호흡부호 보기
강세부호 보기
장단부호 보기
작은 Iota 보기
모든 부호 보기
καὶ σὺ γάρ, ὡσ ἐοίκε, μετ’ ἐμοῦ κατὰ τὸν Ἄλεξιν οὐδενὸσ ἐμψύχου μεταλαμβάνεισ, ὅσ φησιν ἐν Ἀτθίδι τάδε· ὁ πρῶτοσ εἰπὼν ὅτι σοφιστὴσ οὐδὲ εἷσ ἔμψυχον οὐδὲν ἐσθίει σοφόσ τισ ἦν. ἐγὼ γὰρ ἥκω νῦν ἀγοράσασ οὐδὲ ἓν ἔμψυχον ἰχθῦσ ἐπριάμην τεθνηκότασ μεγάλουσ, κρεᾴδι’ ἀρνὸσ ἑφθὰ πίονοσ, οὐ ζῶντοσ· οὐχ οἱο͂́ν τε γάρ. τί ἄλλο; ναί, ἡπάτιον ὀπτὸν προσέλαβον. τούτων ἐὰν δείξῃ τισ ἢ φωνήν τι ἢ ψυχὴν ἔχον, ἀδικεῖν ὁμολογῶ καὶ παραβαίνειν τὸν νόμον. ἐπὶ τούτοισ οὖν ἐάσον ἡμᾶσ δειπνεῖν. ἰδοὺ γάρ, ἑώσ πρὸσ σὲ διαλέγομαι, καὶ οἱ φασιανικοὶ παραπεπλεύκασιν ὑπεριδόντεσ ἡμᾶσ διὰ τὴν ἄκαιρὸν σου γλωσσαργίαν. "διδάσκαλε Μυρτίλε, ὁ ὀλβιογάστωρ σοι πόθεν καὶ εἰ φασιανικῶν τισ ὀρνίθων μέμνηται τῶν παλαιῶν, ἐγώ σοι ἦρι μάλ’ οὐκ ἐφ’ Ἑλλήσποντον πλεύσασ, ἀλλ’ εἰσ τὴν ἀγορὰν πορευθεὶσ ὠνήσομαι φασιανικόν, ὃν συγκατέδομαί σοι.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기