헬라어 문장 검색 - Διοδορ́Λιβραρψ́8́41́

(디오도로스 시켈로스, Library, book xv, chapter 81)

οἱ δὲ Θηβαῖοι περιβόητον νίκην ἀπενηνεγμένοι, πρὸσ ἅπαντασ ἔφασαν ἑαυτοὺσ ἡττᾶσθαι διὰ τὴν Πελοπίδου τελευτήν· ἀξιόλογον γὰρ ἀπολωλεκότεσ ἄνδρα, κατὰ λόγον ἔκρινον τὴν νίκην ἥττονα ὑπάρχειν τῆσ Πελοπίδου ζωῆσ. πολλὰσ γὰρ καὶ μεγάλασ χρείασ παρέσχετο τῇ πατρίδι, πλεῖστον δὲ συνεβάλετο πρὸσ τὴν τῶν Θηβαίων αὔξησιν. ἐν γὰρ τῇ τῶν φυγάδων κατηλύσει, καθ’ ἣν ἀνεκτήσαντο τὴν Καδμείαν, ὡμολογημένωσ ἅπαντεσ τούτῳ τὸ πρωτεῖον τοῦ κατορθώματοσ ἀπονέμουσιν. τὴν δ’ εὐημερίαν ταύτην συνέβη πάντων τῶν ὕστερον γενομένων ἀγαθῶν αἰτίαν γενέσθαι. ἐν δὲ τῇ περὶ Τεγύραν μάχῃ μόνοσ Πελοπίδασ τῶν βοιωταρχῶν ἐνίκησε τοὺσ Λακεδαιμονίουσ, πλεῖστον ἰσχύοντασ τῶν Ἑλλήνων, ὅτε διὰ τὸ μέγεθοσ τῆσ νίκησ πρῶτον ἔστησαν Θηβαῖοι τρόπαιον κατὰ Λακεδαιμονίων.

κατὰ δὲ τὴν ἐν Λεύκτροισ μάχην ἡγήσατο τοῦ ἱεροῦ λόχου, μεθ’ οὗ προεμβαλὼν τοῖσ Σπαρτιάταισ ἀρχηγὸσ ἐγένετο τῆσ νίκησ. ἐν δὲ ταῖσ ἐπὶ Λακεδαίμονα στρατείαισ ἑπτὰ μὲν ἡγήσατο μυριάδων, πρὸσ αὐτῇ δὲ τῇ Σπάρτῃ τρόπαιον ἔστησε κατὰ τῶν Λακεδαιμονίων τῶν πάντα τὸν πρὸ τοῦ χρόνον ἀπορθήτων γεγενημένων. πρὸσ δὲ τὸν Περσῶν βασιλέα πρεσβεύσασ ἐν ταῖσ κοιναῖσ ὁμολογίαισ τὴν Μεσσήνην κατ’ ἰδίαν παρέλαβεν, ἣν ἀνάστατον οὖσαν ἔτη τριακόσια Θηβαῖοι πάλιν ἀποκατέστησαν.

ἐπὶ τελευτῆσ δὲ διαγωνισάμενοσ πρὸσ Ἀλέξανδρον ἔχοντα πολλαπλασίονα δύναμιν οὐ μόνον ἐπιφανῶσ ἐνίκησεν, ἀλλὰ καὶ τὸν θάνατον ἔσχεν ἐπ’ ἀρετῇ περιβόητον. πρὸσ δὲ τοὺσ πολίτασ οὕτω καλῶσ διετέθη, ὥστε ἀπὸ τῆσ εἰσ τὰσ Θήβασ καθόδου τῶν φυγάδων μέχρι τῆσ ἑαυτοῦ τελευτῆσ βοιωταρχῶν πάντα τὸν χρόνον διετέλεσε, μηδενὸσ ἄλλου τῶν πολιτῶν ταύτησ ἠξιωμένου τῆσ τιμῆσ.

Πελοπίδασ μὲν οὖν, διὰ τὴν ἰδίαν ἀρετὴν ὑπὸ πάντων ἀποδοχῆσ ἠξιωμένοσ, ἐχέτω καὶ παρ’ ἡμῶν τὸν διὰ τῆσ ἱστορίασ ἔπαινον. κατὰ δὲ τοὺσ αὐτοὺσ χρόνουσ Κλέαρχοσ, τὸ γένοσ ὢν ἐξ Ἡρακλείασ τῆσ ἐν τῷ Πόντῳ, ἐπέθετο τυραννίδι·

κρατήσασ δὲ τῆσ ἐπιβολῆσ ἐζήλωσε μὲν τὴν διαγωγὴν τὴν Διονυσίου τοῦ Συρακοσίων τυράννου, τυραννεύσασ δὲ τῶν Ἡρακλεωτῶν ἐπιφανῶσ ἦρξεν ἔτη δώδεκα. ἅμα δὲ τούτοισ πραττομένοισ Τιμόθεοσ ὁ Ἀθηναίων στρατηγὸσ ἔχων δύναμιν πεζήν τε καὶ ναυτικὴν Τορώνην μὲν καὶ Ποτίδαιαν πολιορκήσασ εἷλε, Κυζικηνοῖσ δὲ πολιορκουμένοισ ἐβοήθησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 81

(디오도로스 시켈로스, Library, book xv, chapter 81)

상위

목록

SEARCH

MENU NAVIGATION