Athenaeus, The Deipnosophists, Book 9, book 9, chapter 49

(아테나이오스, The Deipnosophists, Book 9, book 9, chapter 49)

οὐκ ἀπελείποντο δὲ ἡμῶν τοῦ συμποσίου πολλάκισ οὐδὲ κύκνοι, περὶ ὧν φησιν ὁ Ἀριστοτέλησ· · "ὁ κύκνοσ εὔτεκνόσ ἐστι καὶ μάχιμοσ· "ἀλληλοκτονεῖ γοῦν ὁ μάχιμοσ, μάχεται δὲ καὶ τῷ ἀετῷ, αὐτὸσ μάχησ μὴ προαρξάμενοσ. "εἰσὶ δ’ ᾠδικοὶ καὶ μάλιστα περὶ τὰσ τελευτάσ. διαίρουσι δὲ καὶ τὸ πέλαγοσ ᾄδοντεσ. "ἐστὶν δὲ τῶν στεγανοπόδων καὶ ποηφάγων. ὁ δὲ Μύνδιόσ φησιν Ἀλέξανδροσ πολλοῖσ τελευτῶσιν παρακολουθήσασ οὐκ ἀκοῦσαι ᾀδόντων. ὁ δὲ τὰ Κεφαλίωνοσ ἐπιγραφόμενα Τρωικὰ συνθεὶσ Ἡγησιάναξ ὁ Ἀλεξανδρεὺσ καὶ τὸν Ἀχιλλεῖ μονομαχήσαντα Κύκνον φησὶ τραφῆναι ἐν Λευκόφρυι πρὸσ τοῦ ὁμωνύμου ὄρνιθοσ. Βοῖοσ δ’ ἐν Ὀρνιθογονίᾳ ἢ Βοιώ, ὥσ φησι Φιλόχοροσ, ὑπὸ Ἄρεωσ τὸν Κύκνον ὀρνιθωθῆναι καὶ παραγενόμενον ἐπὶ τὸν Σύβαριν ποταμὸν πλησιάσαι γεράνῳ.

λέγει δὲ καὶ ἐντίθεσθαι αὐτὸν τῇ νεοττιᾷ πόαν τὴν λεγομένην λυγέαν. καὶ περὶ τῆσ γεράνου δέ φησιν ὁ Βοῖοσ ὅτι ἦν τισ παρὰ τοῖσ Πυγμαίοισ γυνὴ διάσημοσ, ὄνομα Γεράνα. αὕτη κατὰ θεὸν τιμωμένη πρὸσ τῶν πολιτῶν αὐτὴ τοὺσ ὄντωσ θεοὺσ ταπεινῶσ ἦγε, μάλιστα δὲ Ἥραν τε καὶ Ἄρτεμιν. ἀγανακτήσασα οὖν ἡ Ἥρα εἰσ ἀπρεπῆ τὴν ὄψιν ὄρνιν μετεμόρφωσε πολέμιόν τε καὶ στυγητὴν κατέστησε τοῖσ τιμήσασιν αὐτὴν Πυγμαίοισ, γενέσθαι τε λέγει ἐξ αὐτῆσ καὶ Νικοδάμαντοσ τὴν χερσαίαν χελώνην.

καθόλου δὲ ὁ ποιήσασ ταῦτα τὰ ἔπη πάντα τὰ ὄρνεα ἀνθρώπουσ ἱστορεῖ πρότερον γεγονέναι.

일치하는 문장이 없습니다.

SEARCH

MENU NAVIGATION