Athenaeus, The Deipnosophists, Book 9, book 9, chapter 37

(아테나이오스, The Deipnosophists, Book 9, book 9, chapter 37)

"ταῖσ συνθήκαισ λέγω. "τοῦ μὲν ὀλβιογάστοροσ Ἄμφισ μέμνηται ἐν Γυναικομανίᾳ οὑτωσὶ λέγων Εὐρύβατε κνισολοῖχε, οὐκ ἔσθ’ ὅπωσ οὐκ ὀλβιογάστωρ εἶ σύ. φασιανικοῦ δὲ ὄρνιθοσ ὁ ἥδιστοσ Ἀριστοφάνησ ἐν δράματι Ὄρνισιν. "Ἀττικοὶ δ’ εἰσὶ δύο πρεσβῦται ὑπὸ ἀπραγμοσύνησ πόλιν ζητοῦντεσ ἐν ᾗ κατοικήσουσιν ἀπράγμονα· "καὶ αὐτοῖσ ἀρέσκει ὁ βίοσ ὁ μετ’ ὀρνίθων, ἔρχονται οὖν ὡσ τοὺσ ὄρνιθασ καὶ αἰφνίδιον αὐτοῖσ ἐπιπτάντοσ ἑνὸσ τῶν ὀρνίθων ἀγρίου τὴν ὄψιν, δείσαντεσ ἑαυτοὺσ παραμυθούμενοι· "λέγουσι τὰ τ’ ἄλλα καὶ τάδε· "ὁδὶ δὲ δὴ τίσ ἐστιν ὄρνισ; "οὐκ ἐρεῖσ; "β. Ἐπικεχοδὼσ ἔγωγε φασιανικόσ. καὶ τὸ ἐν Νεφέλαισ δὲ ἐπὶ τῶν ὀρνίθων ἔγωγε ἀκούω καὶ οὐκ ἐπὶ ἵππων ὡσ πολλοί· "τοὺσ φασιανούσ, οὓσ τρέφει Λεωγόρασ. "δύναται γὰρ ὁ Λεωγόρασ καὶ ἵππουσ τρέφειν καὶ ὄρνεισ φασιανούσ, κωμῳδεῖται γὰρ ὁ Λεωγόρασ ὡσ γαστρίμαργοσ ὑπὸ Πλάτωνοσ ἐν Περιαλγεῖ. Μνησίμαχοσ δ’ ἐν Φιλίππῳ εἷσ δὲ καὶ οὗτόσ ἐστι τῶν τῆσ μέσησ κωμῳδίασ ποιητῶν φησί· "καὶ τὸ λεγόμενον, σπανιώτερον πάρεστιν ὀρνίθων γάλα· "καὶ φασιανὸσ ἀποτετιλμένοσ καλῶσ. Θεόφραστοσ δὲ ὁ Ἐρέσιοσ, Ἀριστοτέλουσ μαθητήσ, ἐν τῇ γ’ περὶ ζῴων μνημονεύων αὐτῶν οὑτωσί πωσ λέγει· "’ ἐστὶ δὲ καὶ τοῖσ ὄρνισι τοιαύτη διαφορά· "τὰ μὲν γάρ βαρέα καὶ μὴ πτητικά, καθάπερ ἀτταγήν, πέρδιξ, ἀλεκτρυών, φασιανόσ, εὐθὺσ βαδιστικὰ καὶ δασέα. ’ καὶ Ἀριστοτέλησ ἐν ὀγδόῃ ζῴων ἱστορίασ γράφει τάδε· "εἰσὶ δὲ τῶν ὀρνίθων οἱ μὲν κονιστικοί, οἱ δὲ λοῦνται, οἱ δὲ οὔτε κονιστικοὶ οὔτε λοῦνται. "ὅσοι δὲ μὴ πτητικοί, ἀλλ’ ἐπίγειοι, κονιστικοί, οἱο͂ν ἀλεκτορίσ, πέρδιξ, ἀτταγήν, φασιανόσ, κορυδαλλόσ μνημονεύει δ’ αὐτῶν καὶ Σπεύσιπποσ ἐν δευτέρῳ Ὁμοίων. "φασιανὸν δὲ οὗτοι κεκλήκασιν αὐτὸν καὶ οὐ φασιανικόν. Ἀγαθαρχίδησ δ’ ὁ Κνίδιοσ ἐν τῇ τετάρτῃ καὶ τριακοστῇ τῶν Εὐρωπιακῶν περὶ τοῦ Φάσιδοσ ποταμοῦ τὸν λόγον ποιούμενοσ γράφει καὶ ταῦτα· "’ πλῆθοσ δ’ ὀρνίθων τῶν καλουμένων φασιανῶν φοιτᾷ τροφῆσ χάριν πρὸσ τὰσ ἐκβολὰσ τῶν στομάτων Καλλίξεινοσ δ’ ὁ Ῥόδιοσ ἐν τετάρτῃ περὶ Ἀλεξανδρείασ διαγράφων τὴν γενομένην πομπὴν ἐν Ἀλεξανδρείᾳ Πτολεμαίου τοῦ Φιλαδέλφου καλουμένου βασιλέωσ ὡσ μέγα θαῦμα περὶ τῶν ὀρνίθων τούτων οὕτωσ γράφει· "’ εἶτα ἐφέροντο ἐν ἀγγείοισ ψιττακοὶ καὶ ταῲ καὶ μελεαγρίδεσ καὶ φασιανοὶ καὶ ὄρνιθεσ Αἰθιοπικοὶ πλήθει πολλοί Ἀρτεμίδωροσ δὲ ὁ Ἀριστοφάνειοσ ἐν ταῖσ ἐπιγραφομέναισ Ὀψαρτυτικαῖσ Γλώσσαισ καὶ Πάμφιλοσ ὁ Ἀλεξανδρεὺσ ἐν τοῖσ περὶ ὀνομάτων καὶ γλωσσῶν Ἐπαίνετον παρατίθεται λέγοντα ἐν τῷ Ὀψαρτυτικῷ ὅτι ὁ φασιανὸσ ὄρνισ τατύρασ καλεῖται. "Πτολεμαῖοσ δὲ ὁ Εὐεργέτησ ἐν δευτέρῳ ὑπομνημάτων τέταρὸν φησιν ὀνομάζεσθαι τὸν φασιανὸν ὄρνιν. "τοσαῦτά σοι περὶ τῶν φασιανικῶν ὀρνίθων ἔχων λέγειν, οὓσ ἐγὼ διά σὲ ὥσπερ οἱ πυρέσσοντεσ περιφερομένουσ εἶδον. "σὺ δὲ κατὰ τὰσ συνθήκασ ἂν μὴ αὔριον ἀποδῷσ τὰ ὡμολογημένα, οὐκ ἐξαπατήσεωσ δημοσίᾳ σε γράψομαι, ἀλλὰ τὸν Φᾶσιν οἰκήσοντα ἀποπέμψω, ὡσ Πολέμων ὁ περιηγητὴσ Ἴστρον τὸν Καλλιμάχειον συγγραφέα εἰσ τὸν ὁμώνυμον κατεπόντου ποταμόν.

일치하는 문장이 없습니다.

SEARCH

MENU NAVIGATION