Athenaeus, The Deipnosophists, Book 9, book 9, chapter 71 3:

(아테나이오스, The Deipnosophists, Book 9, book 9, chapter 71 3:)

"οὐκ ὢν ’λαβάργυροσ2ὡρολογητὴσ’ κατὰ τὸν Τίμωνοσ Πρόδικον λέξω τὰ περὶ τοῦ Ἡγήμονοσ. "χαμαιλέων ὁ Ποντικὸσ ἐν ἕκτῳ περὶ τῆσ ἀρχαίασ κωμῳδίασ ι Ἡγήμων φησίν, ’ ὁ Θάσιοσ ὁ τὰσ παρῳδίασ γράψασ πρῶτοσ Φακῆ ἐπεκαλεῖτο καὶ ἐποίησεν ἔν τινι τῶν παρῳδιῶν ταῦτά μοι ὁρμαίνοντι παρίστατο Παλλὰσ Ἀθήνη, χρυσῆν ῥάβδον ἔχουσα, καὶ ἤλασεν εἶπέ τε μῦθον. "δεινὰ παθοῦσα, Φακῆ βδελυρή, χώρει ’σ τὸν ἀγῶνα. "καὶ τότ’ ἐγὼ ’ θάρσησα. "εἰσῆλθε δέ ποτε καὶ εἰσ τὸ θέατρον διδάσκων κωμῳδίαν λίθων ἔχων πλῆρεσ τὸ ἱμάτιον, οὓσ βάλλων εἰσ τὴν ὀρχήστραν διαπορεῖν ἐποίησε τοὺσ θεατάσ. καὶ ὀλίγον διαλιπὼν εἶπε· "λίθοι μὲν οἵδε· "βαλλέτω δ’ εἴ τισ θέλει· "ἀγαθὸν δὲ κἀν χειμῶνι κἀν θέρει φακῆ. εὐδοκίμει δ’· "ὁ ἀνὴρ μάλιστα ἐν ταῖσ παρῳδίαισ καὶ περιβόητοσ ἦν λέγων τὰ ἔπη πανούργωσ καὶ ὑποκριτικῶσ καὶ διὰ ταῦτα σφόδρα παρὰ τοῖσ Ἀθηναίοισ εὐδοκίμει. "ἐν δὲ τῇ Γιγαντομαχίᾳ οὕτω σφόδρα τοὺσ Ἀθηναίουσ ἐκήλησεν, ὡσ ἐν ἐκείνῃ τῇ ἡμέρᾳ πλεῖστα αὐτοὺσ γελάσαι, καίτοι ἀγγελθέντων αὐτοῖσ ἐν τῷ θεάτρῳ τῶν γενομένων περὶ Σικελίαν ἀτυχημάτων. "οὐδεὶσ οὖν ἀνέστη καίτοι σχεδὸν πᾶσι τῶν οἰκείων ἀπολωλότων. "ἔκλαιον οὖν ἐγκαλυψάμενοι, οὐκ ἀνέστησαν δ’, ἵνα μὴ γένωνται διαφανεῖσ τοῖσ ἀπὸ τῶν ἄλλων πόλεων θεωροῦσιν ἀχθόμενοι τῇ συμφορᾷ· "διέμειναν δ’ ἀκροώμενοι καίτοι καὶ αὐτοῦ τοῦ Ἡγήμονοσ, ὡσ ἤκουσε, σιωπᾶν διεγνωκότοσ. "καθ’ ὃν δὲ χρόνον θαλασσοκρατοῦντεσ ’ͅ Ἀθηναῖο ι ἀνῆγον εἰσ ἄστυ τὰσ νησιωτικὰσ δίκασ γραψάμενόσ τισ καὶ τὸν Ἡγήμονα δίκην ἤγαγεν εἰσ τὰσ Ἀθήνασ, ὁ δὲ παραγενόμενοσ καὶ συναγαγὼν τοὺσ περὶ τὸν Διόνυσον τεχνίτασ προσῆλθε μετ’ αὐτῶν Ἀλκιβιάδῃ βοηθεῖν ἀξιῶν. ὁ δὲ θαρρεῖν παρακελευσάμενοσ εἰπών τε πᾶσιν ἕπεσθαι ἧκεν εἰσ τὸ Μητρῷον, ὅπου τῶν δικῶν ἦσαν αἱ γραφαί, καὶ βρέξασ τὸν δάκτυλον ἐκ τοῦ στόματοσ διήλειψε τὴν δίκην τοῦ Ἡγήμονοσ. "ἀγανακτοῦντεσ δ’ ὅ τε γραμματεὺσ καὶ ὁ ἄρχων τὰσ ἡσυχίασ ἤγαγον δι’ Ἀλκιβιάδην, φυγόντοσ δι’ εὐλάβειαν καὶ τοῦ τὴν δίκην γραψαμένου . ’ αὕτη παρ’ ἡμῶν, Οὐλπιανέ, ἡ βαλλητύσ. σὺ δ’ ὅταν βουληθῇσ ἐρεῖσ περὶ τῆσ Ἐλευσῖνι.

일치하는 문장이 없습니다.

SEARCH

MENU NAVIGATION