Athenaeus, The Deipnosophists, Book 4, book 4, chapter 71

(아테나이오스, The Deipnosophists, Book 4, book 4, chapter 71)

νῦν δὲ ὁ ἐδέατροσ ἐπιστάτησ γέγονε τῆσ ὅλησ διακονίασ, ἦν δ’ ἐπιφανὴσ καὶ ἔντιμοσ ἡ χρεία. Χάρησ γοῦν ἐν τῇ γ τῶν ἱστοριῶν Πτολεμαῖόν φησι τὸν Σωτῆρα ἐδέατρον ἀποδειχθῆναι Ἀλεξάνδρου, μήποτε δὲ καὶ ὃν νῦν καλοῦσι Ῥωμαῖοι πρωτογεύστην τότε οἱ Ἕλληνεσ προτένθην ὠνόμαζον, ὡσ Ἀριστοφάνησ ἐν προτέραισ Νεφέλαισ διὰ τούτων στρ. πῶσ οὐ δέχονται δῆτα τῇ νουμηνίᾳ ἁρχαὶ τὰ πρυτανεῖ’, ἀλλ’ ἕνῃ τε καὶ νέᾳ;

φειδ. ὅπερ οἱ προτένθαι γὰρ δοκοῦσιν μοι παθεῖν ἵν’ ὡσ τάχιστα τὰ πρυτανεῖ’ ὑφελοίατο, διὰ τοῦτο προὐτένθευσαν ἡμέρᾳ μιᾷ. μνημονεύει αὐτῶν καὶ Φερεκράτησ ἐν Ἀγρίοισ· μὴ θαυμάσῃσ·

τῶν γὰρ προτενθῶν ἐσμέν, ἀλλ’ οὐκ οἶσθα σύ. καὶ Φιλύλλιοσ ἐν Ἡρακλεῖ· βούλεσθε δῆτ’ ἐγὼ φράσω τίσ εἰμ’ ἐγώ; ἡ τῶν προτενθῶν Δορπία καλουμένη. εὑρίσκω δὲ καὶ ψήφισμα ἐπὶ Κηφισοδώρου ἄρχοντοσ Ἀθήνησι γενόμενον, ἐν ᾧ ὥσπερ τι σύστημα οἱ προτένθαι εἰσί, καθάπερ καὶ οἱ παράσιτοι ὀνομαζόμενοι, ἔχον οὕτωσ· "Φῶκοσ εἶπεν ὅπωσ ἂν ἡ βουλὴ ἄγῃ τὰ Ἀπατούρια μετὰ τῶν ἄλλων Ἀθηναίων κατὰ τὰ πάτρια, ἐψηφίσθαι τῇ βουλῇ ἀφεῖσθαι τοὺσ βουλευτὰσ τὰσ ἡμέρασ ἅσπερ καὶ αἱ ἄλλαι ἀρχαὶ αἱ ἀφεταὶ ἀπὸ τῆσ ἡμέρασ ἧσ οἱ προτένθαι ἄγουσι πέντε ἡμέρασ.

"ὁ τύραννοσ οὐδὲ σιτίοισ καὶ ποτοῖσ πιστεύων διάγει, ἀλλὰ καὶ τούτων ἀντὶ τοῦ ἀπάρχεσθαι θεοῖσ τοῖσ διακονοῦσι πρῶτον κελεύουσιν ἀπογεύεσθαι διὰ τὸ ἀπιστεῖν μὴ καὶ ἐν τούτοισ κακόν τι φάγωσιν ἢ πίωσιν.

προγεύσεταί σοι πρῶτον ἡ γραῦσ τοῦ ποτοῦ.

SEARCH

MENU NAVIGATION