호흡부호 보기
강세부호 보기
장단부호 보기
작은 Iota 보기
모든 부호 보기
καλοῦνται δ’ οἱ πέρδικεσ ὑπ’ ἐνίων κακκάβαι, ὡσ καὶ ὑπ’ Ἀλκμᾶνοσ λέγοντοσ οὕτωσ· ἔπη δὲ γε καὶ μέλοσ Ἀλκμὰν εὑρ͂ε γεγλωσσάμενον· κακκαβίδων στόμα συνθέμενοσ, σαφῶσ ἐμφανίζων ὅτι παρὰ τῶν περδίκων ᾄδειν ἐμάνθανε. διὸ καὶ Χαμαιλέων ὁ Ποντικὸσ ἔφη· "τὴν εὑρ́εσιν τῆσ μουσικῆσ τοῖσ ἀρχαίοισ ἐπινοηθῆναι ἀπὸ τῶν ἐν ταῖσ ἐρημίαισ ᾀδόντων ὀρνίθων ὧν κατὰ μίμησιν λαβεῖν στάσιν τὴν μουσικήν. "ἐπὶ τάδε πέρδικεσ τοῦ Κορυδαλλοῦ πρὸσ τὸ ἄστυ κακκαβίζουσιν, οἱ δ’ ἐπέκεινα τιττυβίζουσιν. "ἄνδρεσ οἱ ταῖσ γεράνοισ διαπολεμοῦντεσ πέρδιξιν ὀχήματι χρῶνται. "τοῖσ πέρδιξι καὶ ταῖσ γεράνοισ πολεμοῦσι. τῶν δὲ περδίκων ἐστὶν ἕτερον γένοσ ἐν Ἰταλίᾳ ἀμαυρὸν τῇ πτερώσει καὶ μικρότερον τῇ ἕξει, τὸ ῥύγχοσ οὐχὶ κινναβάρινον ἔχον. οἱ δὲ περὶ τὴν Κίρραν πέρδικεσ ἄβρωτον ἔχουσι τὸ κρέασ διὰ τὰσ νομάσ. οἱ δὲ περὶ τὴν Βοιωτίαν ἢ οὐ διαβαίνουσιν εἰσ τὴν Ἀττικὴν ἢ διαβαίνοντεσ τῇ φωνῇ διάδηλοι γίγνονται, καθάπερ προειρήκαμεν. τοὺσ δὲ περὶ Παφλαγονίαν γιγνομένουσ πέρδικάσ φησι Θεόφραστοσ δύο ἔχειν καρδίασ, οἱ δ’ ἐν Σκιάθῳ τῇ νήσῳ κοχλίασ ἐσθίουσι.
τίκτουσι δ’ ἐνίοτε καὶ πεντεκαίδεκα καὶ ισ’. πέτονται δὲ ἐπὶ βραχύ, ὥσ φησι Ξενοφῶν ἐν πρώτῳ Ἀναβάσεωσ γράφων οὕτωσ · "τὰσ δὲ ὠτίδασ ἄν τισ ταχὺ ἀνιστῇ ἔστι. λαμβάνειν πέτονταί τε γὰρ βραχὺ ὥσπερ οἱ πέρδικεσ καὶ ταχὺ ἀπαγορεύουσι.
τὰ δὲ κρέα αὐτῶν ἡδέα ἐστίν. ἀληθῆ λέγειν φησὶ τὸν Ξενοφῶντα ὁ Πλούταρχοσ περὶ τῶν ὠτίδων φέρεσθαι γὰρ πάμπολλα τὰ ζῷα ταῦτα εἰσ τὴν Ἀλεξάνδρειαν ἀπὸ τῆσ παρακειμένησ Λιβύησ, τῆσ θήρασ αὐτῶν τοιαύτησ γινομένησ, μιμητικὸν δέ ἐστι τὸ ζῷον τοῦτο, ὁ ὦτοσ, μάλιστα ὧν ἂν ἴδῃ ποιοῦντα ἄνθρωπον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기