Athenaeus, The Deipnosophists, Book 4, book 4, chapter 80

(아테나이오스, The Deipnosophists, Book 4, book 4, chapter 80)

οἶδα δὲ καὶ ἄλλα γένη αὐλῶν τραγικῶν τε καὶ λυσιῳδικῶν καὶ κιθαριστηρίων , ὧν μνημονεύουσιν Ἔφορόσ τ’ ἐν τοῖσ εὑρήμασι καὶ Εὐφράνωρ ὁ Πυθαγορικὸσ ἐν τῷ περὶ αὐλῶν, ἔτι δὲ καὶ Ἄλεξισ ὧν καὶ αὐτὸσ ἐν τῷ περὶ αὐλῶν. ὁ δὲ καλάμινοσ αὐλὸσ τιτύρινοσ καλεῖται παρὰ τοῖσ ἐν Ἰταλίᾳ Δωριεῦσιν, ὡσ Ἀρτεμίδωροσ ἱστορεῖ ὁ Ἀριστοφάνειοσ ἐν β περὶ Δωρίδοσ. "ὁ δὲ μάγαδισ καλούμενοσ αὐλόσ.

καὶ πάλιν· ὁ μάγαδισ ὀνομαζόμενοσ ἐν ταὐτῷ ὀξὺν καὶ βαρὺν φθόγγον ἐπιδείκνυται, ὡσ Ἀναξανδρίδησ ἐν Ὁπλομάχῳ φησί· μαγάδι λαλήσω μικρὸν ἅμα σοι καὶ μέγα. οἱ δὲ καλούμενοι λώτινοι αὐλοὶ οὗτοί εἰσιν οἱ ὑπὸ Ἀλεξανδρέων καλούμενοι φώτιγγεσ. κατασκευάζονται δ’ ἐκ τοῦ καλουμένου λωτοῦ ξύλον δ’ ἐστὶ τοῦτο γινόμενον ἐν Λιβύῃ.

Θηβαίων δ’ εὑρ́ημά φησιν εἶναι Ιὄβασ τὸν ἐκ νεβροῦ κώλων κατασκευαζόμενον αὐλόν. ὁ δὲ Τρύφων φησὶ καὶ τοὺσ καλουμένουσ ἐλεφαντίνουσ αὐλοὺσ παρὰ Φοίνιξιν ἀνατρηθῆναι. οἶδα δὲ ὅτι καὶ μάγαδισ ὄργανόν ἐστιν ἐντατὸν καθάπερ καὶ κιθάρα, λύρα, βάρβιτον. "οἱ νῦν, φησίν, καλούμενοι ναβλισταὶ καὶ πανδουρισταὶ καὶ σαμβυκισταὶ καινῷ μὲν οὐδενὶ χρῶνται ὀργάνῳ· "τὸν γὰρ βάρωμον καὶ βάρβιτον, ὧν Σαπφὼ καὶ Ἀνακρέων μνημονεύουσι, καὶ τὴν μάγαδιν καὶ τὰ τρίγωνα καὶ τὰσ σαμβύκασ ἀρχαῖα εἶναι, ἐν γοῦν Μιτυλήνῃ μίαν τῶν Μουσῶν πεποιῆσθαι ὑπὸ Λεσβοθέμιδοσ ἔχουσαν σαμβύκην. Ἀριστόξενοσ δ’ ἔκφυλα ὄργανα καλεῖ φοίνικασ καὶ πηκτίδασ καὶ μαγάδιδασ σαμβύκασ τε καὶ τρίγωνα καὶ κλεψιάμβουσ καὶ σκινδαψοὺσ καὶ τὸ ἐννεάχορδον καλούμενον.

Πλάτων δ’ ἐν τρίτῳ Πολιτείασ φησίν· "οὐκ ἄρα, ἦν δ’ ἐγώ, πολυχορδίασ γε οὐδὲ παναρμονίου ἡμῖν δεήσει ἐν ταῖσ ᾠδαῖσ τε καὶ μέλεσιν. "οὔ μοι, ἔφη, φαίνεται. "τριγώνων ἄρα καὶ πηκτίδων καὶ πάντων ὀργάνων ὅσα πολύχορδα καὶ παναρμόνια" ἐστὶν δ’ ὁ σκινδαψὸσ τετράχορδον ὄργανον, ὡσ ὁ παρῳδόσ φησι Μάτρων ἐν τούτοισ·

SEARCH

MENU NAVIGATION