호흡부호 보기
강세부호 보기
장단부호 보기
작은 Iota 보기
모든 부호 보기
μαθητὰ Λεύκων οἵ τε συνδιάκονοι ὑμεῖσ· ἅπασ γάρ ἐστιν οἰκεῖοσ τόποσ ὑπὲρ τέχνησ λαλεῖν τι · τῶν ἡδυσμάτων πάντων κράτιστόν ἐστιν ἐν μαγειρικῇ ἀλαζονεία· τὸ καθ’ ὅλου δὲ τῶν τεχνῶν ὄψει σχεδόν τι τοῦθ’ ἡγούμενον. ξεναγὸσ οὗτοσ ὅστισ ἂν θώρακ’ ἔχῃ φολιδωτὸν ἢ δράκοντα σεσιδηρωμένον, ἐφάνη Βριάρεωσ· ἂν τύχῃ δ’, ἐστὶν λαγώσ. ὁ μάγειροσ ἂν μὲν ὑποδιακόνουσ ἔχων πρὸσ τὸν ἰδιώτην καὶ μαθητὰσ εἰσίῃ, κυμινοπρίστασ πάντασ ἢ λιμοὺσ καλῶν · ἔπτηξ’ ἕκαστοσ εὐθύσ, ἂν δ’ ἀληθινὸν σαυτὸν παραβάλλῃσ, καὶ προσεκδαρεὶσ ἄπει.
ὅπερ οὖν ὑπεθέμην, τῷ κενῷ χώραν δίδου, καὶ τὰ στόμια γίνωσκε τῶν κεκλημένων, ὥσπερ γὰρ εἰσ τἀμπόρια, τῆσ τέχνησ πέρασ τοῦτ’ ἔστιν, ἂν εὖ προσδράμῃσ πρὸσ τὸ στόμα, διακονοῦμεν νῦν γάμουσ · τὸ θῦμα βοῦσ· ὁ διδοὺσ ἐπιφανὴσ, ἐπιφανὴσ ὁ λαμβάνων τούτων γυναῖκεσ ἱέρειαι Θεᾷ, Θεῷ, ὁ κορύβαντεσ, αὐλοί, παννυχίδεσ, ἀναστροφή·
ἱππόδρομοσ οὗτόσ ἐστί σοι μαγειρικῆσ, μέμνησο καὶ σὺ τοῦτο. καὶ περὶ ἑτέρου δὲ μαγείρου ὄνομα δ’ ἐστὶ Σεύθησ ὁ αὐτόσ φησιν ποιητὴσ οὕτωσ· ἰδιώτησ μέγασ αὐτοῖσ ὁ Σεύθησ; οἶσθασ, ὦ βέλτισθ’, ὅτι ἀγαθοῦ στρατηγοῦ διαφέρειν οὐδὲν δοκεῖ;
οἱ πολέμιοι πάρεισιν ὁ βαθὺσ τῇ φύσει στρατηγὸσ ἔστη καὶ τὸ πρᾶγμ’ ἐδέξατο. πολέμιόσ ἐστι πᾶσ ὁ συμπίνων ὄχλοσ. κινεῖ γὰρ ἁθρόοσ οὗτοσ · εἰσελήλυθεν ἐκ πεντεκαίδεχ’ ἡμερῶν προηλπικὼσ τὸ δεῖπνον, ὁρμῆσ μεστόσ, ἐκκεκαυμένοσ τηρῶν πότ’ ἐπὶ τὰσ χεῖρασ οἴσει τισ. νόει ὄχλου τοιούτου ῥαχίαν ἠθροισμένην. ὁ δ’ ἐν τοῖσ Εὔφρονοσ Συνεφήβοισ μάγειροσ ἀκούσατε οἱᾶ παραινεῖ·
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기