Athenaeus, The Deipnosophists, Book 4, book 4, chapter 68

(아테나이오스, The Deipnosophists, Book 4, book 4, chapter 68)

μαγειρικὰ δὲ σκευή καταριθμεῖται Ἀνάξιπποσ ἐν Κιθαρῳδῷ οὕτωσ · ζωμήρυσιν φέροισ, ὀβελίσκουσ δώδεκα, κρεάγραν, θυίαν, τυροκνῆστιν παιδικήν, στελεόν, σκαφίδασ τρεῖσ, δορίδα,1 κοπίδασ τέτταρασ. οὐ μὴ πρότερον οἴσεισ,2 θεοῖσιν ἐχθρὲ σύ, τὸ λεβήτιον, τἀκ τοῦ νίτρου πάλιν ὑστερεῖσ; καὶ τὴν κύβηλιν, τὴν ταγηνιστηρίαν·

τὴν χύτραν δ’ Ἀριστοφάνησ ἐν Σκηνὰσ καταλαμβανούσαισ κακκάβην εἴρηκεν οὕτωσ τὴν κακκάβην γὰρ κᾶε. β. τοῦ διδασκάλου; κἀν Δαιταλεῦσι· κἄγειν ἐκεῖθεν κακκάβην. Ἀντιφάνησ δ’ ἐν Φιλοθηβαίῳ· πάντ’ ἔστιν ἡμῖν ἥ τε γὰρ συνώνυμοσ τῆσ ἔνδον οὔσησ ἔγχελυσ Βοιωτία μιχθεῖσα κοίλοισ ἐν βυθοῖσι κακκάβησ χλιαίνετ’, αἴρεθ’, ἕψεται, παφλάζεται. βατάνιον δ’ εἴρηκεν Ἀντιφάνησ ἐν Εὐθυδίκῳ·

ἔπειτα πουλύπουσ τετμημένοσ ἐν βατανίοισιν ἑφθόσ. Ἄλεξισ ἐν Ἀσκληπιοκλείδῃ · οὕτωσ δ’ ὀψοποιεῖν εὐφυῶσ περὶ τὴν Σικελίαν αὐτὸσ ἔμαθον ὥστε τοὺσ δειπνοῦντασ εἰσ τὰ βατάνι’ ἐμβάλλειν ποῶ ἐνίοτε τοὺσ ὀδόντασ ὑπὸ τῆσ ἡδονῆσ. πατάνιον δὲ διὰ τοῦ π Ἀντιφάνησ ἐν Γάμῳ, πατάνια, σεῦτλον, σίλφιον, χύτρασ, λύχνουσ, κορίαννα, κρόμμυ’, ἅλασ, ἔλαιον, τρυβλίον. Φιλέταιροσ Οἰνοπίωνι·

ὁ μάγειροσ οὗτοσ Πατανίων προσελθέτω. καὶ πάλιν πλείουσ Στρατονίκου τοὺσ μαθητάσ μοι δοκεῖ ἕξειν Πατανίων. > ἐν δὲ Παρασίτῳ ὁ Ἀντιφάνησ καὶ τάδε εἴρηκεν ἄλλοσ ἐπὶ τούτῳ μέγασ ἥξει τισ ἰσοτράπεζοσ εὐγενήσ Β. τίνα λέγεισ; α. Καρύστου θρέμμα, γηγενήσ, ζέων β. εἶτ’ οὐκ ἂν εἴποισ; ὕπαγε.

α. κάκκαβον λέγω· σὺ δ’ ἴσωσ ἂν εἴποισ λοπάδ’ . β. ἐμοὶ δὲ τοὔνομα οἰεί διαφέρειν, εἴτε κάκκαβόν τινεσ χαίρουσιν ὀνομάζοντεσ εἴτε σίττυβον, πλὴν ὅτι λέγεισ ἀγγεῖον οἶδα; Εὔβουλοσ δ’ ἐν Ιὤνι καὶ βατάνια καὶ πατάνια λέγει ἐν τούτοισ· τρυβλία δὲ καὶ βατάνια καὶ κακκάβια καὶ λοπάδια καὶ πατάνια ποικιλόθροα καὶ οὐδ’ ἂν λέγων λέξαιμι.

SEARCH

MENU NAVIGATION