헬라어 문장 검색 - ΑτηενάΤηεΔειπ

(아테나이오스, The Deipnosophists, Book 9, book 9, chapter 14 5:)

ὄρνεισ. ἐπεὶ δὲ καὶ ὄρνεισ ἐπῆσαν ταῖσ κολοκύνταισ καὶ ἄλλοισ κνιστοῖσ λαχάνοισ οὕτωσ δ’ εἴρηκεν Ἀριστοφάνησ ἐν Δηλίᾳ τὰ σύγκοπτα λάχανα, κνιστὰ ἢ στέμφυλα, ὁ Μυρτίλοσ ἔφη· "ἀλλὰ μὴν καὶ ὄρνιθασ καὶ ὀρνίθια νῦν μόνωσ ἡ συνήθεια καλεῖ τὰσ θηλείασ, ὧν ὁρῶ περιφερόμενον πλῆθοσ καὶ Χρύσιπποσ δ’ ὁ φιλόσοφοσ ἐν τῷ πέμπτῳ περὶ τοῦ καλοῦ καὶ τῆσ ἡδονῆσ γράφει οὕτωσ · "’ καθάπερ τινὲσ τὰσ λευκὰσ ὄρνιθασ τῶν μελαινῶν ἡδίουσ εἶναι μᾶλλον̓, ἀλεκτρυόνασ δὲ καὶ ἀλεκτοριδέασ τοὺσ ἄρρενασ· "τῶν ἀρχαίων δὲ τὸ ὄρνισ καὶ ἀρσενικῶσ καὶ θηλυκῶσ λεγόντων ἐπ’ ἄλλων ὀρνέων, οὐ περὶ τούτου τοῦ εἰδικοῦ, περὶ οὗ φησιν ἡ συνήθεια ὄρνιθασ ὠνήσασθαι. "Ὅμηροσ μὲν οὖν φησι· "ὄρνιθεσ δέ τε πολλοὶ ὑπ’ αὐγὰσ ἠελίοιο. "καὶ ἀλλαχόθι θηλυκῶσ ὄρνιθι λιγυρῇ. καί· "ὡσ δ’ ὄρνισ ἀπτῆσι νεοσσοῖσι προφέρῃσι μάστακ’ ἐπεί κε λάβῃσι, κακῶσ δὲ τὲ οἱ πέλει αὐτῇ. Μένανδροσ δ’ ἐν Ἐπικλήρῳ πρώτῃ σαφῶσ τὸ ἐπὶ τῆσ συνηθείασ φησὶν ἐμφανίζων οὕτωσ· "’ ἀλεκτρυών τισ ἐκεκράγει μέγα. "οὐ σοβήσετ’ ἔξω, ’ φησί, τὰσ ὄρνιθασ ἀφ’ ἡμῶν; "καὶ πάλιν αὕτη ποτ’ ἐξεσόβησε τὰσ ὄρνισ μόλισ. "ὀρνίθια δ’ εἴρηκε Κρατῖνοσ ἐν Νεμέσει οὕτωσ · "τἄλλα πάντ’ ὀρνίθια. "’ ἐπὶ δὲ τοῦ ἀρσενικοῦ οὐ μόνον ὄρνιν ἀλλὰ καὶ ὄρνιθα, ὁ αὐτὸσ Κρατῖνοσ ἐν τῷ αὐτῷ δράματι· "ὄρνιθα φοινικόπτερον. "’ καὶ πάλιν ὄρνιθα τοίνυν δεῖ σε γίγνεσθαι μέγαν. "καὶ Σοφοκλῆσ Ἀντηνορίδαισ · "ὄρνιθα καὶ κήρυκα καὶ διάκονον. "Αἰσχύλοσ Καβείροισ· "ὄρνιθα δ’ οὐ ποιῶ σε τῆσ ἐμῆσ ὁδοῦ. Ξενοφῶν δ’ ἐν δευτέρῳ Παιδείασ· "’ ἐπὶ μὲν τοὺσ ὄρνιθασ τῷ ἰσχυροτάτῳ χειμῶνι. "’ Μένανδροσ Διδύμαισ, ’ ὄρνεισ φέρων ἐλήλυθα. "’ καὶ ἑξῆσ ὄρνιθασ ἀποστέλλει φησίν. ὅτι δὲ καὶ ἐπὶ τοῦ πληθυντικοῦ ὄρνισ λέγουσι πρόκειται τὸ Μενάνδρειον μαρτύριον ἀλλὰ καὶ Ἀλκμάν πού φησι· "λῦσαν δ’ ἄπρακτα νεάνιδεσ ὥστ’ ὄρνισ ἱέρακοσ ὑπερπταμένω. "καὶ Εὔπολισ ἐν Δήμοισ· "οὐ δεινὸν οὖν κριοὺσ ἔμ’ ἐκγεννᾶν τέκνα ὄρνισ θ’ ὁμοίουσ τοὺσ νεοττοὺσ τῷ πατρί; "τὸν δ’ ἀλεκτρυόνα ἐκ τῶν ἐναντίων οἱ ἀρχαῖοι καὶ θηλυκῶσ εἰρήκασι. "Κρατῖνοσ Νεμέσει· "Λήδα, σὸν ἔργον δεῖ σ1’ ὅπωσ εὐσχήμονοσ ἀλεκτρυόνοσ μηδὲν διοίσει τοὺσ τρόπουσ, ἐπὶ τῷδ’ ἐπῴζουσ1’, ὡσ ἂν ἐκλέψῃσ καλὸν ἡμῖν τι καὶ θαυμαστὸν ἐκτοῦδ’ ὄρνεον. "Στράττισ Ψυχασταῖσ· "αἱ δ’ ἀλεκτρυόνεσ ἅπασαι καὶ τὰ χοιρίδια τέθνηκε καὶ τὰ μίκρ’ ὀρνίθια. "Ἀναξανδρίδησ Τηρεῖ· "ὀχευομένουσ δὲ τοὺσ κάπρουσ καὶ τὰσ ἀλεκτρυόνασ θεωροῦσ1’ ἄσμενοι. "ἐπεὶ δὲ τοῦ κωμικοῦ τούτου ἐμνήσθην καὶ οἶδα τὸ δρᾶμα τὸν Τηρέα αὐτοῦ μὴ κεκριμένον ἐν τοῖσ πρώτοισ ἐκθήσομαι ὑμῖν, ἄνδρεσ φίλοι, εἰσ κρίσιν ἃ εἴρηκε περὶ αὐτοῦ Χαμαιλέων ὁ Ἡρακλεώτησ ἐν ἕκτῳ περὶ κωμῳδίασ γράφων ὧδε· "’ Ἀναξανδρίδησ διδάσκων ποτὲ διθύραμβον Ἀθήνησιν εἰσῆλθεν ἐφ’ ἵππου καὶ ἀπήγγειλέν τι τῶν ἐκ τοῦ ᾄσματοσ, ἦν δὲ τὴν ὄψιν καλὸσ καὶ μέγασ καὶ κόμην ἔτρεφε καὶ ἐφόρει ἁλουργίδα καὶ κράσπεδα χρυσᾶ, πικρὸσ δ’ ὢν τὸ ἦθοσ ἐποίει τι τοιοῦτο περὶ τὰσ κωμῳδίασ· "ὅτε γὰρ μὴ νικῴη, λαμβάνων ἔδωκεν εἰσ τὸν λιβανωτὸν κατατεμεῖν καὶ οὐ μετεσκεύαζεν ὥσπερ οἱ πολλοί, καὶ πολλὰ ἔχοντα κομψῶσ τῶν δραμάτων ἠφάνιζε, δυσκολαίνων τοῖσ θεαταῖσ διὰ τὸ γῆρασ. "’ λέγεται δ’ εἶναι τὸ γένοσ Ῥόδιοσ ἐκ Καμίρου. "θαυμάζω οὖν πῶσ καὶ ὁ Τηρεὺσ περιεσώθη μὴ τυχὼν νίκησ καὶ ἄλλα δράματα τῶν ὁμοίων τοῦ αὐτοῦ, καὶ Θεόπομποσ δὲ ἐν Εἰρήνῃ ἐπὶ τῆσ θηλείασ ἔταξε τὸν ἀλεκτρυόνα λέγων οὕτωσ ἄχθομαι δ’ ἀπολωλεκὼσ ἀλεκτρυόνα τίκτουσαν ᾠὰ πάγκαλα. "καὶ Ἀριστοφάνησ Δαιδάλῳ· "ᾠὸν μέγιστον τέτοκεν, ὡσ ἀλεκτρυών, καὶ πάλιν πολλαὶ τῶν ἀλεκτρυόνων βίᾳ ὑπηνέμια τίκτουσιν ᾠὰ πολλάκισ. "ἐν δὲ Νεφέλαισ διδάσκων τὸν πρεσβύτην περὶ ὀνόματοσ διαφορᾶσ φησι· "νῦν δὲ πῶσ με χρὴ καλεῖν; ". ἀλεκτρύαιναν, τὸν δ’ ἕτερον ἀλέκτορα. "λέγεται δὲ καὶ ἀλεκτορὶσ καὶ ἀλέκτωρ. "Σιμωνίδησ ’ ἱμερόφων’ ἀλέκτωρ ’ ἔφη. "Κρατῖνοσ ̔̀ Ὥραισ· "· "ὥσπερ ὁ Περσικὸσ ὡρ́αν πᾶσαν καναχῶν ὁλόφωνοσ ἀλέκτωρ. "εἴρηται δ’ οὕτωσ ἐπειδὴ καὶ ἐκ τοῦ λέκτρου ἡμᾶσ διεγείρει. "οἱ δὲ Δωριεῖσ λέγοντεσ ὄρνιξ τὴν γενικὴν διὰ τοῦ χ λέγουσιν ὄρνιχοσ. "Ἀλκμὰν δὲ διὰ τοῦ σ τὴν εὐθεῖαν ἐκφέρει· "ἁλιπόρφυροσ εἰάροσ ὄρνισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 9, book 9, chapter 14 5:

(아테나이오스, The Deipnosophists, Book 9, book 9, chapter 14 5:)

상위

목록

SEARCH

MENU NAVIGATION