헬라어 문장 검색 - ΑτηενάΤηεΔειπ

(아테나이오스, The Deipnosophists, Book 9, book 9, chapter 51)

ὁ δὲ Μύνδιοσ Ἀλέξανδροσ οὐ πίνειν φησὶ τὴν φάσσαν ἀνακύπτουσαν ὡσ τὴν τρυγόνα καὶ τοῦ χειμῶνοσ μὴ φθέγγεσθαι, εἰ μὴ εὐδίασ γενομένησ. λέγεται δὲ ὅτι ἡ οἰνὰσ ἐὰν φαγοῦσα τὸ τῆσ ἰξίασ σπέρμα ἐπί τινοσ ἀφοδεύσῃ δένδρου, νέαν ἰξίαν φύεσθαι. Δαίμαχοσ δ’ ἐν τοῖσ Ἰνδικοῖσ ἱστορεῖ περιστερὰσ μηλίνασ γίνεσθαι ἐν Ἰνδοῖσ. Χάρων δ’ ὁ Λαμψακηνὸσ ἐν τοῖσ Περσικοῖσ περὶ Μαρδονίου ἱστορῶν καὶ τοῦ διαφθαρέντοσ στρατοῦ Περσικοῦ περὶ τὸν Ἄθω γράφει καὶ ταῦτα· · "καὶ λευκαὶ περιστεραὶ τότε πρῶτον εἰσ Ἕλληνασ ἐφάνησαν, πρότερον οὐ γιγνόμεναι. ὁ δ’ Ἀριστοτέλησ φησὶν ὡσ αἱ περιστεραὶ γινομένων τῶν νεοττῶν τῆσ ἁλμυριζούσησ γῆσ διαμασησάμεναι ἐμπτύουσιν αὐτοῖσ διοιγνῦσαι τὸ στόμα, διὰ τούτου παρασκευάζουσαι αὐτοὺσ πρὸσ τὴν τροφήν. τῆσ δὲ Σικελίασ ἐν Ἔρυκι καιρόσ τισ ἐστίν, ὃν καλοῦσιν Ἀναγωγάσ, ἐν ᾧ φασι τὴν θεὸν εἰσ Λιβύην ἀνάγεσθαι. τότ’ οὖν αἱ περὶ τὸν τόπον περιστεραὶ ἀφανεῖσ γίνονται ὡσ δὴ τῇ θεῷ συναποδημοῦσαι. καὶ μεθ’ ἡμέρασ ἐννέα ἐν τοῖσ λεγομένοισ Καταγωγίοισ μιᾶσ προπετασθείσησ ἐκ τοῦ πελάγουσ περιστερᾶσ καὶ εἰσ τὸν νεὼν εἰσπτάσησ παραγίνονται καὶ αἱ λοιπαί. ὅσοι οὖν τότε περιουσίασ εὖ ἥκουσι τῶν περιοίκων εὐωχοῦνται, οἱ δὲ λοιποὶ κροταλίζουσιν μετὰ χαρᾶσ, ὄζει τε πᾶσ ὁ τόποσ τότε βούτυρον, ᾧ δὴ τεκμηρίῳ χρῶνται τῆσ θείασ ἐπανόδου. Αὐτοκράτησ ἐν τοῖσ Ἀχαικοῖσ καὶ τὸν Δία ἱστορεῖ μεταβαλεῖν τὴν μορφὴν εἰσ περιστερὰν ἐρασθέντα παρθένου Φθίασ ὄνομα ἐν Αἰγίῳ.

Ἀττικοὶ δὲ ἀρσενικῶσ περιστερὸν καλοῦσιν. Ἄλεξισ Συντρέχουσιν λευκὸσ Ἀφροδίτησ εἰμὶ γὰρ περιστερόσ, ὁ δὲ Διόνυσοσ οἶδε τὸ μεθύσαι μόνον εἰ δὲ νέον ἢ παλαιόν, οὐ πεφρόντικεν. ἐν δὲ Δορκίδι ἢ Ποππυζούσῃ θηλυκῶσ εἴρηκε καὶ ὅτι αἱ Σικελικαὶ διάφοροί εἰσι περιστερὰσ ἔνδον τρέφω τῶν Σικελικῶν τούτων πάνυ κομψάσ.

Φερεκράτησ ἐν Γραυσί φησιν ἀπόπεμψον ἀγγέλλοντα τὸν περιστερόν. ἐν δὲ Πετάλῃ· ἀλλ’, ὦ περιστέριον, ὅμοιον Κλεισθένει, πέτου, κόμισον δὲ μ’ ἐσ Κύθηρα καὶ Κύπρον.

Νίκανδροσ δὲ ἐν δευτέρῳ Γεωργικῶν τῶν Σικελικῶν μνημονεύων πελειάδων φησί· καί τε σύ γε θρέψαιο Δρακοντιάδασ διτοκεύσασ ἢ Σικελὰσ μεγάροισι πελειάδασ· οὐδὲ φιν ἁρ́παι οὐδ’ ὄφισ ὀστρακέοισ λωβήσιμοι ἐξενέπονται, νῆτται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 9, book 9, chapter 51

(아테나이오스, The Deipnosophists, Book 9, book 9, chapter 51)

상위

목록

SEARCH

MENU NAVIGATION