헬라어 문장 검색 - ΑτηενάΤηεΔειπ

(아테나이오스, The Deipnosophists, Book 9, book 9, chapter 34)

εἰπόντοσ δὲ καὶ ἄλλου ἥδιστα γεγονέναι καὶ τὸν μετὰ ὀξυλιπάρου ἀλεκτρυόνα ὁ φιλεπιτιμητὴσ Οὐλπιανὸσ κατακείμενοσ μόνοσ, ὀλίγα δ’ ἐσθίων καὶ τηρῶν τοὺσ λέγοντασ ἔφη· "ὀξυλίπαρον δὲ τί ἐστι; "πλὴν εἰ μὴ καὶ κόττανα ἡμῖν, καὶ λέπιδιν, τὰ πάτριά μου νόμιμα βρώματα, ὀνομάζειν μέλλετε. "ὁ κωμικὸσ ἐν Δακτυλίῳ μέμνηται τοῦ ὀξυλιπάρου λέγων οὕτωσ· "γαλεοὺσ καὶ βατίδασ ὅσα τε τῶν γενῶν ἐν ὀξυλιπάρῳ τρίμματι σκευάζεται. "ἀκρολιπάρουσ δέ τινασ ἀνθρώπουσ κέκληκεν Ἄλεξισ ἐν Πονήρᾳ οὕτωσ· "ἀκρολίπαροι, τὸ δ’ ἄλλο σῶμ’ ὑπόξυλον. παρατεθέντοσ δέ ποτε καὶ ἰχθύοσ μεγάλου ἐν ὀξάλμῃ καὶ εἰπόντοσ τινὸσ ἥδιστον εἶναι ὀψάριον πᾶν τὸ ἐν ὀξάλμῃ παρατιθέμενον, συναγαγὼν τὰσ ὀφρῦσ ὁ τὰσ ἀκάνθασ ἀγείρων Οὐλπιανὸσ ποῦ κεῖται, ἔφη, ὀξάλμη;

ὀψάριον γὰρ παρ’ οὐδενὶ τῶν ζώντων λεγόμενον οἶδα. οἱ μὲν οὖν πολλοὶ μακρά χαίρειν εἰπόντεσ αὐτῷ ἐδείπνουν, τοῦ Κυνούλκου τὰ ἐξ Αὐρῶν Μεταγένουσ ἀναφωνήσαντοσ· ἀλλ’, ὦ ’γαθέ, δειπνῶμεν πρῶτον, κἄπειτά με πάντ’ ἐπερωτᾶν ὅ τι ἂν βούλῃ·

νῦν γὰρ πεινῶν δεινῶσ πώσ εἰμ’ ἐπιλήσμων. καὶ ὁ Μυρτίλοσ ἡδέωσ πωσ συναπογραφόμενοσ αὐτῷ, ἵνα μηδενὸσ μεταλαμβάνῃ, ἀλλὰ πάντα λαλῇ, ἔφη· Κρατῖνοσ ἐν Ὀδυσσεῦσιν εἴρηκε τὴν ὀξάλμην διὰ τούτων ἀνθ’ ὧν πάντασ ἑλὼν ὑμᾶσ ἐρίηρασ ἑταίρουσ, φρύξασ, ἑψήσασ, κἀπ’ ἀνθρακιᾶσ ὀπτήσασ, εἰσ ἅλμην τε καὶ ὀξάλμην κᾆτ’ ἐσ σκοροδάλμην χλιερὸν ἐμβάπτων, ὃσ ἂν ὀπτότατόσ μοι ἁπάντων ὑμῶν φαίνηται, κατατρώξομαι, ὦ στρατιῶται. καὶ Ἀριστοφάνησ Σφηξὶν ἀποφυσήσασ εἰσ ὀξάλμην ἔμβαλε θερμήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 9, book 9, chapter 34

(아테나이오스, The Deipnosophists, Book 9, book 9, chapter 34)

상위

목록

SEARCH

MENU NAVIGATION