헬라어 문장 검색 - ΑτηενάΤηεΔειπ

(아테나이오스, The Deipnosophists, Book 4, book 4, chapter 78)

Ιὄβασ μὲν γὰρ ἐν τῷ προειρημένῳ συγγράμματι Αἰγυπτίουσ φησὶν λέγειν τὸν μόναυλον Ὀσίριδοσ εἶναι εὑρ́ημα, καθάπερ καὶ τὸν καλούμενον φώτιγγα πλαγίαυλον, οὗ καὶ αὐτοῦ παραστήσομαι μνημονεύοντα ἐλλόγιμον ἄνδρα. ἐπιχωριάζει γὰρ καὶ ὁ φῶτιγξ αὐλὸσ παρ’ ἡμῖν.

τοῦ δὲ μοναύλου μνημονεύει Σοφοκλῆσ μὲν ἐν Θαμύρᾳ οὕτωσ· · οἴχωκε γὰρ κροτητὰ πηκτίδων μέλη, λύραι μόναυλοί θ’ οἷσ ἐχαίρομεν τέωσ ναούσ τ’ ἐρημοῖ πισσοκωνίασ Ἄρησ. Ἀραρὼσ δ’ ἐν Πανὸσ γοναῖσ· ἀναρπάσασ μόναυλον εὐθὺσ πῶσ δοκεῖσ κούφωσ ἀνήλλετο. Ἀναξανδρίδησ δ’ ἐν Θησαυρῷ·

ἀναλαβὼν μόναυλον ηὔλουν τὸν ὑμέναιον. καὶ ἐν Φιαληφόρῳ· τὸν μόναυλον ποῖ τέτροφασ; οὗτοσ Σύρε. β. ποῖον μόναυλον; α. τὸν κάλαμον. Σώπατροσ Βακχίδι· καὶ τὸ μόναυλον μέλοσ ἤχησε. "παντὸσ δὲ ὀργάνου κατὰ μίτον ἧπται, κροτάλων, ὑπὸ φανοῦ,4 πανδούρου, τῷ τε ἡδεῖ μοναύλῳ τὰσ ἡδίστασ ’ ἁρμονίασ ἀναμινυρίζει. Ποσειδώνιοσ δ’ ὁ ἀπὸ τῆσ στοᾶσ φιλόσοφοσ ἐν τῇ τρίτῃ τῶν ἱστοριῶν διηγούμενοσ περὶ τοῦ Ἀπαμέων πρὸσ Λαρισαίουσ πολέμου γράφει τάδε·

"παραζωνίδια καὶ λογχάρι ἀνειληφότεσ ἰῷ καὶ ῥύπῳ κεκρυμμένα, πετάσια δ’ ἐπιτεθειμένοι καὶ προσκόπια σκιὰν μὲν ποιοῦντα, καταπνεῖσθαι δ’ οὐ κωλύοντα τοὺσ τραχήλουσ, ὄνουσ ἐφελκόμενοι γέμοντασ οἴνου καὶ βρωμάτων παντοδαπῶν, οἷσ παρέκειτο φωτίγγια καὶ μοναύλια, κώμων οὐ πολέμων ὄργανα. οὐκ ἀγνοῶ δὲ ὅτι Ἀμερίασ ὁ Μακεδὼν ἐν ταῖσ Γλώσσαισ τιτύρινόν φησι καλεῖσθαι τὸν μόναυλον.

̓ ’ἴδε ἀπέχεισ, καλὲ Οὐλπιανέ, καὶ τὸν τῆσ φώτιγγοσ μνημονεύοντα ὅτι δὲ ὁ μόναυλοσ ἦν ὁ νῦν καλούμενοσ καλαμαύλησ σαφῶσ παρίστησιν Ἡδύλοσ ἐν τοῖσ ἐπιγράμμασιν οὑτωσὶ λέγων τοῦτο Θέων ὁ μόναυλοσ ὑπ’ ἠρίον ὁ γλυκὺσ οἰκεῖ αὐλητήσ, μίμων ἡ ̓ν θυμέλῃσι Χάρισ, τυφλὸσ ὑπαὶ γήρωσ εἶχεν καὶ Σκίρπαλον υἱόν, νήπιον ὅντ’ ἐκάλει Σκίρπαλον Εὐπαλάμου, ἀείδων αὐτοῦ τὰ γενέθλια· τοῦτο γὰρ εἶχεν τὴν παλαμῶν ἀρετὴν τοὔνομα σημανέων.

ηὔλει δὴ Γλαύκησ μεμεθυσμένα παίγνια Μουσέων ἢ τὸν ἐν ἀκρήτοισ Βάτταλον ἡδυπότην ἢ καὶ Κώταλον ἢ καὶ Πάκαλον, ἀλλὰ Θέωνα τὸν καλαμαυλήτην εἴπατε χαῖρε Θέων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 4, book 4, chapter 78

(아테나이오스, The Deipnosophists, Book 4, book 4, chapter 78)

상위

목록

SEARCH

MENU NAVIGATION