호흡부호 보기
강세부호 보기
장단부호 보기
작은 Iota 보기
모든 부호 보기
πόσῳ δὲ κρεῖττον, ὦ Οὐλπιανὲ σοφώτατε, τὸ ὑδραυλικὸν τοῦτο ὄργανον τοῦ καλουμένου νάβλα, ὅν φησι Σώπατροσ ὁ παρῳδὸσ ἐν τῷ ἐπιγραφομένῳ δράματι Πύλαι Φοινίκων εἶναι καὶ τοῦτον εὑρ́ημα. λέγει δ’ οὕτωσ ·
οὔτε τοῦ Σιδωνίου νάβλα λαρυγγόφωνοσ ἐκκεχόρδωται τύποσ. καὶ ἐν Μυστάκου δὲ θητίῳ φησί· νάβλασ ἐν ἄρθροισ γραμμάτων οὐκ εὐμελήσ, ᾧ λωτὸσ ἐν πλευροῖσιν ἄψυχοσ παγεὶσ ἔμπνουν ἀνίει μοῦσαν. ἐγρέτου δέ τισ τὸν ἡδονῆσ μελῳδὸν εὐάζων χορόν.
Φιλήμων ἐν Μοιχῷ· ἔδει παρεῖναι, Παρμένων, αὐλητρίδ’ ἢ νάβλαν τιν’. π. ὁ δὲ νάβλασ τί ἐστιν; α οὐκ οἶδασ, ἐμβρόντητε σύ; π. μὰ Δία. α. τί φήσ; οὐκ οἶσθα νάβλαν; οὐδὲν οὖν οἶσθ’ ἀγαθόν. οὐδὲ σαμβυκίστριαν; καὶ τὸ τρίγωνον δὲ καλούμενον ὄργανον Ιὄβασ ἐν τετάρτῳ θεατρικῆσ ἱστορίασ Σύρων εὑρ́ημά φησιν εἶναι, ὡσ καὶ τὸν καλούμενον λυροφοίνικα σαμβύκην. τοῦτο δὲ τὸ ὄργανον Νεάνθησ ὁ Κυζικηνὸσ ἐν α ̔̀ Ὥρων εὑρ́ημα εἶναι λέγει Ἰβύκου τοῦ Ῥηγίνου ποιητοῦ, ὡσ καὶ Ἀνακρέοντοσ τὸ βάρβιτον. ἐπεὶ δὲ ἡμῶν τῶν Ἀλεξανδρέων κατατρέχεισ ὡσ ἀμούσων καὶ τὸν μόναυλον συνεχῶσ ὀνομάζεισ ἐπιχωριάζοντα παρ’ ἡμῖν, ἄκουε καὶ περὶ αὐτοῦ ἃ νῦν ἔχω σοι λέγειν ἐν προχείρῳ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기