Athenaeus, The Deipnosophists, Book 9, book 9, chapter 30

"περιῆλθον Ἀσίαν καὶ Εὐρώπην. ἐπιτιμῶντασ δὲ τινί φασιν μὴ δεῖν τὸν Οἰνέα Πηλέα ποιεῖν. ἐγὼ δὲ ἕνα τῶν ἀρχαίων μαγείρων τεθαύμακα πείρᾳ τῆσ τέχνησ ἧσ εἰσηγήσατο ἀπολαύσασ. παράγει δ’ αὐτὸν Ἄλεξισ ἐν Λέβητι λέγοντα τάδε· ἧψε, μοὐδόκει, πνικτόν τι ὄψον δελφάκειον. γλ. ἡδύ γε. α. ἔπειτα προσκέκαυκε. γλ. μηδὲν φροντίσῃσ· ἰάσιμον γὰρ τὸ πάθοσ ἐστί. α. τῷ τρόπῳ; γλ.

ὄξοσ λαβὼν ἢν εἰσ λεκάνην τιν’ ἐγχέασ ψυχρόν, ξυνιεῖσ, εἶτα θερμὴν τὴν χύτραν εἰσ τοὔξοσ ἐνθῇσ· διάπυροσ γὰρ οὖσ1’ ἔτι ἕλξει δι’ αὑτῆσ νοτίδα καὶ ζυμουμένη ὥσπερ κίσηρισ λήψεται διεξόδουσ σομφάσ, δι’ ὧν τὴν ὑγρασίαν ἐκδέξεται τὰ κρεᾴδι’ ἔσται τ’ οὐκ ἀπεξηραμμένα, ἔγχυλα δ’ ἀτρεμεὶ καὶ δροσώδη τὴν σχέσιν. α. Ἄπολλον, ὡσ ἰατρικῶσ, ὦ Γλαυκία, ταυτὶ ποιήσω. γλ.

καὶ παρατίθει γ’ αὐτά, παῖ, ὅταν παρατιθῇσ, μανθάνεισ, ἐψυγμένα. ἀτμὶσ γὰρ οὕτωσ οὐχὶ προσπηδήσεται ταῖσ ῥισίν, ἀλλ’ ἄνω μάλ’ εἶσι καταφυγών. α. πολλῷ γ’ ἀμείνων, ὡσ ἐοίκασ, ἦσθ’ ἄρα λογογράφοσ ἢ μάγειροσ, ὃ λέγεισ οὐ λέγεισ· τέχνην δ’ ὀνειδίζεισ.