Athenaeus, The Deipnosophists, Book 4, book 4, chapter 73

(아테나이오스, The Deipnosophists, Book 4, book 4, chapter 73)

οὐκ ἀγνοῶν δὲ καὶ περὶ Δηλίων ἃ Ἀπολλόδωροσ ὁ Ἀθηναῖοσ εἴρηκεν ὅτι μαγείρων καὶ τραπεζοποιῶν παρείχοντο χρείασ τοῖσ παραγινομένοισ πρὸσ τὰσ ἱερουργίασ, καὶ ὅτι ἦν αὐτοῖσ ἀπὸ τῶν πράξεων ὀνόματα Μαγίδεσ καὶ Γογγύλοι, ἐπειδὴ τὰσ μάζασ, φησὶν Ἀριστοφάνησ,2 ἐν ταῖσ θοίναισ δι’ ἡμέρασ τρίβοντεσ παρεῖχον ὥσπερ γυναιξὶ γογγύλασ μεμαγμένασ. καλοῦνται δὲ καὶ μέχρι νῦν τινεσ αὐτῶν Χοίρακοι καὶ Ἀμνοὶ καὶ Ἀρτυσίλεῳ καὶ Σήσαμοι καὶ Ἀρτυσίτραγοι καὶ Κρεωκόροι καὶ Ἰχθυβόλοι, τῶν δὲ γυναικῶν Κυμινάνθαι, κοινῇ δὲ πάντεσ Ἐλεοδύται διὰ τὸ τοῖσ ἐλεοῖσ ὑποδύεσθαι διακονοῦντεσ ἐν ταῖσ θοίναισ.

ἐλεὸσ δ’ ἐστὶν ἡ μαγειρικὴ τράπεζα. Ὅμηροσ· αὐτὰρ ἐπεὶ ῥ’ ὤπτησε καὶ εἰν ἐλεοῖσιν ἔθηκε. ὅθεν καὶ Πολυκράτων ὁ Κρίθωνοσ Ῥηναιεὺσ δίκην γραφόμενοσ οὐ Δηλίουσ αὐτοὺσ ὀνομάζει, ἀλλὰ τὸ κοινὸν τῶν Ἐλεοδυτῶν ἐπῃτιάσατο.

καὶ ὁ τῶν Ἀμφικτυόνων δὲ νόμοσ κελεύει ὕδωρ παρέχειν ἐλεοδύτασ, τοὺσ τραπεζοποιοὺσ καὶ τοὺσ τοιούτουσ διακόνουσ σημαίνων. καὶ φορμιῶσαι ναῦσ ἀναγκάσασ δύο,1 εἰσ Δῆλον ἐλθεῖν ἠθέλησ1’ ἐκ Πειραιῶσ, πάντων ἀκούων διότι παρασίτῳ τόποσ οὗτοσ τρία μόνοσ ἀγαθὰ κεκτῆσθαι δοκεῖ, εὐόψον ἀγοράν, παντοδαπὸν ὁρμοῦντ’ ὄχλον, αὐτοὺσ παρασίτουσ τοῦ θεοῦ τοὺσ Δηλίουσ.

SEARCH

MENU NAVIGATION