Athenaeus, The Deipnosophists, Book 4, book 4, chapter 69

(아테나이오스, The Deipnosophists, Book 4, book 4, chapter 69)

"οὐκ ἔχω. ἀσταφίδα κεκομμένην, μάραθον, ἄνηθον, νᾶπυ, καυλόν, σίλφιον, κορίαννον αὐο͂ν, ῥοῦν, κύμινον, κάππαριν, ὀρίγανον, γήτειον, σκόροδον, θύμον, σφάκον, σίραιον, σέσελι, πήγανον, πράσον. Β. ἀλλὰ λέγ’ ὅτου δεῖ, λήψομαι γὰρ πάντ’ ἐγώ. α. ὀρθῶσ γε· πρῶτον μὲν λάβ’ ἐλθὼν σήσαμα. β. ἀλλ’ ἔστιν ἔνδον. α. ἐν δὲ Παννυχίδι ἢ Ἐρίθοισ·

μάγειρον δὲ ποιεῖ λέγοντα· κύκλῳ δεήσει περιτρέχειν με καὶ βοᾶν, ἄν του δέωμαι. δεῖπνον αἰτήσεισ με σὺ ἤδη παρελθών; οὐκ ἔχων δὲ τυγχάνω οὐκ ὄξοσ, οὐκ ἄνηθον, οὐκ ὀρίγανον, οὐ θρῖον, οὐκ ἔλαιον, οὐκ ἀμυγδάλασ, οὐ σκόροδον, οὐ σίραιον, οὐχὶ γήθυον, οὐ βολβόν, οὐ πῦρ, οὐ κύμινον, οὐχ ἅλασ, οὐκ ᾠόν, οὐ ξύλ’, οὐ σκάφην, οὐ τήγανον, οὐχ ἱμονιάν, οὐ λάκκον εἶδον, οὐ φρέαρ· οὐ στάμνοσ ἔστι·

διακενῆσ δ’ ἕστηκ’ ἐγὼ ἔχων μάχαιραν, προσέτι περιεζωσμένοσ. κἀν Πονήρᾳ· τῆσ ὀριγάνου πρώτιστον ὑποθεὶσ εἰσ λοπάδα νεανικὴν τὸ τρίμμ’ ἐπιπολῆσ εὐρύθμωσ διειμένον ὄξει, σιραίῳ χρωματίσασ καὶ σιλφίῳ, πυκνῷ πατάξασ. ἐπεσθίειν εἴρηκε Τηλεκλείδησ Πρυτάνεσιν οὕτωσ·

"τυρίον ἐπεσθίοντα. ἐπιφαγεῖν δ’ Εὔπολισ Ταξιάρχοισ· ἐπιφαγεῖν μηδὲν ἄλλ’ ἢ κρόμμυον λέποντα καὶ τρεῖσ ἁλμάδασ. καὶ Ἀριστοφάνησ Πλούτῳ· πρὸ τοῦ δ’ ὑπὸ τῆσ πενίασ ἅπαντ’ ἐπήσθιεν.

SEARCH

MENU NAVIGATION