헬라어 문장 검색 - ΑτηενάΤηεΔειπ

(아테나이오스, The Deipnosophists, Book 9, book 9, chapter 46)

ἐπεὶ δ’ ἐν τῷ περὶ τῶν περδίκων λόγῳ ἐμνήσθημεν ὅτι εἰσὶν ὀχευτικώτατοι, προσιστορήσθω ὅτι καὶ ἀλεκτρυὼν ἀφροδισιαστικὸν τὸ ὄρνεον. Ἀριστοτέλησ γοῦν φησιν ὅτι τῶν ἀνατιθεμένων ἐν τοῖσ ἱεροῖσ ἀλεκτρυόνων τὸν ἀνατεθέντα οἱ προόντεσ ὀχεύουσι μέχρι ἂν ἄλλοσ ἀνατεθῇ· εἰ δὲ μὴ ἀνατεθείη, μάχονται πρὸσ ἀλλήλουσ καὶ ὁ ἡττήσασ τὸν ἡττηθέντα διὰ παντὸσ ὀχεύει. ἱστορεῖται δὲ ὅτι καὶ ἀλεκτρυὼν εἰσιὼν οἱανδήποτε θύραν ἐπικλίνει τὸν λόφον καὶ ὅτι τῆσ ὀχείασ ἑτέρῳ δίχα μάχησ οὐ παραχωρεῖ, ὁ δὲ Θεόφραστοσ τοὺσ ἀγρίουσ φησὶν ὀχευτικωτέρουσ εἶναι τῶν ἡμέρων, λέγει δὲ καὶ τοὺσ ἄρρενασ εὐθὺσ ἐξ εὐνῆσ ἐθέλειν πλησιάζειν, τὰσ δὲ θηλείασ προβαινούσησ μᾶλλον τῆσ ἡμέρασ, καὶ οἱ στρουθοὶ δὲ εἰσιν ὀχευτικοί· διὸ καὶ Τερψικλῆσ τοὺσ ἐμφαγόντασ φησὶν στρουθῶν ἐπικαταφόρουσ πρὸσ ἀφροδίσια γίνεσθαι. μήποτε οὖν καὶ ἡ Σαπφὼ ἀπὸ τῆσ ἱστορίασ τὴν Ἀφροδίτην ἐπ’ αὐτῶν φησιν ὀχεῖσθαι·

καὶ γὰρ ὀχευτικὸν τὸ ζῷον καὶ πολύγονον. τίκτει γοῦν ὁ στρουθόσ, ὥσ φησιν Ἀριστοτέλησ, καὶ μέχρι ὀκτώ. Ἀλέξανδροσ δ’ ὁ Μύνδιοσ δύο γένη φησὶν εἶναι τῶν στρουθῶν, τὸ μὲν ἥμερον, τὸ δ’ ἄγριον τὰσ δὲ θηλείασ αὐτῶν ἀσθενεστέρασ τὰ τ’ ἄλλα εἶναι καὶ τὸ ῥύγχοσ κερατοειδὲσ μᾶλλον τὴν χρόαν, τὸ δὲ πρόσωπον οὔτε λίαν λευκὸν ἐχούσασ οὔτε μέλαν Ἀριστοτέλησ δέ φησι τοὺσ ἄρρενασ τῷ χειμῶνι ἀφανίζεσθαι, διαμένειν δὲ τὰσ θηλείασ, τεκμαιρόμενοσ ἐκ τῆσ χρόασ τὴν πιθανότητα· ἀλλάττεσθαι γὰρ ὡσ τῶν κοσσύφων καὶ φαλαρίδων, ἀπολευκαινομένων κατὰ καιρούσ.

Ἠλεῖοι δὲ καλοῦσι τοὺσ στρουθοὺσ δειρήτασ, ὡσ Νίκανδρόσ φησιν ὁ Κολοφώνιοσ ἐν τρίτῳ Γλωσσῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 9, book 9, chapter 46

(아테나이오스, The Deipnosophists, Book 9, book 9, chapter 46)

상위

목록

SEARCH

MENU NAVIGATION