호흡부호 보기
강세부호 보기
장단부호 보기
작은 Iota 보기
모든 부호 보기
ἐκάλουν δ’ ἀπόνιπτρον τὸ ἀπόνιμμα τῶν χειρῶν καὶ τῶν ποδῶν. Ἀριστοφάνησ· ὥσπερ ἀπόνιπτρον ἐκχέοντεσ ἑσπέρασ. ἴσωσ δὲ καὶ τὴν λεκάνην οὕτωσ ἔλεγον, ἐν ᾧ τρόπῳ καὶ χειρόνιπτρον. ἰδίωσ δὲ καλεῖται παρ’ Ἀθηναίοισ ἀπόνιμμα ἐπὶ τῶν εἰσ τιμὴν τοῖσ νεκροῖσ γινομένων καὶ ἐπὶ τῶν τοὺσ ἐναγεῖσ καθαιρόντων, ὡσ καὶ Ἀντικλείδησ ἐν τῷ ἐπιγραφομένῳ Ἐξηγητικῷ. προθεὶσ γὰρ περὶ ἐναγισμῶν γράφει τάδε· "ὄρυξαι βόθυνον πρὸσ ἑσπέραν τοῦ σήματοσ, ἔπειτα στὰσ παρὰ τὸν βόθυνον πρὸσ ἑσπέραν βλέπε, ὕδωρ κατάχεε λέγων τάδε· "ὑμῖν ἀπόνιμμα οἷσ χρὴ καὶ οἷσ θέμισ, ἔπειτα αὖθισ μύρον κατάχεε. "ἔπειτα ἀπονιψάμενοσ αὐτὸσ καὶ οἱ ἄλλοι οἱ σπλαγχνεύοντεσ ὕδωρ λαβὼν κάθαιρε, ἀπόνιζε τὸ αἷμα τοῦ καθαιρομένου καὶ μετὰ ταῦτα τὸ ἀπόνιμμα ἀνακινήσασ εἰσ ταὐτὸ ἔγχεε.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기