헬라어 문장 검색 - ΑτηενάΤηεΔειπ

(아테나이오스, The Deipnosophists, Book 9, book 9, chapter 41)

Πέρδιξ. τούτων πολλοὶ μὲν μέμνηνται, ὡσ καὶ Ἀριστοφάνησ, τοῦ δὲ ὀνόματοσ αὐτῶν ἔνιοι συστέλλουσι τὴν μέσην συλλαβήν, ὡσ Ἀρχίλοχοσ · πτώσσουσαν ὥστε πέρδικα. οὕτωσ καὶ ὄρτυγα καὶ χοίνικα, πολὺ δὲ ἐστι τὸ ἐκτεινόμενον παρὰ τοῖσ Ἀττικοῖσ. Σοφοκλῆσ Καμικοῖσ· ὄρνιθοσ ἦλθ’ ἐπώνυμοσ πέρδικοσ ἐν κλεινοῖσ Ἀθηναίων πάγοισ. Φερεκράτησ ἢ ὁ πεποιηκὼσ τὸν Χείρωνα· ἔξεισιν ἄκων δεῦρο πέρδικοσ τρόπον. Φρύνιχοσ Τραγῳδοῖσ·

τὸν Κλεόμβροτόν τε τοῦ Πέρδικοσ υἱόν. τὸ δὲ ζῷον ἐπὶ λαγνείασ συμβολικῶσ παρείληπται, Νικοφῶν ἐν Χειρογάστορσι· τοὺσ ἑψητοὺσ καὶ τοὺσ πέρδικασ ἐκείνουσ. Ἐπίχαρμοσ δ’ ἐν Κωμασταῖσ βραχέωσ· σηπίασ τ’ ἆγον νεούσασ πέρδικάσ τε πετομένουσ. φησὶ δ’ Ἀριστοτέλησ περὶ τοῦ ζῴου τάδε· "ὁ πέρδιξ ἐστὶ μὲν χερσαῖοσ, σχιδανόπουσ, ζῇ δὲ ἔτη πεντεκαίδεκα, ἡ δὲ θήλεια καὶ πλείονα, πολυχρονιώτερα γὰρ ἐν τοῖσ ὄρνισι τῶν ἀρρένων τὰ θήλεα, ἐπῳάζει δὲ καὶ ἐκτρέφει καθάπερ ἡ ἀλεκτορίσ. ὅταν δὲ γνῷ ὅτι θηρεύεται, προελθὼν τῆσ νεοττιᾶσ κυλινδεῖται παρὰ τὰ σκέλη τοῦ θηρεύοντοσ, ἐλπίδα ἐμποιῶν τοῦ συλληφθήσεσθαι, ἐξαπατᾷ τε ἑώσ ἂν ἀποπτῶσιν οἱ νεοττοί· "εἶτα καὶ αὐτὸσ ἐξίπταται. "ἐστὶ δὲ τὸ ζῷον κακόηθεσ καὶ πανοῦργον, ἔτι δὲ ἀφροδισιαστικόν. διὸ καὶ τὰ ᾠὰ τῆσ θηλείασ συντρίβει, ἵνα ἀπολαύῃ τῶν ἀφροδισίων, ὅθεν ἡ θήλεια γιγνώσκουσα ἀποδιδράσκουσα τίκτει. τὰ αὐτὰ ἱστορεῖ καὶ Καλλίμαχοσ ἐν τῷ περὶ ὀρνέων.

μάχονται δὲ καὶ οἱ χῆροι αὐτῶν πρὸσ ἀλλήλουσ καὶ ὁ ἡττηθεὶσ ὀχεύεται ὑπὸ τοῦ νικήσαντοσ Ἀριστοτέλησ , δέ φησιν ὅτι τὸν ἡττηθέντα πάντεσ ἐν μέρει ὀχεύουσιν.

