호흡부호 보기
강세부호 보기
장단부호 보기
작은 Iota 보기
모든 부호 보기
σταφυλῖνοσ. "ἱκανῶσ δὲ θρεπτικὸσ καὶ εὐστόμαχοσ μέσωσ διαχωρητικόσ τε καὶ πνευματώδησ, δύσπεπτοσ, οὐρητικὸσ ἱκανῶσ, διεγερτικὸσ πρὸσ ἀφροδίσια· "διὸ καὶ ὑπ’ ἐνίων φίλτρον καλεῖται. Νουμήνιοσ δ’ ἐν τῷ Ἁλιευτικῷ φησι· φύλλων δ’ ὅσσ1’ ἄσπαρτα τά τ’ ἐρρίζωται ἀρούραισ χείματοσ ἠδ’ ὁπόταν πολυάνθεμον εἰᾶρ ἵκηται, αὐχμηρὴν σκόλυμόν τε καὶ ἀγριάδα σταφυλῖνον, καὶ ῥάφυν ἐμπέδιον καὶ καυκαλίδ’ ἀγροιῶτιν. Νίκανδροσ δ’ ἐν δευτέρῳ Γεωργικῶν φησιν ἐν δέ τε καὶ μαράθου καυλὸσ βαθύσ, ἐν δέ τε ῥίζαι πετραίου, ὁ σὺν δ’ αὐτὸσ ἐπαυχμήεισ σταφυλῖνοσ, σμυρνεῖον σόγκοσ τε κυνόγλωσσόσ τε σέρισ τε· σὺν καὶ ἄρου δριμεῖα καταψήχοιο πέτηλα ἠδ’ ὅπερ ὄρνιθοσ κλέεται γάλα. μνημονεύει τοῦ σταφυλίνου καὶ Θεόφραστοσ. Φαινίασ δ’ ἐν ε’ περὶ φυτῶν γράφει οὕτωσ· κἀν τῷ πρώτῳ δέ φησι·
"πετασώδη τὴν τῶν σπερμάτων ἀπείληφε φύσιν ἄννησον, μάραθον, σταφυλῖνοσ, καυκαλίσ, κώνειον, κόριον, σκίλλα, ἣν ἔνιοι μυηφόνον. ἐπεὶ δὲ ἄρου ἐμνημόνευσεν ὁ Νίκανδροσ, προσαποδοτέον ὅτι καὶ Φαινίασ ἐν τῷ προειρημένῳ βιβλίῳ γράφει οὕτωσ · "δρακόντιον, ὃ ἔνιοι ἄρον ἀρωνια. τὸν δὲ σταφυλῖνον Διοκλῆσ ἐν πρώτῳ Ὑγιεινῶν ἀσταφυλῖνον καλεῖ. σταφυλῖνοσ εὐχυλότερόν ἐστι τοῦ σταφυλίνου καὶ μᾶλλον θερμαντικώτερον, οὐρητικώτερον, εὐστόμαχον, εὐοικονόμητον, ὡσ ὁ Δίφιλοσ ἱστορεῖ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기