὶ πολὺ δὲ τῆσ διαφορᾶσ αὐξηθείσησ εἰσ τὴν διὰ τῶν ὅπλων κρίσιν κατήντησαν, καὶ Τεγεᾶται μὲν πρεσβεύσαντεσ πρὸσ Βοιωτοὺσ ἔπεισαν ἑαυτοῖσ βοηθεῖν, οἱ δὲ Βοιωτοὶ στρατηγὸν ἐπιστήσαντεσ Ἐπαμεινώνδαν καὶ δύναμιν ἀξιόλογον δόντεσ ἐξαπέστειλαν βοηθῆσαι τοῖσ Τεγεάταισ.

οἱ δὲ Μαντινεῖσ τὴν ἐκ τῆσ Βοιωτίασ δύναμιν καὶ τὴν Ἐπαμεινώνδου δόξαν καταπλαγέντεσ, πρὸσ τοὺσ ἐχθροτάτουσ τῶν Βοιωτῶν Ἀθηναίουσ καὶ Λακεδαιμονίουσ πρέσβεισ ἐκπέμψαντεσ ἔπεισαν συμμαχεῖν.

ὧν ἀμφοτέρων ἁδρὰσ δυνάμεισ ταχέωσ ἀποστειλάντων, ἀγῶνεσ πολλοὶ καὶ μεγάλοι κατὰ τὴν Πελοπόννησον συνέστησαν. εὐθὺσ οὖν Λακεδαιμόνιοι μὲν πλησίον οἰκοῦντεσ ἐστράτευσαν εἰσ τὴν Ἀρκαδίαν, Ἐπαμεινώνδασ δὲ κατὰ τοῦτον τὸν καιρὸν μετὰ τῆσ δυνάμεωσ προϊὼν καὶ τῆσ Μαντινείασ οὐ μακρὰν ἀπέχων ἐπύθετο παρὰ τῶν ἐγχωρίων, ὅτι Λακεδαιμόνιοι πανδημεὶ πορθοῦσι τὴν τῶν Τεγεατῶν χώραν.

ὑπολαβὼν οὖν ἔρημον εἶναι στρατιωτῶν τὴν Σπάρτην, ἐπεβάλετο μὲν μέγα τι πρᾶξαι, τὴν δὲ τύχην ἔσχεν ἀντιπράττουσαν.

αὐτὸσ μὲν γὰρ νυκτὸσ ὡρ́μησεν ἐπὶ τὴν Σπάρτην, ὁ δὲ βασιλεὺσ τῶν Λακεδαιμονίων Ἆγισ ὑποπτεύσασ τὴν ἀγχίνοιαν τὴν Ἐπαμεινώνδου κατεστοχάσατο μὲν τὸ μέλλον ἐμφρόνωσ, ἐξέπεμψε δέ τινασ Κρῆτασ ἡμεροδρόμουσ, δι’ ὧν καταταχήσασ τὸν Ἐπαμεινώνδαν τοῖσ ἀπολελειμμένοισ ἐν τῇ Σπάρτῃ ἐδήλωσε, διότι Βοιωτοὶ συντόμωσ ἥξουσιν ἐπὶ τὴν Λακεδαίμονα πορθήσοντεσ τὴν πόλιν, αὐτὸσ δ’ ὡσ ἂν τάχιστα δύναιτο μετὰ τῆσ δυνάμεωσ ἥξει βοηθήσων τῇ πατρίδι. ἐκέλευεν οὖν τοῖσ ἐν τῇ Σπάρτῃ παραφυλάττειν τὴν πόλιν μηδὲν καταπεπληγμένουσ· ταχὺ γὰρ αὐτὸν ἐπιφανέντα βοηθήσειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 82

(디오도로스 시켈로스, Library, book xv, chapter 82)

상위

목록

SEARCH

MENU NAVIGATION