ὀχεύουσι δὲ καὶ οἱ τιθασοὶ τοὺσ ἀγρίουσ, ἐπειδὰν δὲ κρατηθῇ τισ ὑπὸ τοῦ δευτέρου, οὗτοσ λάθρᾳ ὀχεύεται ὑπὸ τοῦ κρατιστεύσαντοσ. γίνεται δὲ τοῦτο κατά τινα ὡρ́αν τοῦ ἔτουσ, ὡσ καὶ ὁ Μύνδιόσ φησιν Ἀλέξανδροσ νεοττεύουσι δὲ ἐπὶ γῆσ οἱ ἄρρενεσ καὶ αἱ θήλειαι, διελόμενοι ἕκαστοι οἶκον. ἐπὶ δὲ τὸν θηρεύοντα πέρδικα ὠθεῖται ὁ τῶν ἀγρίων ἡγεμὼν μαχούμενοσ· ἁλόντοσ δὲ τούτου ἕτεροσ ἔρχεται μαχούμενοσ. καὶ ὁπόταν μὲν ἄρρην ᾖ ὁ θηρεύων, τοῦτο ποιεῖ·

’ ὅταν δὲ θήλεια ᾖ ἡ θηρεύουσα, ᾄδει ἑώσ ἂν ἀπαντήσῃ ὁ ἡγεμὼν αὐτῇ, καὶ οἱ ἄλλοι ἀθροισθέντεσ ἀποδιώκουσιν ἀπὸ τῆσ θηλείασ, ὅτι ἐκείνῃ, ἀλλ’ οὐχ ἑαυτοῖσ προσέχει. ὅθεν πολλάκισ διὰ ταῦτα σιγῇ προσέρχεται, ὅπωσ μὴ ἄλλοσ ἀκούσασ τῆσ φωνῆσ ἔλθῃ μαχούμενοσ αὐτῷ. ἐνίοτε δὲ ἡ θήλεια τὸν ἄρρενα προσιόντα κατασιγάζει. πολλάκισ τε ἐπῳάζουσα ἐξίσταται, ὅταν προσερχόμενον ἐπαισθάνηται τὸν ἄρρενα τῇ θηρευούσῃ, ὑπομένει τε ὀχευθῆναι, ἵνα αὐτὸν ἀποσπάσῃ τῆσ θηρευούσησ. ἐπὶ τοσοῦτον δ’ ἐπτόηνται περὶ τὴν ὀχείαν οἱ πέρδικεσ καὶ οἱ ὄρτυγεσ ὡσ εἰσ τοὺσ θηρεύοντασ ἐμπίπτειν καθίζοντασ ἐπὶ τῶν κεφαλῶν φασὶ δὲ καὶ τοὺσ ἀγομένουσ θήλεισ πέρδικασ ἐπὶ θήραν, ὁπόταν ἴδωσιν ἢ ὄσφρωνται τῶν ἀρρένων κατ’ ἄνεμον στάντων ἢ περιπετομένων, ἐγκύουσ γίγνεσθαι, τινὲσ δὲ καὶ παραυτίκα τίκτειν.

πέτονταί τε περὶ τὸν τῆσ ὀχείασ καιρὸν χάσκοντεσ καὶ τὴν γλῶσσαν ἔξω ἔχοντεσ οἵ τε θήλεισ καὶ οἱ ἄρρενεσ. "χοἰ πέρδικεσ, ἔτι δὲ οἱ ἀλεκτρυόνεσ καὶ οἱ ὄρτυγεσ προϊένται τὴν γονὴν οὐ μόνον ἰδόντεσ τὰσ θηλείασ, ἀλλὰ κἂν ἀκούσωσιν αὐτῶν τὴν φωνήν.

τούτου δὲ αἴτιον ἡ τῇ ψυχῇ γινομένη φαντασία περὶ τῶν πλησιασμῶν. φανερώτατον δὲ γίνεται περὶ τὰσ ὀχείασ, ὅταν ἐξ ἐναντίασ αὐτοῖσ θῇσ κάτοπτρον προστρέχοντεσ γάρ διὰ τὴν ἔμφασιν ἁλίσκονταί τε καὶ προϊένται τὸ σπέρμα, πλὴν τῶν ἀλεκτρυόνων. "τούτουσ δ’ ἡ τῆσ ἐμφάσεωσ αἴσθησισ εἰσ μάχην προάγεται μόνον. ταῦτα μὲν ὁ Κλέαρχοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 9, book 9, chapter 41

(아테나이오스, The Deipnosophists, Book 9, book 9, chapter 41)

상위

목록

SEARCH

MENU NAVIGATION