호흡부호 보기
강세부호 보기
장단부호 보기
작은 Iota 보기
모든 부호 보기
λαγὼσ, περὶ τούτου ὁ μὲν ὀψοδαίδαλοσ Ἀρχέστρατοσ οὕτωσ φησί· τοῦ δὲ λαγὼ πολλοί τε τρόποι πολλαί τε θέμιστεσ σκευασίασ εἰσίν. κεῖνοσ δ’ οὖν ἐστιν ἄριστοσ, ἂν πίνουσι μεταξὺ φέρῃσ κρέασ ὀπτὸν ἑκάστῳ, θερμόν, ἁπλῶσ ἁλίπαστον, ἀφαρπάζων ὀβελίσκου μικρὸν ἐνωμότερον. μὴ λυπείτω δὲ σ1’ ὁρῶντα ἰχῶρα στάζοντα κρεῶν, ἀλλ’ ἔσθιε λάβρωσ. αἱ δ’ ἄλλαι περίεργοι ἔμοιγ’ εἰσὶν διὰ παντὸσ σκευασίαι γλοιῶν καταχύσματα καὶ κατάτυρα καὶ κατέλαια λίαν, ὥσπερ γαλεοψοποιούντων. Ναυσικράτησ δ’ ὁ κωμῳδιοποιὸσ ἐν Περσίδι σπανίωσ, φησίν, ἔστιν εὑρεῖν δασύποδα περὶ τὴν Ἀττικήν· λέγει δὲ ὧδε·
ἐν τῇ γὰρ Ἀττικῇ τίσ εἶδε πώποτε λέοντασ ἢ τοιοῦτον ἕτερον θηρίον; οὗ δασύποδ’ εὑρεῖν ἐστιν οὐχὶ ῥᾴδιον. Ἀλκαῖοσ δ’ ἐν Καλλιστοῖ καὶ ὡσ πολλῶν ὄντων ἐμφανίζει διὰ τούτων κορίαννον ἵνα τί λεπτόν; β. ἵνα τοὺσ δασύποδασ οὓσ ἂν λάβωμεν ἁλσὶ διαπάττειν ἔχῃσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기