Athenaeus, The Deipnosophists, Book 4, book 4, chapter 84

(아테나이오스, The Deipnosophists, Book 4, book 4, chapter 84)

ἐλλογίμουσ. ἔμελεν δὲ τοῖσ πάλαι πᾶσιν Ἕλλησι μουσικῆσ· διόπερ καὶ ἡ αὐλητικὴ περισπούδαστοσ ἦν. χαμαιλέων γοῦν ὁ Ἡρακλεώτησ ἐν τῷ ἐπιγραφομένῳ Προτρεπτικῷ Λακεδαιμονίουσ φησὶ καὶ Θηβαίουσ πάντασ αὐλεῖν μανθάνειν Ἡρακλεώτασ τε τοὺσ ἐν τῷ Πόντῳ καθ’ ἑαυτὸν ἔτι Ἀθηναίων τε τοὺσ ἐπιφανεστάτουσ, Καλλίαν τε τὸν Ἱππονίκου καὶ Κριτίαν τὸν Καλλαίσχρου. Δοῦρισ δ’ ἐν τῷ περὶ Εὐριπίδου καὶ Σοφοκλέουσ Ἀλκιβιάδην φησὶ μαθεῖν τὴν αὐλητικὴν οὐ παρὰ τοῦ τυχόντοσ, ἀλλὰ Προνόμου τοῦ μεγίστην ἐσχηκότοσ δόξαν. Ἀριστόξενοσ δὲ καὶ Ἐπαμινώνδαν τὸν Θηβαῖον αὐλεῖν μαθεῖν παρὰ Ὀλυμπιοδώρῳ καὶ Ὀρθαγόρᾳ. καὶ τῶν Πυθαγορικῶν δὲ πολλοὶ τὴν αὐλητικὴν ἤσκησαν, ὡσ Εὐφράνωρ τε καὶ Ἀρχύτασ Φιλόλαόσ τε ἄλλοι τε οὐκ. ὀλίγοι, ὁ δ’ Εὐφράνωρ καὶ σύγγραμμα περὶ αὐλῶν κατέλιπεν ὁμοίωσ δὲ καὶ ὁ Ἀρχύτασ. ἐμφανίζει δὲ καὶ ὁ Ἀριστοφάνησ ἐν τοῖσ Δαιταλεῦσι τὴν περὶ τὸ πρᾶγμα τοῦτο σπουδὴν ὅταν λέγῃ ὅστισ αὐλοῖσ καὶ λύραισι κατατέτριμμαι χρώμενοσ, εἶτά με σκάπτειν κελεύεισ;

Φρύνιχοσ Ἐφιάλτῃ·

οὐ τουτονὶ μέντοι σὺ κιθαρίζειν ποτὲ αὐλεῖν τ’ ἐδίδαξασ; καὶ τὴν Ἀθηνᾶν δέ φησιν Ἐπίχαρμοσ ἐν Μούσαισ ἐπαυλῆσαι τοῖσ Διοσκόροισ τὸν ἐνόπλιον. Ιὤν δ’ ἐν Φοίνικι ἢ Καινεῖ ἀλέκτορα τὸν αὐλὸν καλεῖ ἐν τούτοισ· ἐπὶ δ’ αὐλὸσ ἀλέκτωρ Λύδιον ὕμνον ἀχέων.

ἐν δὲ Φρουροῖσ τὸν ἀλεκτρυόνα Ἰδαῖον εἴρηκε σύριγγα διὰ τούτων ῥοθεῖ δέ τοι σῦριγξ Ἰδαῖοσ ἀλέκτωρ. ἐν δὲ τῷ β Φοίνικι ὁ αὐτὸσ Ιὤν φησίν ἔκτυπον ἄγων βαρὺν αὐλὸν τρέχοντι ῥυθμῷ,3 οὕτω λέγων τῷ Φρυγίῳ· βαρὺσ γὰρ οὗτοσ· παρ’· ὃ καὶ τὸ κέρασ αὐτῷ προσάπτουσιν ἀναλογοῦν τῷ τῶν σαλπίγγων κώδωνι. ἐπὶ τούτοισ τέλοσ ἐχέτω καὶ ἥδε ἡ βίβλοσ, ἑταῖρε Τιμόκρατεσ, ἱκανὸν εἰληφυῖα μῆκοσ.

SEARCH

MENU NAVIGATION