헬라어 문장 검색 - ΑτηενάΤηεΔειπ

(아테나이오스, The Deipnosophists, Book 9, book 9, chapter 64)

σύοσ δὲ ἀγρίου ἐπεισενεχθέντοσ, ὃσ κατ’ οὐδὲν ἦν ἐλάττων τοῦ καλοῦ γραφομένου Καλυδωνίου. "σοὶ ζητεῖν, φροντιστὰ καὶ λογιστὰ Οὐλπιανέ, τίσ ἱστόρηκε τὸν Καλυδώνιον σῦν θήλειάν τε γεγονέναι καὶ λευκὸν τὴν χρόαν. "ἄνδρεσ γάστρωνεσ, εἰ μὴ κόρον ἤδη ἔχετε τοσούτων ἐμπλησθέντεσ, ὑπερβάλλειν μοι δοκεῖτε πάντασ τοὺσ ἐπὶ πολυφαγίᾳ διαβοήτουσ γενομένουσ· "καὶ τίνεσ εἰσὶν οὗτοι ζητεῖτε, προφέρεσθαι δὲ δίκαιόν ἐστιν ὑμᾶσ σὺν τῷ σ σῦσ ἐτυμώτερον παρὰ τὸ σεύεσθαι γὰρ καὶ ὁρμητικῶσ ἔχειν τὸ ζῷον εἴρηται. "τέτριπται δὲ καὶ τὸ λέγειν χωρὶσ τοῦ κατ’ ἀρχὰσ σ ὗσ. οἱ δὲ σῦν εἰρῆσθαι οἱονεὶ θῦν, τὸν εἰσ θυσίαν εὐθετοῦντα, νῦν δέ, εἰ δοκεῖ, ἀποκρίνασθέ μοι τίσ μνημονεύει κατὰ τὸ σύνθετον ὁμοίωσ ἡμῖν συάγρου ἐπὶ τοῦ συὸσ τοῦ ἀγρίου. "Σοφοκλῆσ μὲν γὰρ ἐν Ἀχιλλέωσ Ἐρασταῖσ ἐπὶ κυνὸσ ἔταξε τοὔνομα ἀπὸ τοῦ σῦσ ἀγρεύειν, λέγων σὺ δ’, ὦ Σύαγρε, Πηλιωτικὸν τρέφοσ· "παρ’ Ἡροδότῳ δὲ ὄνομα κύριον Σύαγροσ Λάκων γένοσ, ὁ πρὸσ Γέλωνα τὸν Συρακόσιον πρεσβεύσασ περὶ τῆσ πρὸσ τοὺσ Μήδουσ συμμαχίασ ἐν τῇ ἐβδόμῃ. καὶ Αἰτωλῶν δὲ οἶδα στρατηγὸν Σύαγρον, οὗ μνημονεύει Φύλαρχοσ ἐν τετάρτῃ ἱστοριῶν. καὶ ὁ Δημόκριτοσ ἔφη· "ἀεί ποτε σύ, ὦ Οὐλπιανέ, οὐδενὸσ μεταλαμβάνειν εἰώθασ τῶν παρασκευαζομένων πρὶν μαθεῖν εἰ ἡ χρῆσισ μὴ εἰή τῶν ὀνομάτων παλαιά, κινδυνεύεισ οὖν ποτε διὰ ταύτασ τὰσ φροντίδασ ὥσπερ ὁ Κῷοσ Φιλίτασ ζητῶν τὸν καλούμενον ψευδολόγον τῶν λόγων ὁμοίωσ ἐκείνῳ ἀφαυανθῆναι. "ἰσχνὸσ γὰρ πάνυ τὸ σῶμα διὰ τὰσ ζητήσεισ γενόμενοσ ἀπέθανεν, ὡσ τὸ πρὸ τοῦ μνημείου αὐτοῦ ἐπίγραμμα δηλοῖ· "ξεῖνε, Φιλίτασ εἰμί. λόγων ὁ ψευδόμενόσ με ὤλεσε καἰνικτῶν φροντίδεσ ἑσπέριοι. "ἵν’ οὖν μὴ καὶ σὺ ζητῶν τὸν σύαγρον ἀφαυανθῇσ, μάθε ὅτι Ἀντιφάνησ μὲν ἐν Ἁρπαζομένῃ οὕτωσ ὠνόμασε· "λαβὼν ἐπανάξω σύαγρον εἰσ τὴν οἰκίαν τῆσ νυκτὸσ αὐτῆσ καὶ λέοντα καὶ λύκον. "Διονύσιοσ δὲ ὁ τύραννοσ ἐν τῷ Ἀδώνιδι· "νυμφῶν ὑπὸ σπήλυγγα τόνδ’ αὐτόστεγον σύαγρον ἐκβόλειον εὔθηρον κυσίν, ὁπλάσ τ’ ἀπαρχὰσ ἀκροθινιάζομαι. "Λυγκεὺσ δ’ ὁ Σάμιοσ ἐν τῇ πρὸσ Ἀπολλόδωρον ἐπιστολῇ γράφει οὕτωσ · "ἵνα τὰ μὲν αἴγεια τοῖσ παισί, τὰ δὲ συάγρεια μετὰ τῶν φίλων αὐτὸσ ἔχῃσ. ’ καὶ Ἱππόλοχοσ δὲ ὁ Μακεδών, οὗ ἐμνημονεύσαμεν ἐν τοῖσ πρὸ τούτων, ἐν τῇ πρὸσ τὸν προειρημένον Λυγκέα ἐπιστολῇ ἐμνήσθη συάγρων πολλῶν. ἐπεὶ δὲ σὺ καὶ τὸ προβληθέν σοι ἀποπροσπεποίησαι περὶ τῆσ χρόασ τοῦ Καλυδωνίου συόσ, εἴ τισ αὐτὸν ἱστορεῖ λευκὸν τὴν χρόαν γεγονότα, ἐροῦμεν ἡμεῖσ τὸν εἰπόντα· "τὸ δὲ μαρτύριον ἀνίχνευσον σύ. πάλαι γὰρ τυγχάνω ἀνεγνωκὼσ τοὺσ Κλεομένουσ τοῦ Ῥηγίνου διθυράμβουσ, ὧν ἐν τῷ ἐπιγραφομένῳ Μελεάγρῳ τοῦτο ἱστόρηται. "οὐκ ἀγνοῶ δ’ ὅτι οἱ περὶ τὴν Σικελίαν κατοικοῦντεσ ἀσχέδωρον καλοῦσι τὸν σύαγρον. "Αἰσχύλοσ γοῦν ἐν Φορκίσι παρεικάζων τὸν Περσέα τῷ ἀγρίῳ τούτῳ συί φησιν ἔδυ δ’ ἐσ ἄντρον ἀσχέδωροσ ὥσ. καὶ Σκίρασ εἷσ δ’ ἐστὶν οὗτοσ τῆσ Ἰταλικῆσ καλουμένησ κωμῳδίασ ποιητήσ, γένοσ Ταραντῖνοσ ἐν Μελεάγρῳ φησὶν ἔνθ’ οὔτε ποιμὴν ἀξιοῖ νέμειν βοτὰ οὔτε ἀσχέδωροσ νεμόμενοσ καπρώζεται. "ὅτι δὲ Αἰσχύλοσ διατρίψασ ἐν Σικελίᾳ πολλαῖσ κέχρηται φωναῖσ Σικελικαῖσ οὐδὲν θαυμαστόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 9, book 9, chapter 64

(아테나이오스, The Deipnosophists, Book 9, book 9, chapter 64)

상위

목록

SEARCH

MENU NAVIGATION