Athenaeus, The Deipnosophists, Book 4, book 4, chapter 70

(아테나이오스, The Deipnosophists, Book 4, book 4, chapter 70)

τῶν δὲ μαγείρων διάφοροί τινεσ ἦσαν οἱ καλούμενοι τραπεζοποιοί. εἰσ ὃ δὲ οὗτοι παρελαμβάνοντο σαφῶσ παρίστησιν Ἀντιφάνησ ἐν Μετοίκῳ· προσέλαβον ἐλθὼν τουτονὶ τραπεζοποιόν, ὃσ πλυνεῖ σκεύη, λύχνουσ ἑτοιμάσει, σπονδὰσ ποιήσει, τἄλλ’ ὅσα τούτῳ προσήκει. ζητητέον δὲ εἰ καὶ ὁ τραπεζοκόμοσ ὁ αὐτὸσ ἐστι τῷ τραπεζοποιῷ.

Ιὄβασ γὰρ ὁ βασιλεὺσ ἐν ταῖσ Ὁμοιότησι τὸν αὐτὸν εἶναί φησι τραπεζοκόμον καὶ τὸν ὑπὸ Ῥωμαίων καλούμενον στρούκτωρα, παρατιθέμενοσ ἐκ δράματοσ Ἀλεξάνδρου ᾧ ἐπιγραφὴ Πότοσ· εἰσ αὔριόν με δεῖ λαβεῖν αὐλητρίδα. τραπεζοποιὸν, δημιουργὸν λήψομαι· ἐπὶ τοῦτ’ ἀπέστειλ’ ἐξ ἀγροῦ μ’ ὁ δεσπότησ. ἐκάλουν δὲ τραπεζοποιὸν τὸν τραπεζῶν ἐπιμελητὴν καὶ τῆσ ἄλλησ εὐκοσμίασ. Φιλήμων Παρεισιόντι· περὶ τοὐπτάνιον οὐ γίνεθ’ ἡ σκευωρία· τραπεζοποιὸσ ἐστ’ ἐπὶ τοῦ διακονεῖν. ἔλεγον δὲ καὶ ἐπιτραπεζώματα τὰ ἐπιτιθέμενα τῇ τραπέζῃ βρώματα. Πλάτων Μενελάῳ· ὡσ ὀλίγα λοιπὰ τῶν ἐπιτραπεζωμάτων.

"διάκονον δ’ ἂν καὶ ἀγοραστὴν τὸν τοιοῦτον ἐθέλοιμεν προῖκα λαβεῖν; παρὰ δὲ Μενάνδρῳ ἐστὶ κοινότερον ἐν Φανίῳ · φειδωλὸσ ἦν καὶ μέτριοσ ἀγοραστήσ. ὀψώνην δ’ εἴρηκεν Ἀριστοφάνησ ἐν Ταγηνισταῖσ διὰ τούτων ὡσ οὑψώνησ διατρίβειν ἡμῖν τἄριστον ἐοίκε. παροψωνεῖν δ’ ἔφη Κρατῖνοσ ἐν Κλεοβουλίναισ οὕτωσ παραγοράζειν δὲ Ἄλεξισ ἐν Δρωπίδῃ.

εἰλέατροι δὲ καλοῦνται, ὥσ φησι Πάμφιλοσ, οἱ ἐπὶ τὴν βασιλικὴν καλοῦντεσ τράπεζαν παρὰ τὸ ἐλεόν. Ἀρτεμίδωροσ δ’ αὐτοὺσ δειπνοκλήτορασ ὀνομάζει, ἐκάλουν δέ, φησί, καὶ τοὺσ προγεύστασ ἐδεάτρουσ,1 ὅτι προήσθιον τῶν βασιλέων πρὸσ ἀσφάλειαν.

SEARCH

MENU NAVIGATION