헬라어 문장 검색 - ΑτηενάΤηεΔειπ

(아테나이오스, The Deipnosophists, Book 9, book 9, chapter 43)

καλοῦνται δ’ οἱ πέρδικεσ ὑπ’ ἐνίων κακκάβαι, ὡσ καὶ ὑπ’ Ἀλκμᾶνοσ λέγοντοσ οὕτωσ· ἔπη δὲ γε καὶ μέλοσ Ἀλκμὰν εὑρ͂ε γεγλωσσάμενον· κακκαβίδων στόμα συνθέμενοσ, σαφῶσ ἐμφανίζων ὅτι παρὰ τῶν περδίκων ᾄδειν ἐμάνθανε. διὸ καὶ Χαμαιλέων ὁ Ποντικὸσ ἔφη· "τὴν εὑρ́εσιν τῆσ μουσικῆσ τοῖσ ἀρχαίοισ ἐπινοηθῆναι ἀπὸ τῶν ἐν ταῖσ ἐρημίαισ ᾀδόντων ὀρνίθων ὧν κατὰ μίμησιν λαβεῖν στάσιν τὴν μουσικήν. "ἐπὶ τάδε πέρδικεσ τοῦ Κορυδαλλοῦ πρὸσ τὸ ἄστυ κακκαβίζουσιν, οἱ δ’ ἐπέκεινα τιττυβίζουσιν. "ἄνδρεσ οἱ ταῖσ γεράνοισ διαπολεμοῦντεσ πέρδιξιν ὀχήματι χρῶνται. "τοῖσ πέρδιξι καὶ ταῖσ γεράνοισ πολεμοῦσι. τῶν δὲ περδίκων ἐστὶν ἕτερον γένοσ ἐν Ἰταλίᾳ ἀμαυρὸν τῇ πτερώσει καὶ μικρότερον τῇ ἕξει, τὸ ῥύγχοσ οὐχὶ κινναβάρινον ἔχον. οἱ δὲ περὶ τὴν Κίρραν πέρδικεσ ἄβρωτον ἔχουσι τὸ κρέασ διὰ τὰσ νομάσ. οἱ δὲ περὶ τὴν Βοιωτίαν ἢ οὐ διαβαίνουσιν εἰσ τὴν Ἀττικὴν ἢ διαβαίνοντεσ τῇ φωνῇ διάδηλοι γίγνονται, καθάπερ προειρήκαμεν. τοὺσ δὲ περὶ Παφλαγονίαν γιγνομένουσ πέρδικάσ φησι Θεόφραστοσ δύο ἔχειν καρδίασ, οἱ δ’ ἐν Σκιάθῳ τῇ νήσῳ κοχλίασ ἐσθίουσι.

τίκτουσι δ’ ἐνίοτε καὶ πεντεκαίδεκα καὶ ισ’. πέτονται δὲ ἐπὶ βραχύ, ὥσ φησι Ξενοφῶν ἐν πρώτῳ Ἀναβάσεωσ γράφων οὕτωσ · "τὰσ δὲ ὠτίδασ ἄν τισ ταχὺ ἀνιστῇ ἔστι. λαμβάνειν πέτονταί τε γὰρ βραχὺ ὥσπερ οἱ πέρδικεσ καὶ ταχὺ ἀπαγορεύουσι.

τὰ δὲ κρέα αὐτῶν ἡδέα ἐστίν. ἀληθῆ λέγειν φησὶ τὸν Ξενοφῶντα ὁ Πλούταρχοσ περὶ τῶν ὠτίδων φέρεσθαι γὰρ πάμπολλα τὰ ζῷα ταῦτα εἰσ τὴν Ἀλεξάνδρειαν ἀπὸ τῆσ παρακειμένησ Λιβύησ, τῆσ θήρασ αὐτῶν τοιαύτησ γινομένησ, μιμητικὸν δέ ἐστι τὸ ζῷον τοῦτο, ὁ ὦτοσ, μάλιστα ὧν ἂν ἴδῃ ποιοῦντα ἄνθρωπον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 9, book 9, chapter 43

(아테나이오스, The Deipnosophists, Book 9, book 9, chapter 43)

상위

목록

SEARCH

MENU NAVIGATION