- 텍스트

Athenaeus, The Deipnosophists, Book 9, book 9, chapter 32

(아테나이오스, The Deipnosophists, Book 9, book 9, chapter 32)

χήν.? "οἱ χῆνες σιτευτοί. "ὁ δὲ σιτευτὸς χὴν παρὰ τίνι· πρὸς ὃν ὁ Πλούταρχος: "Θεόπομπος μὲν ἔφη ὁ Χῖος ἐν ταῖς Ἑλληνικαῖς κἀν τῇ τρισκαιδεκάτῃ δὲ τῶν Φιλιππικῶν Ἀγησιλάῳ τῷ Λάκωνι εἰς Αἴγυπτον ἀφικομένῳ πέμψαι τοὺς Αἰγυπτίους χῆνας καὶ μόσχους σιτευτούς: "καὶ Ἐπιγένης δ ὁ κωμῳδιοποιὸς ἐν Βάκχαις φησίν ἀλλ εἴ τις ὥσπερ χῆν ἀνέτρεφέ μοι λαβὼν σιτευτόν. καὶ Ἀρχέστρατος ἐν τῷ πολυθρυλήτῳ ποιήματι καὶ σιτευτὸν χηνὸς ὁμοῦ σκεύαζε νεοττόν, ὀπτὸν ἁπλῶς καὶ τόνδε, σὺ δὲ ἡμῖν, ὦ Οὐλπιανέ, δίκαιος εἶ λέγειν, ὁ περὶ πάντων πάντας ἀπαιτῶν, ποῦ μνήμης ἠξίωται παρὰ τοῖς ἀρχαίοις τὰ πολυτελῆ ταῦτα τῶν χηνῶν ἥπατα, ὅτι γὰρ χηνοβοσκοὺς οἴδασι μάρτυς Κρατῖνος ἐν Διονυσαλεξάνδρῳ λέγων χηνοβοσκοί, βουκόλοι Ὅμηρος δὲ καὶ θηλυκῶς καὶ ἀρσενικῶς εἴρηκεν: "αἰετὸς ἀργὴν χῆνα φέρων καί: "ὣς ὅδε χῆν ἡρ´παξ ἀτιταλλομένην ἐνὶ οἴκῳ. καί: "χῆνές μοι κατὰ οἶκον ἐείκοσι πυρὸν ἔδουσιν ἐξ ὕδατος, χηνείων δὲ ἡπάτων περισπούδαστα δὲ ταῦτα κατὰ τὴν ῾ Ῥώμην μνημονεύει Εὔβουλος ἐν Στεφανοπώλισι λέγων οὕτως: "εἰ μὴ σὺ χηνὸς ἧπαρ ἢ ψυχὴν ἔχεις.?

일치하는 문장이 없습니다.

SEARCH

MENU NAVIGATION